عندي مشكلة وأرجو أن اجد لها حل من الأخوان اهل الخبرة تكفون الفزعة ...

[ابو حديجان999]

اخواني اعرض لكم مشكلة سيارتي ارجو من اهل الخبرة حلها وابدأ رأيهم


وانا في طريق سفر بدأ عزم سيارتي الاكسبلورر يقل ثم صارت تسير ببطء جدا ثم اوقفتها وفجأة خرج ماء الاديتر بشكل قوي من غطاء علبة الاديتر

علما ان الحرارة في الطبلون عندي ظهرت عادية ولم تتغير والآن السيارة عند الوكالة وقالوا لي ان الخراب بالمكينة

وتكلف اصلاحها من 8000 إلى 12000 الغريب ان المكينة عندما ادق سلف تشتغل من احسن

مايكون ولم يتغير صوتها ابدا وقد لاحظت صوت طقطقة تحت من جهة باب السائق ارجو احتساب

الاجر من اخواني الخبراء وتشخيص حالة موتري قبل فكفكت مكينتها من قبل الوكالة لاني عندي

احساس ان خرابها ليس بالمكينة .........

[بدوي جنوبي]

يا غالى احساسك ما يخيب
سيارتك وانت تعرفها
طالما تشك ان المحرك سليم
وقد يوجد خراب بسيط وغير معروف حاليا
اسحب سيارتك من الوكاله واكشف عليها عند اكثر من ورشة
وشف النتيجه ،،،، الوكاله لا تصدقهم
هم ما صدقوا انك جيتهم
او على الاقل سوي كشف عندهم وشوف النتيجه
واسئلهم ايش الخراب اللى حصلوه .

الصوت اللى تقول اخاف يكون من عمود الكرنك اذا كان تك تك
هل اهملت الزيت ؟
او يوجد تهريب زيت ؟
غيرت زيت وانت في طريق السفر ؟


بالتوفيق

[ابو حديجان999]

جزاك الله خير اخوي بدوي جنوبي على الرد
وجوابا لأسئلتك اخي فإني عايرت زيت المكينة ولايوجد نقص ولا تهريب ابدا

ورأيك احترمه وهذا هو اللي سأفعله غدا بمشيئة الله

[كبسولة2]

أتوقع مشكلتك كهربائيه إذا كان نظام المراوح عندك على كهرب

مما أدى إلى فوران الماء من القربة وعدم تبريد الرديتر

وأما مسألة قله العزم فلها مسببات كثيرة منها

حساسات المكينة تعمل هذه المشكلة

وأيضاً قد يكون لديك تنسيم في ثلاجة المكينة يؤدي أيضاً لأرتفاع الحرارة وفوران الماء

إذا كان السبب أحد ماذكرته لك فإن شاء الله الشغلة بسيطة لا تكلف أكثر من 800 ريال بالكثييييييييييير

[ابو حديجان999]

اخي / كبسولة2

جزاك الله خيرعلى ردك وبشرك الله بالجنة

وان شاء الله يكون كما ذكرت

[ابو وافي 444]

يا غالي

( علما ان الحرارة في الطبلون عندي ظهرت عادية ولم تتغير )

لست بأفهم ولا اعلم من بدوي وكبسوله ولكن ليش الامبير ما عطى قراءه صحيحه لحرارة الماء؟؟؟

[سعود الحربي]

يجب عليك رفع قضية على الشركه

لماذا العداد لا يرتفع مع الحراره


ان كانت السياره جديده لا تغفل عن هذا الشي ويجب محاسبتهم ولو تعتذر الشركه السعوديه خاطب الشركه الام


ثانيا احذر ان تصلح السياره عند الوكاله إذا لم يكن عليها ضمان
اذهب إلى اكثر من ورشه وافحص كمبيوتر والله يسهل امرنا وامرك

[راعي تاحوف]

آخوي آن شاء الله خير

آتوقع طال عمرك آن آنبير الحراره عندك خربان

علشان كذا ماعطاك المؤشر ودقة حرارة المكينه

ومن الطبيعي اذا ارتفعت حرارت السياره فوق طاقتها ينخفض عزمها بشكل ملحوض

والسبب

1-آرتفاع درجة حرارة طرمبة البنزين ولا تعطي السياره البنزين الكافي .
2-آرتفاع درجة حرارة العمود والبساتم وبذالك يكون تمدد زائد ويكون الأحتكاك قوي .
3-يكون هناك تهريب هواء بين السرندل وراس المكينه ولا يكون هناك الضغط الكافي لقدرة المكينه .

الي عليك تسويه طال عمرك .

1- آسحب موترك عن الوكاله وودها لأقرب ميكانيكي منصوح فيه وآن حصل يكون سعودي .
2- آفحص راس مكينة سيارتك .
3- آفحص غطاء الأديتر .
4- آفصح مراوح التبريد وطرمبة الماء .

وآقرب مشكله في سيارتك آنه تبغا مسح راس مكينه ..

وياليت ترد علينا وش صار فيها .

[ابوصالح77]

فادوك الإخوان
كانها على الضمان خلها ، وكانها على حسابك طلعها
معوض خير

[مزوووووني]

ها يطويل العمر ايش سار بمشكلتك بالتفصيل

لانه في مشكله زي هرجتك وابغاك تفيدني بالحل

والله يجزاك خير

[راعي المجهم]

أخوي شيك على المراوح الكهربائية دائماً المشكلة منها

وشيك على بلف الحرارة لأنه دائماً يسكر في الفوردات بسبب الصدأ

[البرتقالي]

اللهم صل على محمد
اخوي مشكلتك بسيطة لكنها متشعبه واتمنى شرحي يكون واضح ;)


يا تهريب سواء من الخراطيش او الثلاجه او الاديتر
وبسببه يعبي الاديتر هواء وتطلع المويه بقوة ضغط الهواء مع الغطاء


أو تعطل المروحة الكهربائية
وغالبا يكون من الظفيره او الفيوز وليس المروحة نفسها


الحل
خل الموتر يشتغل ثلث الى نص ساعة
ودور على تهريب المويه اذا حصلته صلحه وانتهى الموضوع


اذا ما حصلت تهريب تأكد من المروحه وانتبه من حونش الصناعية :D
يقولون لك تبي تغيير وياخذون القديمة يبيعونها بمبلغ وقدره


اشبكها على البطاريه مباشره
اذا اشتغلت معناها المشكلة بفيوزها او بظفيرتها


وبالنسبة للطقطقه اللي تقول هذي عادية من القير
بسبب نقص مويه المبرد تروح اذا راح السبب


واي سعال اخوك بالخدمه :)

[احب الحيا]

السلام عليكم
يا اخوي خل الوكاله تولي
برسلك رقم واحد سعودي يشتغل في بيته
الرجال فااااهم جدا
لاكن الاسهم ما خلت احد في حاله
باع الورشه وخسر بالاسهم
المهم برسلك رقمه وتفاهم معه
عنده انواع السيارات
من ضمنها تشارجر 2006 غرقانه ؟؟؟ الوكاله ما عرفو يصلحونها
جبناها له وزبطهها وشغلها احسن من قبل

[احمد القحطاني]

اتوقع لو تسحبه من الوكاله وتوديه لورشة الشيبان بالقصيم افظل بكثير حتى لو انه تبي توظيب يطلع عليك ارخص وحسن من شغل الوكاله وبعدين تاكد من طرنبت الماء وبلف الحراره ووازنية البلوف ومراوح المكينه سرعتين تشتغل ولا لا
وانا اقول انه ارتفعت حرارته وانت ماتدري وظر الراس مع العلم انه بسيط لايهمك توظيبه
ولو يبي توظيب كامل اشر مكينه كامله احسن لك شد بلد ومديل جديد