مشكلة بهذلتني في الددسن ( واظنها شي تافه )

[وارد نيسان]

.
.
.

السلام عليكم ورحمه الله وبركاته .. حي الله اعضاء مكشات

ياجماعة انا عندي مشكلة في ددسن ( كربريتر ) بهذلتني ولا ودي ادخل بها الصناعية خوفي يحوسونه
قلت ما لي الا اعضاء مكشات اللي يبخصون ومحل ثقة ( والله كلمه حق لا ارجوا منها مجامله )

مالكم بالطويلة المشكلة هي لا دخلت بالموتر للبر ومشيت به على الرمل السهل ما عنده اي مشكلة
لكن لا جيت ارقى تقريباً ارتفاع مطب او اكثر شوي في الرمل بدا يخبط ولا عاد يقبل الدعسة .. يقبل الدعسة الى ما يوصل الضغط 2.5 بعدها يطفى واذا شغلته يشتغل ويقبل الدعسة الى 2.5 ويطفى

لازم انزل عزبتي وانتظر طويل العمل يبرد واشغله ويشتغل
يعني لازم اخليه 8 دقايق كحد ادنى علشان يشتغل ويضبط

ارجو منكم الافاده ولا تخيبون ظني فيكم

[ولد وايل]

حط مع البنزين اذا وصل الربع 2لتر قاز وامش عليه 20كيلو ثم عبه فل وباذن الله راح تدعيلي

[مكسر الشوك]

المشكلة في عزم الموتر
والحل ان شاء الله

غير اسلاك بواجي مع بواجي مع صفاية بنزين مع البلاتين

[بدوي جنوبي]

هل حول الكربريتر ترشيح بنزين
لما تطفأ عليك تفوح ريحة البنزين

لان اتوقع ان الكربريتر يشرق بنزين
او يكون يوصل بكمية قليله

يعنى لازم تتأكد من صفاية البنزين
وفلتر الكربريتر الصغير هذا ان وجد فيه فلتر

بالتوفيق

[YUKON_GMC]

مع انك ماذكرت المويدل للسياره

لكن
مشكلتك اما ان الكربريتر يشرق يعني يغرق بنزين أو مشكلة ديلكو عطلان ...
الديلكو تقدر تجرب ديلكو اي سياره اخرى لك او لحد اقاربك .. لكن تحط خط على مكان وزن القديم وتعرف اتجاه مضبوط ..
تشريق البنزين تقدر تفك مسامير الزجاجه الاماميه بسكروب مربع وتفرغ البنزين وتقفل على المسامير وتشغل

http://image.made-in-china.com/4f0j00jecEaSkCgGpH/Carburetor-for-Nissan-L18-Z20-16010-13w00-13w10.jpg

[وارد نيسان]

ولد وايل
الله يجزاك خير , واللي اخبره ان هالطريقة سمعت انها تنظف او شي زي كذا
بس البلا ان الموتر ما يشتغل الا بعد 10 دقايق ... وان شاء الله اجرب طريقتك

مكسر الشوك
البواجي واسلاكها انا ناوي اغيرها باذن الله من قبل اكتشف المشكلة
لكن مثل ما قلت المشكلة مهيب في العزم وبس .. المشكلة مابه لا عزم ولا موتر :D يعني الموتر نفسه يطفي ولا عاد تشغله الا بعد ما يبرد

وجزاك الله خير

بدوي جنوبي

تفاءلت يوم شفتك راد علي وعسى صلاح الموتر يكون من هالموضوع
يا بعدي هو طفى علي مرتين ولا اذكر ان كان فيه ريحة بنزين ابداً .. الا بالعكس الوضع طبيعي بس اللهم اني اذا شغلته يشتغل يوصل الضغط 2 تقريباً ويطفى
والله يجزاك خير

سفاري 2
جزاك الله خير .. الديلكو طال عمرك هالايام كذا مرة غيرت وزنيته عشان كان عندي مشكلة بالسلف
لكن مدري اذا كان لها تأثير عليها

[وارد نيسان]

للرفع .. رفع الله مقداركم .