اخوكم غرقان وين الفزعة

[العريضي]

السلام عليكم ورحمة الله وبركاتة

عساكم بخير يااعضاء المنتدى الحبيب على القلب وجمعة مباركة انشاالله


ياجماعة الخير انا ولله الحمد الله وفقني وخذتلي طراد مقاس 18 هامور صبة الضاعن وماشاالله القرف شبة وكالة

بس المشكلة الحين حجم المكينة الي بركبها علية في واحد من النواخذة شار علي اني اركب 40 ياماها وشوي جاني نوخذة ثاني وقالي ركب75 وصارت السالفة كل واحد يجيني يعطيني شور ثاني
فياجماعة الخير انا املي فيكم كبير انكم اتفيدوني وتعطوني النصيحة والمشورة الطيبة

[صايد الحوت]

ولكموا اخوي اول شي الله يعطيك خيره ويكفيك شره يارب انا من ناحيتي اشور عليك اخوي في المكينه 75 او 85 راح تكون حلوه على القارب 40 حصان لا تنسى ثقل وزن وغير كذا كل مزادت سرعت الطراد صار احسن لك من جميع النواحي من ناحيت الوقت وغير كذا حلات القارب اذا ماتطلع مع قروب وانت ماشي معاهم مو جالسين يسابقونك انت وراء منزل رجلك في البحر تبي تزيد السرعه ( 2حصان زايده على الاقل قويه هههههههه)وهذا راي الشخصي مع العلم عندي الظاعن 21وعليه 85 وافكر اركب عليه او اذا حصل 115 او 140 راح اركبها السرعه مطلوبه للمحادق البعيده تحياتي وبتوفيق

[العريضي]

مشكور اخوي صياد الحوت طيب ايش رايك بقرف الضاعن اذا ماعندك مانع تعطيني اجابياتة وسلبياتة

[عويس جدة]

75 حلوة وقوية لاكن بتكون حمل علي القارب وبترضخة (يعني يصير طايح من الخلف )
40 حلوة علي قاربك من ناحية الوزن والقوة

تحياتي

[العريضي]

عطوني المشورة يالنواخذة

[مهمش]

75 يماااااااااااااااااااااااهاااااااااا اوكي

[تاري الرايس1]

عدد 2 أربعين حصان زايده بعد المكائن إذا زاد وزنها على البوت خطيره

[accentkool]

75 حصان انا اشوف انها كفاية

[محر999م]

خذ 2x40 يامها تو ستروك...ماكينتين أفضل لك لجل لو لاسمح الله تعطلت عليك الاولى الثانية تكون شغالة يعني أحتياط...وبنص دعســـة تمشيها لك زي الحلاوة إذا كان البحر حوال..وتعمر معك المكاين بإذن الله وبالتوفيق إن شاء الله.

[ابو نيه نقيه]

انا اشوف اربعين كويسه وتمشيك بالراحه

[أبن جدة]

ركب مكينه ياماها 75توستروك وأتوكل على الله

[أبوهيثم2002]

40 أو 75 كلهم زينين .. أهم شي خذلك مجاديف وقت الله الله إذا تعطلو ماينفعك غير عملك الصالح وأنا أخوك

[goldenrife]

الله يبارك لك في القارب ويعطيك خيره ويكفيك شره

تقبل مروري!!:rolleyes:

[ABO ZAIN 29]

انا أشوف انه الجماعه ما تفقو شوف مين الخبره أكثر

[امواج المحيط]

السلام عليكم ورحمة الله وبركاتة

اختلف العلماء وإذا اخلتلف العلماء امشي على كيفك >>>>>> :D:D:D:D

حبيبي طالما أن الطراد ما يتحمل 2 اربعين وهي الحل الامثل

ويتحمل 75 ويازين 75 حصان

إلى الحل الدبلماسي :D

ركب واحد 40 حصان يامها وركب جنبو 25 حصان يامها يكون احتياط وإذا زادت عندك الحمولة شغل الاثنين سوا كذا ريحت بالك من جميع النواحي


:good2::good2: وعيش حياتك ياعم :good2::good2:


تحياتي


أبو شهد

[etheer]

واحد كفاية 75 ياماها

[Marron glacee]

الافضل انك تستفسر من الشركة الصانعه لك تحياتي

[كموص]

عندي بوت يماها من النوع القديم , 18 قدم يعني 5 متر ونصف طبقتين وحاشيه فوم 9 خزانات , وخزانات عدد 4 لكراكيب الصيد وواحد أمامي لحبل الرسو ,ومحيا ,وأربع ركاب , وهذا النوع معروف عنه بالوزن الخفيف , مركب عليعه 40 ياماها 2 استروك , ممشاه ماشاء الله سريع . وماطور سوزوكي 4حصان للأحتياط في واحد من المخازن .
لا أحبذ لك 75 سوف يرسخ البوت من الخلف ويسبب لك قلق في الموج العالي ويجرف مياه من الخلف عند الوقوف للصيد ... أوالسير البطئ أو المتوسط مع الموج العالي .
من الأفضل في كلا الحالتين أستعير ماطور 75 ومرة 40 شرط فيه موج عالي مع عدد الركاب المصرح لهم مع كراكيب الصيد . واللي ترتاح لو روح لو .