محمد الظاهري
05/11/2010, 01:53 PM
السلام عليكم ورحمه الله وبركاته
من قصص ورويات
(الراويالمعروف محمد بن علي الشرهان من كتابه سالف وقصيد)
هذه سالفه وقصيده من الشعر الشعبي كما تعلمون مبوب فيه
الغزل وفيه باب المدح وفيه باب الرثاء
والرثاء باب من ابواب الشعر فالقصيده من قصائد الرثاء .
تاتي جميله جدا
حيث تكون خارجه من قلبي الشاعر بشكل لا يوصف
هذا الشاعر المعاصر هو عبدالله بن محمد السياري
قصه السياري قصه اعجبت بها جدا
وهذا القصه معاصره
والرجل هذا له اولاد ولده الكبير اسمه (خالد)
وله اولاد ماشاء الله فيهم الخير والبركه والشاعر عبدالله
له اخوان ناصر وابراهيم وفهد وعبدالعزيز ناصر اكبر منه
والباقين اصغير منه الحاصل ان عبدالله السياري
هذا له ولد ولده هذا الكبير خالد درس وتعلم وتخرج من الجامعه
كان الولد وجه رجال يملي عينك في الكلام
وفي الحديث والفهم يملا عين اللي يقابله وكان يعني من غير قصور
بالجميع كان هو واجهتهم هو الواجهه لهالبيت هذا وهالعائله
لكنه كان محبوب ودمث الاخلاق وحبيب وطيب وشاعر
ويميز الكلام ويقرأ الرجاجيل ويعرفهم يعرف الاشخاص اللي يقابلهم
كلن يعطيه حقه على حسب مقامه تعلم ودرس وتخرج من الجامعه
وتعين واستمر وعقب فترة تزوج ولما تزوج ومضى على زواجه
يمكن حدود الاربعه اشهراخذ له بيت بجنب بيت اهله
وقام ياثث البيت هذا ويجهزه على اساس يبي ينتقل فيه بزوجته
كان الله يرحمه الولد هذا الظاهر انه مركب له صمام بالقلب
يوم انه صغير ويجوز انه مالاحظ او مااعار الاهتمام لحكاية الصمام
هذا ومتابعته فيجوز انه ماتابعه لكن (الاعمار بيد الله سبحانه وتعالى)
االوكاد انه يعني صاير وش اقول عنه ولد حبيب تتعب وانت تقول
عنه رجل ودمث الاخلاق وطيب وسمح البال ودائما كل الناس تحبه
وكل الناس تقدره وكلمته دائما لها صدى ولها حس يجتمعون عندهم
الناس وابوه مدهل للطيبين دائما يجتمعون عنده الشعراء والادباء
وعقب مامضى على زواجه فتره وتم يمكن اربعة اشهر خمسة اشهر
ياثث البيت هذا يبي ينزله تعب في حالة النقل والشيل والحط
وهذا ويقول
-يهرج علينا ابوه- يقول يوم جاء يوم من الايام (انا والله شايفه الله
يرحمه قبل وفاته يمكن بيوم او بيومين بيوم شايفه مقابلني ومسلم
عليه عقب المغرب مسولف معه علي ومعلمني عن تاثيثه للبيت
وان مابقى له الا شي بسيط مقابلني انا شخصيا ومهرجه لان هو
من اعز اصدقائي اللي اعتز بهم)
فيوم من الايام وانا في العمل عقب هالكلام بيومين مادريت الا يتصل
علي واحد بالتلفون يكلمني يقول لي(يقول خالد يطلبك الحل) كيف؟
قال : نعم
متى ؟
قال:البارح
جيت عاد اسئل ابوه في العزاء قلت: وشلون؟
قال : والله ابد حنا مجتمعين ومسولفين ومتعشين ذيك الليله
ماعندنا خلاف سرى من عندنا الساعه 12 رايح لغرفته فوق
وقعد هو وزوجته الله يكفينا وياكم شر صيحة الغفله
الا ويوم نادى زوجته
قال : يامره
قالت : نعم
قال : نادي ابوي وامي ناديهم
قالت : وش تبي بهم ؟
قال : ناديهم ابهرجهم بسرعه ناديهم
كنه يبدو عليه التعب ويبدو عليه الارهاق يبدوا عليه.
راحت ونادتهم وجابتهم جو وقعدوا عنده ابوه وعمه
ووالدته بعد والدته ماشاء الله عليها يعني جيده وتتحمل
فتقابلوا عنده وش فيك وانا ابوك سلامات بسم الله عليك
عسى ماشر قال والله اابوي كني احس روحي اني انا ماني نشيط وماني بالحيل
لكن ابوصيك وصاة ياابوي اول شي بطلب منكم طلب
انت وعمي ووالدتي مادامكم حاضرين عندي انكم تحللوني
وتدعون لي بالخير انا والله ماادري عن روحي لكن باوصيكم
وصاة لاتنسونها المره هذي (اللي هي زوجته طبعا) تعرفون
انها على وشك ضنا لكن ان جاني ولد سموه على جدي محمد
وان جاني بنت سموها على والدتي
وانا ابيكم تحللوني ان كان بادر مني شي وتبيحوني
احس ان روحي اني ماانا بالحيل
وذا كيف ويوم روعهم بالكلام ذا والمهم اسرع من قولة ياراشد
يوم بردت رجليه ويديه ويوم طاح عليهم يتلوون يبونه
يوم طاح بينهم يفوق شوي يوم طلعت روحه وتوفي
يبون يركضون للمستشفى قالوا والله مات يقعدون يلتوون عليه
ويصيحون عليه كل الليل الله يدفع البلاء المهم راحو به دفن الولد
وراح توفي الله يغفر له ويرحمه
لكن قعدت الجرايد يجي شهر او ازود وهي تنشر مرثيات عنه
وعن دماثة اخلاقه وعن طيبته وعن حبابته يجي شهر
وحتى اللي مايعرفه وشاف اللي غيره يقصد فيه
لانه يقول الاول يقول شاعر قبل يقول :
مـــاخـــــلا الاول للــــتالي شيء يحتاجه ماذكره
يوم قال : من اطيب عيالك قال اللي يجـــيك خبره
خبره بالطيب وبالمحبه وبالدين والصلاح
وبكل شي (الله يغفر له ويرحمه)
والعجبه في القصه يااخواني الغالي
قعدت تنشرها الجرايد القصيد اللي قيل فيه , هاه راحوا تفرقوا الناس
والمره راحت عند اهلها وبعد فتره اضنت وجابت هاك البنيه
اللي مره مصلصله اشباهها عليه (سبحان الله العظيم) جابت هاك
البنيه قعدت عندهم فزت البنيه صار عمرها سنه ثلاث سنين قاموا
يزورونها اهلها (اللي هم جدانها)
الاجاء يوم الجمعه او يوم الخميس جابوها عندهم ومن محبتهم لها
عندهم عيال واجد غيرها لكن محبتهم لابوها قبل يغلون البنيه
هذي يلبسونها زين ويدارون خاطرها
يكدون شعرها يكحلون عيونها يحطون عليها خماخم يزينونها
يلاحظونها يلبسونها الذهب الزين مدلّلة كل يقول تعالي ياامي عندي
الى الحين تشوفون ان القصه حزينه والواحد يقدر يمسك دموعه ويحبسها
لكن المقطع الجاي هو اللي والله ذرفت عيوني عليه
لانه كان وصف لحالة الشاعر عبدالله السياري
ماابي اشغلكم في القصيده وتقرونه بسلوب الراوي محمد الشرهان
افضل لانه اجاد وصف الموقف الله يطول بعمرها
تعالي يابنتي تعالي عندي والا البنيه ذكيه ومنتبهه
بس ماتدري من هو ابوها من هذولي كل من قال تعالي يابنتي
عندي تحسبه ابوها فبعد ماضي فتره هالمده هذي ثلاث سنين
او اربع سنين الجرح اللي في كبد عبدالله السياري بعد وفاة ولده
مثل الجرح القاطب اللي ماتبين ماتبينه العبره ولاتبين الشيء
الا عقب هالفتره وخاصه الا جت هالبنت عندهم
وشافها لاشاف هالبنت هذي تأثر ماعاد يقدر يصبر راح وصد ركب
سيارة عنده ونيت مصفح راح ودور جبل والا شي معتلي
وراح فيه الين تهلهل عيونه من البكاء ويطلع اللي في خاطره
ويعود ولهذا عبر عن هالحاله بالابيات هذي
متى ما العباير ضيقت صدري المشحون
ونوت عيني الحـرى تنثـر عبايرهـا
ركبت المصفح مبعد الهقـوه المامـون
وتنزحت بعيون ٍ على الصبر عاسرهـا
وتنحرت لي رجم ٍ على الواديالمصيو ن
وتعليت به والعيـن جابـت ذخايرهـا
على فقد خالد ونتي ونـت المطعـون
تكض العيون الدمع والحزن حاشرهـا
انا ظني احياء ما بقا لي وانا محزون
من الصدمه اللي رب الارباب خابرهـا
الى شفت ساره تدّرج بينهـم بالهـون
تعثر وتنهض واقشـر الحـظ عاثرهـا
تنادي بـبابا مادرت ذخرهـا مدفـون
تعلق بمن شافـت وتنخـا عشايرهـا
تنحيت عنهم واسبلت عيني المخـزون
اطمـن والـد بناضـري لا يناضرهـا
والى خف حزني صحت يا ربعنا تكفون
. على الكبد حطوهـا تطفـي سعايرهـا
هلا مرحبا يا كل عمري ونون النـون
ظنا من خياله شايفه فـي نواضرهـا
انا اشم ريحه فيك لو قيل لي مجنـون
عيون الخلي لو نامت الليـل عاذرهـا
*****************************
وهذه القصيده الخالده والمحزنه
تقرئها وتمتلي العيون في الدموع والقلب في الهواجيس
صراحه يا اخواني انا اعجبت في القصه والقصيده
وكنت اعرفها ولكن امس قراتها واختصرت لكم
وارجو ان يكون في هذه القصه والقصيده العبره عن الدنيا الفانيه وتفيد في قظه القلوب
واعذروني اذا اخطئت في نقل الروايه هذا ما قرئت في كتاب الراوي محمد الشرهان
في كتاب سالفه وقصيده
واتمنى لي ولكم التوفيق
وتحياتي لكم
اخوكم
محمد الظاهري
من قصص ورويات
(الراويالمعروف محمد بن علي الشرهان من كتابه سالف وقصيد)
هذه سالفه وقصيده من الشعر الشعبي كما تعلمون مبوب فيه
الغزل وفيه باب المدح وفيه باب الرثاء
والرثاء باب من ابواب الشعر فالقصيده من قصائد الرثاء .
تاتي جميله جدا
حيث تكون خارجه من قلبي الشاعر بشكل لا يوصف
هذا الشاعر المعاصر هو عبدالله بن محمد السياري
قصه السياري قصه اعجبت بها جدا
وهذا القصه معاصره
والرجل هذا له اولاد ولده الكبير اسمه (خالد)
وله اولاد ماشاء الله فيهم الخير والبركه والشاعر عبدالله
له اخوان ناصر وابراهيم وفهد وعبدالعزيز ناصر اكبر منه
والباقين اصغير منه الحاصل ان عبدالله السياري
هذا له ولد ولده هذا الكبير خالد درس وتعلم وتخرج من الجامعه
كان الولد وجه رجال يملي عينك في الكلام
وفي الحديث والفهم يملا عين اللي يقابله وكان يعني من غير قصور
بالجميع كان هو واجهتهم هو الواجهه لهالبيت هذا وهالعائله
لكنه كان محبوب ودمث الاخلاق وحبيب وطيب وشاعر
ويميز الكلام ويقرأ الرجاجيل ويعرفهم يعرف الاشخاص اللي يقابلهم
كلن يعطيه حقه على حسب مقامه تعلم ودرس وتخرج من الجامعه
وتعين واستمر وعقب فترة تزوج ولما تزوج ومضى على زواجه
يمكن حدود الاربعه اشهراخذ له بيت بجنب بيت اهله
وقام ياثث البيت هذا ويجهزه على اساس يبي ينتقل فيه بزوجته
كان الله يرحمه الولد هذا الظاهر انه مركب له صمام بالقلب
يوم انه صغير ويجوز انه مالاحظ او مااعار الاهتمام لحكاية الصمام
هذا ومتابعته فيجوز انه ماتابعه لكن (الاعمار بيد الله سبحانه وتعالى)
االوكاد انه يعني صاير وش اقول عنه ولد حبيب تتعب وانت تقول
عنه رجل ودمث الاخلاق وطيب وسمح البال ودائما كل الناس تحبه
وكل الناس تقدره وكلمته دائما لها صدى ولها حس يجتمعون عندهم
الناس وابوه مدهل للطيبين دائما يجتمعون عنده الشعراء والادباء
وعقب مامضى على زواجه فتره وتم يمكن اربعة اشهر خمسة اشهر
ياثث البيت هذا يبي ينزله تعب في حالة النقل والشيل والحط
وهذا ويقول
-يهرج علينا ابوه- يقول يوم جاء يوم من الايام (انا والله شايفه الله
يرحمه قبل وفاته يمكن بيوم او بيومين بيوم شايفه مقابلني ومسلم
عليه عقب المغرب مسولف معه علي ومعلمني عن تاثيثه للبيت
وان مابقى له الا شي بسيط مقابلني انا شخصيا ومهرجه لان هو
من اعز اصدقائي اللي اعتز بهم)
فيوم من الايام وانا في العمل عقب هالكلام بيومين مادريت الا يتصل
علي واحد بالتلفون يكلمني يقول لي(يقول خالد يطلبك الحل) كيف؟
قال : نعم
متى ؟
قال:البارح
جيت عاد اسئل ابوه في العزاء قلت: وشلون؟
قال : والله ابد حنا مجتمعين ومسولفين ومتعشين ذيك الليله
ماعندنا خلاف سرى من عندنا الساعه 12 رايح لغرفته فوق
وقعد هو وزوجته الله يكفينا وياكم شر صيحة الغفله
الا ويوم نادى زوجته
قال : يامره
قالت : نعم
قال : نادي ابوي وامي ناديهم
قالت : وش تبي بهم ؟
قال : ناديهم ابهرجهم بسرعه ناديهم
كنه يبدو عليه التعب ويبدو عليه الارهاق يبدوا عليه.
راحت ونادتهم وجابتهم جو وقعدوا عنده ابوه وعمه
ووالدته بعد والدته ماشاء الله عليها يعني جيده وتتحمل
فتقابلوا عنده وش فيك وانا ابوك سلامات بسم الله عليك
عسى ماشر قال والله اابوي كني احس روحي اني انا ماني نشيط وماني بالحيل
لكن ابوصيك وصاة ياابوي اول شي بطلب منكم طلب
انت وعمي ووالدتي مادامكم حاضرين عندي انكم تحللوني
وتدعون لي بالخير انا والله ماادري عن روحي لكن باوصيكم
وصاة لاتنسونها المره هذي (اللي هي زوجته طبعا) تعرفون
انها على وشك ضنا لكن ان جاني ولد سموه على جدي محمد
وان جاني بنت سموها على والدتي
وانا ابيكم تحللوني ان كان بادر مني شي وتبيحوني
احس ان روحي اني ماانا بالحيل
وذا كيف ويوم روعهم بالكلام ذا والمهم اسرع من قولة ياراشد
يوم بردت رجليه ويديه ويوم طاح عليهم يتلوون يبونه
يوم طاح بينهم يفوق شوي يوم طلعت روحه وتوفي
يبون يركضون للمستشفى قالوا والله مات يقعدون يلتوون عليه
ويصيحون عليه كل الليل الله يدفع البلاء المهم راحو به دفن الولد
وراح توفي الله يغفر له ويرحمه
لكن قعدت الجرايد يجي شهر او ازود وهي تنشر مرثيات عنه
وعن دماثة اخلاقه وعن طيبته وعن حبابته يجي شهر
وحتى اللي مايعرفه وشاف اللي غيره يقصد فيه
لانه يقول الاول يقول شاعر قبل يقول :
مـــاخـــــلا الاول للــــتالي شيء يحتاجه ماذكره
يوم قال : من اطيب عيالك قال اللي يجـــيك خبره
خبره بالطيب وبالمحبه وبالدين والصلاح
وبكل شي (الله يغفر له ويرحمه)
والعجبه في القصه يااخواني الغالي
قعدت تنشرها الجرايد القصيد اللي قيل فيه , هاه راحوا تفرقوا الناس
والمره راحت عند اهلها وبعد فتره اضنت وجابت هاك البنيه
اللي مره مصلصله اشباهها عليه (سبحان الله العظيم) جابت هاك
البنيه قعدت عندهم فزت البنيه صار عمرها سنه ثلاث سنين قاموا
يزورونها اهلها (اللي هم جدانها)
الاجاء يوم الجمعه او يوم الخميس جابوها عندهم ومن محبتهم لها
عندهم عيال واجد غيرها لكن محبتهم لابوها قبل يغلون البنيه
هذي يلبسونها زين ويدارون خاطرها
يكدون شعرها يكحلون عيونها يحطون عليها خماخم يزينونها
يلاحظونها يلبسونها الذهب الزين مدلّلة كل يقول تعالي ياامي عندي
الى الحين تشوفون ان القصه حزينه والواحد يقدر يمسك دموعه ويحبسها
لكن المقطع الجاي هو اللي والله ذرفت عيوني عليه
لانه كان وصف لحالة الشاعر عبدالله السياري
ماابي اشغلكم في القصيده وتقرونه بسلوب الراوي محمد الشرهان
افضل لانه اجاد وصف الموقف الله يطول بعمرها
تعالي يابنتي تعالي عندي والا البنيه ذكيه ومنتبهه
بس ماتدري من هو ابوها من هذولي كل من قال تعالي يابنتي
عندي تحسبه ابوها فبعد ماضي فتره هالمده هذي ثلاث سنين
او اربع سنين الجرح اللي في كبد عبدالله السياري بعد وفاة ولده
مثل الجرح القاطب اللي ماتبين ماتبينه العبره ولاتبين الشيء
الا عقب هالفتره وخاصه الا جت هالبنت عندهم
وشافها لاشاف هالبنت هذي تأثر ماعاد يقدر يصبر راح وصد ركب
سيارة عنده ونيت مصفح راح ودور جبل والا شي معتلي
وراح فيه الين تهلهل عيونه من البكاء ويطلع اللي في خاطره
ويعود ولهذا عبر عن هالحاله بالابيات هذي
متى ما العباير ضيقت صدري المشحون
ونوت عيني الحـرى تنثـر عبايرهـا
ركبت المصفح مبعد الهقـوه المامـون
وتنزحت بعيون ٍ على الصبر عاسرهـا
وتنحرت لي رجم ٍ على الواديالمصيو ن
وتعليت به والعيـن جابـت ذخايرهـا
على فقد خالد ونتي ونـت المطعـون
تكض العيون الدمع والحزن حاشرهـا
انا ظني احياء ما بقا لي وانا محزون
من الصدمه اللي رب الارباب خابرهـا
الى شفت ساره تدّرج بينهـم بالهـون
تعثر وتنهض واقشـر الحـظ عاثرهـا
تنادي بـبابا مادرت ذخرهـا مدفـون
تعلق بمن شافـت وتنخـا عشايرهـا
تنحيت عنهم واسبلت عيني المخـزون
اطمـن والـد بناضـري لا يناضرهـا
والى خف حزني صحت يا ربعنا تكفون
. على الكبد حطوهـا تطفـي سعايرهـا
هلا مرحبا يا كل عمري ونون النـون
ظنا من خياله شايفه فـي نواضرهـا
انا اشم ريحه فيك لو قيل لي مجنـون
عيون الخلي لو نامت الليـل عاذرهـا
*****************************
وهذه القصيده الخالده والمحزنه
تقرئها وتمتلي العيون في الدموع والقلب في الهواجيس
صراحه يا اخواني انا اعجبت في القصه والقصيده
وكنت اعرفها ولكن امس قراتها واختصرت لكم
وارجو ان يكون في هذه القصه والقصيده العبره عن الدنيا الفانيه وتفيد في قظه القلوب
واعذروني اذا اخطئت في نقل الروايه هذا ما قرئت في كتاب الراوي محمد الشرهان
في كتاب سالفه وقصيده
واتمنى لي ولكم التوفيق
وتحياتي لكم
اخوكم
محمد الظاهري