يالربع تكفوووووون الموتر ماعادهوب موتري الاول

[فهد العيد]

السلام عليكم ورحمة الله وبركاته


يالربع الموضوع سلامتكم انا عندي جمس دفرنسين 1997


اذا عشقت D يمشي الموتر طبيعي الاول والثاني والثالث والرابع


يمشي طبيعي والتغيرات كلها على 2.5 الي هو rpm


واذا بغيت اتجاوزالسيارات


وزود السرعه بشكل مفاجىء


((((يفضــــي)))


ثم يقعد بالفاضي


الين ارفع رجلي ثم يرجع بالرابع ؟؟


ولو امشي تدريجي يمشي الين الفصله طبيعي اتقول الموتر ما فيه شي !!!


بس عيبه اذا عطيته وهو بالرابع يفضي على طول



وعزمه صاااااار ضعيف مره


القديه ما يرقها الا بالثاني علشاني ما ادعس عليه خوف يفضي


ولا ادري وش السواة يالربع


رحت لمركز قيرات فالرياض قال هذا يبي توظيب كامل


والقير من الاول الى الثالث مافيه شي


ليش يبي يوظبه كامل


وتكفون يا اخواني وش تصحوني به


انتظر ردودكم

[بدوي جنوبي]

عليكم السلام ورحمة الله وبركاته
اولا ايش قصة الشيكات :)

ثانيا هم كذا حقين الورش يقولك توضيب كامل عشان يضمن شغله
لانه اذا نزل القير بيغير كل الكلتشات بالمره ،،،

مثل السياره القير العادى صح اذا خرب فحمة القير
لازم ينزل القير والاغلب يغير معه الدسك وصحن الكلتش

آسف على الاطاله

طبعا نبدأ بأبسط الحلول
لا نقلل من الخساير والتكاليف
كيف وضع الزيت والفلتر ؟

[فهد العيد]

عليكم السلام ورحمة الله وبركاته
اولا ايش قصة الشيكات :)

ثانيا هم كذا حقين الورش يقولك توضيب كامل عشان يضمن شغله
لانه اذا نزل القير بيغير كل الكلتشات بالمره ،،،

مثل السياره القير العادى صح اذا خرب فحمة القير
لازم ينزل القير والاغلب يغير معه الدسك وصحن الكلتش

آسف على الاطاله

طبعا نبدأ بأبسط الحلول
لا نقلل من الخساير والتكاليف
كيف وضع الزيت والفلتر ؟

اول شي الشيكات هذي يوم كنا تجار

وثاني شي الفلتر جديد وزيت القير جديد مغيره قبل شهر عند مشعل العتيبي فالصناعيه القديمه

ولاهنت على مواساتي
!!!!!!!

[بدوي جنوبي]

طيب ممكن تسحب عيار الزيت وتشوف لونه
وهل يوجد ريحة حرق

ترا يوجد طرمبة داخل القير ممكن تكون ضعيفه يعنى اذا تغيرت
ممكن يضبط القير

[طاير34]

اخوي هذا حساس الهوا في وسط القير

[فهد العيد]

اخوي هذا حساس الهوا في وسط القير


طيب وش الحـــــــــــــــــــــــــــــــــــــــــــــــ ــل
؟؟؟؟

[فهد العيد]

الفزعه يااااااا بعدي

[فهد العيد]

فزعتكم يالنشااااااااااااااااااااااااما

[مستور الحال]

اكشف كمبيوتراغلب المشاكل في القير تطلع من الحساسات ( الكتاوت ) لا تستعجل في التوظيب . ابدأ بالآسهل .

[فهد العيد]

الله يجزاك خيررر

[لاندكروزر11]

مشكله في القير اكيد

[فهد العيد]

فحصت كمبيوتر وقالو لازم توظيب

بسعر غالي مره شغل يد بـ1200ريال

والقطع بـ3800 ريال

يعني 5000 والضمان سنه ولا ادري وش السوات

[سعود محمد]

الله يدلك على الخير والصالح وتلقى من يحل مشكلتك .

[فهد العيد]

لا هنت يالغالي !!!!!!!!!!!!!

[VIP-503]

الله ييسر امورك والله يرزقك بالجمس الدنالي قل امين ويرزقني باترول ربع قل امين وتقبل مروري

[moooj]

1-تأكد-ان-الزيت-والفلتر-اصلي-لأن-بعض-المحلات-يصب-من-الرخيص
2-تأكد-ان-الزيت-مهوب-ناقص-ولونه-ما-تغير
3-شيك-حساس-التبديل-الي-جنب-القير-من-اليمين-ويبين-بفحص-الكمبيوتر
هذا-الي-اعرفه-وان-شاءالله-يفيدونك-الشباب