سؤال للكشآتة/ كيف اجعل الحطب مخروط الشكل.يوجد صورة بالداخل

[الريااااااض]

السلام عليكم ورحمة الله وبركآتــة

يالربــع بغيت إسئل عن طريقة شبة الضوء بطريقة الشكل المخروطي

مثل مابالصورة هذي
http://dc13.arabsh.com/i/02252/efzcsd7m4z0w.bmp (http://arabsh.com/efzcsd7m4z0w.html)


..

بانتظآركم بيض الله وجيهكم

[شلفا تبوك]

رصه بشكل عامودي

[الريااااااض]

رصه بشكل عامودي



انا اقصد طريقة الرصة
هل لازم يكون عدد معين من الحطب
مثلااا من جواا يكوون 9
والرصة الثانية تكون اقل مثلاً 6
وهكذا؟

[عبدالاله 123]

ههههههههههههه
كسر ولاع اعواد صغيرة وحطها وركز الخشب الباقي بالترتيب مع بعض وقبسه بولعه في العودان اللي مكسرها صغار وتضبط معك مايبي لها صناعة صاروخ بس اللي ابي اعرفه هل لها نفع من حيث سرعة الاشتعال والا لا

[الوسام 40]

هذه الطريقة تخلص عليك الحط بسرعة .. وتكون شعلتها قوية وواضحه من بعيد ..

ولا يلزم رص عدد معين من الحط ..

وشكرا لك

[الريااااااض]

ههههههههههههه
كسر ولاع اعواد صغيرة وحطها وركز الخشب الباقي بالترتيب مع بعض وقبسه بولعه في العودان اللي مكسرها صغار وتضبط معك مايبي لها صناعة صاروخ بس اللي ابي اعرفه هل لها نفع من حيث سرعة الاشتعال والا لا



اضحك ياعبدالاله واستانس

إدري انه مايبي لها صنآعة صاروخ
وادري اني اولع الحطب <هذي اللي مايبي لها منصة صواريخ
بس اقصد الطريقة
شاكر لك على الرد

[الريااااااض]

هذه الطريقة تخلص عليك الحط بسرعة .. وتكون شعلتها قوية وواضحه من بعيد ..

ولا يلزم رص عدد معين من الحط ..

وشكرا لك



بيض الله وجهك على الررد الوااافي هذي اللي كنت اسئل عنة
..
دآم انها تخلص الحطب بسرعة ماتنفع إجل
تسلم يابعدي ولايهونون الاخوان

[العاذر]

اركز حطبه وحده بالارض ثبتها وخلها نازله شوي

بعدين ضع مكعب الاشعال الابيض فوق الحطبه وشب المكعب بعدين صف الحطب بشكل مائل قليلا حول الحطبه المركوزه بطريقه احترافيه مثلا ضع الحطبه اللي فيها شغيه او تفريع اولا لكي تثبت بعد ذالك تصف الحطب مثل اللي بالصوره والعمليه سهله جدا ويفضل يكون الحطب شليخ اسرع للاشتعال او اعواد متوسطة الحجم للمبتدئين
والطريقه هذي تشتعل النار من الاعلى الى الاسفل


** اذا انت بتشوي شب النار من الاسفل لكي تجمر بسرعه

وفيه عدة طرق لشب النار

[الريااااااض]

اركز حطبه وحده بالارض ثبتها وخلها نازله شوي

بعدين ضع مكعب الاشعال الابيض فوق الحطبه وشب المكعب بعدين صف الحطب بشكل مائل قليلا حول الحطبه المركوزه بطريقه احترافيه مثلا ضع الحطبه اللي فيها شغيه او تفريع اولا لكي تثبت بعد ذالك تصف الحطب مثل اللي بالصوره والعمليه سهله جدا ويفضل يكون الحطب شليخ اسرع للاشتعال او اعواد متوسطة الحجم للمبتدئين
والطريقه هذي تشتعل النار من الاعلى الى الاسفل


** اذا انت بتشوي شب النار من الاسفل لكي تجمر بسرعه

وفيه عدة طرق لشب النار


تسسسلم يالعاااااذر.. ردك وافي والله .. ياجعلي فدا هالرأس

[((ابوملاك))]

خذي يالغالي ميزة هالطريقه

مالها دخان يذكر ويكون معدوم اذا صفيتها بالطريقه الصحيحه

[عين حصنان]

اذا تبي تعرف وش الهدف من الطريقه هذي


اشخط عود كبريت ... خل العود واقف والشعله فوق


تبقى الشعله مشتعله مده اطول وبطيئه حتى تصل الى اسفل العود


وجرب عود كبريت ثاني ... اشخطه وخل العود بالعرض


تشتعل الشعله بسرعه ويقضي العود بسرعه


طريقتك اللي بالصوره علشان تبقى الشعله مده اطول


وماتجمر النار بسرعه للي وده يسمر على الضويه


واذا تبي الحطب يجمر بسرعه حط الحطب على بعضه بالعرض


والله يكفينا وياكم شر النار

[مفتون صيد]

هاذي الشبه اخوي من الطرق اللى يستخدمها افراد الكشافة
والهدف منها انها تكون واضحة الشعلة للماره ويكون نورها يغطي المكان

[شاص]

هذي سلمك الله تسمى بالمصطلح الكشفي النار الهرمية وهي من أنواع النيران عالية اللهب سريعة الاشتعال وتستهلك كميات كبيرة من الحطب .. وتسخدم غالباً في الغلي السريع للماء وفي الإضاءة لمكان واسع أو تدفئة عدد كبير من الأشخاص يكونون في محيطها أو للدلالة على المكان لمن كان تائها أو ينتظر قدوم أحد
وطريقة إشعالها تكون من خلال ترتيب وصف الحطب على بعضه بشكل عمودي مائل وتكون البداية بالحطب الأصغر ثم الأكبر ويمكن وضع بعض الحشائش اليابسة والأعواد الصغيرة بالداخل حتى تساعد على عملية الاشتعال مع ملاحظة وجود فراغات كافية بين الحطب لدخول الهواء

[ابوفهيدان]

لا انصحك بهالرصة لانها تخل ضوك تخلص بسرعه
افضل شي انك ترص الحط وهو بوضع افقي وتشب من طرفه