كم يسوى هالموتر ؟؟ ( فورد إكسبلورر)

[كياف]

السلام عليكم ورحمة الله وبركاته


مساكم الله بالخير ياجماعة الخير ..


هذا موتر معروض علي ومواصاته كالتالي :
اكسبلورر ايدي باور ( فل كامل ) إلا الفتحة
ممشاه 90 ألف ميل تقريباً
اللون ابيض+ذهبي من تحت
موديله 2007 وارد أمريكا


ودي الله لا يهينكم تعكوننا بكم محاريه .. والله يجزاكم خير ..

[بدوي جنوبي]

ينقل لقسم فورد

[قدر مكتوب]

في بحر 30 الف اذا نظيف بالحيل

[الابراهيم]

وين اذا فيه ب 30 الف انا شراي

كل اللي القاها من 40 الف الى 47 الف

[eewwm]

لا وين 47 ولا 30
تلقها على 58 الين 62 براحه تلقاه
والله الموفق

[بدرالعوفي]

ماحصلنا ب60000 تقول ب30000

[زايــ ابومحمد ــد]

0
من الـ 60 الى الـ 65

[الابراهيم]

لا واللي 40 الف موديل 2004

[خيال العشواء]

2007 قيمته بالسوق من الـ 60000 ريال

[مرمرينا]

تبي العلم نحش اركز كراعك والغ استفسارك والله يالي يعطونك هالأسعار مايدرون وين السوق فيه يارجل فيه اكسبلور 2007 فل ايدي بور ب 30 ولا 40 ولا 45 ولا 50 والله ان خذيت على شورهم ماتشتري ابد وان تقعد تدور الين تدوخ وماتلاقي رح لسوق وانا خوك وسعر لك كم سياره من نفس النوع الي تبي طبعن مو من المعارض من الساحه وقارن بين الأسعار واقل سعر من السيارات الي بتلاقي طبعن تكون من نفس نوع المواصفات الي تبي هو السعر الحقيقي او القريب جدا هذا اذا تبي تعرف الأسعار وخل منك الناس هذي الي ماهي داريه عن الدنيا بشي ودمت بخير

هذي النصيحه اقدمها لك ولغيرك
السوق هو الحكم وليس سوالف المنتديات

[ابوحبيب]

يااخوان انا توني شاري فورد اكسبيدشن 2005 من البيان الجديد الي بالرياض استعمال امريكي
الملاحظ ان الاسعار زايده الله يعين
المواصفات الي تقول عليها للاكسبلورار الايدي بور هي الفل ..
فتحه في السقف
دبل
ثلاث صفوف مراتب
مخشب واجهة الطبلون والي حول القير
يجي شاشة انت وحظك
المراتب جلد هذا الغالب لكن لو لقيت مخمل فحماتك بتحبك
لان كل خمسين سيارة جلد يجي معهن ثنتين مخمل هذا مثل بس
الجنوط كروم
هذا من 63 - 65 الف
والنظيف مره اخو الجديد في حدود 68 الف
مر السوق وانت تعرف
وهذي الاسعار قبل عيد الاضحى .. لان اغلب المعارض الي مريناها يقولون انهم في امريكا رافعين عليهم ماهي زي العام الماضي ؟


الله يرزقك ويوفقك بالموتر الي يناسبك


:l
الله يجيب الخير

[salmansa]

لا وين 47 ولا 30
تلقها على 58 الين 62 براحه تلقاه
والله الموفق
كلام سليم
.......

[آل مغيرة2011]

تبي العلم نحش اركز كراعك والغ استفسارك والله يالي يعطونك هالأسعار مايدرون وين السوق فيه يارجل فيه اكسبلور 2007 فل ايدي بور ب 30 ولا 40 ولا 45 ولا 50 والله ان خذيت على شورهم ماتشتري ابد وان تقعد تدور الين تدوخ وماتلاقي رح لسوق وانا خوك وسعر لك كم سياره من نفس النوع الي تبي طبعن مو من المعارض من الساحه وقارن بين الأسعار واقل سعر من السيارات الي بتلاقي طبعن تكون من نفس نوع المواصفات الي تبي هو السعر الحقيقي او القريب جدا هذا اذا تبي تعرف الأسعار وخل منك الناس هذي الي ماهي داريه عن الدنيا بشي ودمت بخير

هذي النصيحه اقدمها لك ولغيرك
السوق هو الحكم وليس سوالف المنتديات

هذا الكلام ...:good2::good2::good2:

[مخطط 2008]

نصيحتي ابعد عن المستعمل حط عليها لك 20 او 30 الف وطق جديد

[مراقب الصيد]

الجديد يغنيك عن المستعمل خاصة موديل 2011 متغير شكلة وقريب نزوله السوق

[عزوز888]

من 30 الف الى 40

[جنرال المدينه]

نصيحتي ابعد عن المستعمل حط عليها لك 20 او 30 الف وطق جديد


ونادرآ ما تلقاء سياره
من الوكاله واحد شاريها من قديم
وما دعس بنصها إلا هو
خذلك وكاله وما يدعس بنصه
إلا أنت وإذا رجال قد حاجتك
مالك ومال الديون أنتبه من الدين
الله يوفقنا وياك تقبل تحيه مني إليك

[محمد باحاج]

السلام عليكم

كل ياخذ رزقه في هذه الدنيا والقصد السلامة والعافية
أنا مثلك أدور واحد 2005 أو 2006 ولقيت أسعارهم بالنت والمعارض متقاربه
فل كامل من 37 الى 50 حسب النضافة

ويوم الأحد نزلت الحراج متوكل على الله والا ذاك ال 2005 لون أسود مقاعد قماش وما هو فل كامل
ينسام تحت الحراج ب 14000 * 14 و 100 *و 200 علق الدلال عليها
ويوم قربو الزبائن من السيارة قام يناقز 15 /16 /17 ووقف عليها
وخلاصة الكلام إني ماصدقت ورحت اتفحص الموتر واستفسر من راعيه عن كل شي
وكتبها الله لي ب 22000 مع الدلاله:) والحمد لله
والان الموتر تحت التشييك وقفته ومشيته ومحركاته جيده جدا ماعدا البودي مرشوش الصدام فقط بدون الرفارف
واللون أسود
وأسأل الله لي ولك التوفيق والسداد وأن تجد منيتك في القريب العاجل


لكن الشي المطلوب بعد توفيق الله هو البحث في السوق والحراجات وخصوصا للي مثلي قروشه قليل وعسى الله يدلك على المقسوم الطيب

[s0505]

بالتوفيق للجميع

[بحر مستورة]

يسوى 55 بالكثيررر

[متوازن]

الله يوفقك
وفيه ناس ماتدري تحط اسعار من راسها
رح لم مواقع النت وتعرف اسعارها تقريبا مثل موقع حراج ومستعمل

[talol]

2004 من 40 الف الى 45 الف النظيف طبعا

[الحبابي1]

السلام عليكم ورحمة الله وبركاته




مساكم الله بالخير ياجماعة الخير ..


هذا موتر معروض علي ومواصاته كالتالي :
اكسبلورر ايدي باور ( فل كامل ) إلا الفتحة
ممشاه 90 ألف ميل تقريباً
اللون ابيض+ذهبي من تحت
موديله 2007 وارد أمريكا



ودي الله لا يهينكم تعكوننا بكم محاريه .. والله يجزاكم خير ..

اخوي كياف ياطويل العمر ادخل على موقع حراج واستفسر عن اكسبلورر وموديله وتطلع لك اكسبلوررات الدنيا ومواصفاتها 000 ثانيا الي تستفسر عنه اذا 8 سلندر على حسب كلام الناس انحش منه خذ لك سته سلندر وانصحك تبعد عن الامريكي بقدر المستطاع لان اكثرها مسمكره ومقلبه 000ثالثا اذا نضيف وفل كامل سعره في الصالات 70000 اذا تبي النصيحه خذ لك سعودي اوخليجي نفس المواصفات تلقاه بحدود 52000 الى 60000 على حسب النظافه والممشى واسف على الاطاله

[aljoker502]

اسعاره من الـ50 الى الـ55 ..

[alhrbe]

الجديد يغنيك عن المستعمل خاصة موديل 2011 متغير شكلة وقريب نزوله السوق



لله درك -------------

[قناص البحر]

الشباب ما قصروا معاك