الـعـقـيـر - مـنـيـفـة - الـسـفـانـيـة ( نواخذة الخليج )

[صياد الخبر]

بسم الله الرحمن الرحيم

الحمد لله رب العالمين

اللهم صلي وسلم على نبينا محمد وعلى آله وصحبه اجمعين

السلام عليكم ورحمه الله وبركاته

اخواني النواخذة

ذيابه البحر

مثل ما شفتوا العنوان

الـعـقـيـر - مـنـيـفـة - الـسـفـانـيـة

مقرر بعد أذن الله اطلع احد هالاماكن في اجازة العيد ان

شاء الله الرحلة حداق

بالنسبة لي خبري بالعقير من 20 سنه ووقتها كان شيء

والصيد شيء واليوم ما يندرى

بخصوص باقي المناطق والاماكن ما ادري عنها

ارجوا من الاخوان النواخذة والحداقة اللي لهم باع في هذة

الاماكن والمحادق

ان لا يبخلون علي في بعض المعلومات اللي يمكلونها

خرايط احداثيات معلومات

الدال على الخير ك فاعله

وكل عام والجميع بخير

ودمتم

[ناجل سمار]

وعليكم السلام اتمني قضاء اجازه سعيده وممتعه ورزق في السمك وان شاء الله الاخوان اللي بنفس المنطقه يفيدونك

[بحرالخبر]

اخي الحبيب صياد الخبر
السلام عليكم ورحمة الله
1- العقير : المناطق الممنوعة مثل راس الحربة اذا حصلت تصريح بتترس ثلاجات
طبعا التصريح يكون غزول وحداق وشكات واذا انت غواص صج بتترس
اما باقي المناطق اذا حصلت ايدامك زين ولكن عقير كبيرة واخف زحمة
من المناطق الثانية واقل برودة من الشمال مثل منيفة والسفانية
2- منيفة : الصيد فيها طيب هذي الأيام شعم وسبيطي شكات وحداق واذا صرحت لغزول
ان شاء الله بتشحن واذا فيه قارب تنزل بالبحيرة ابشر بالحداق الزين والسبيطية القهم والعراضي بس منيفة بالعيد زحمة ومالك مكان
3- السفانية : اعتقد المحادق الزينة ممنوعة والباقي طينة وماعندي معلومات من زمان
عنها
اتمنى لك التوفيق والصيد الوفير
بوعبدالرحمن

[زاحف بحر]

انا اضم صوتي لصوت اخوي بحر الخبر ..

وان شاء الله الاخوان ما يقصرون ..

[النوخذة 03]

جرب الزبنة يالحبيب ..
وعلمي علمك والله لكن سمعت انها طيبة اتمنى الاخوان يفيدوننا ..

[بحرالخبر]

جرب الزبنة يالحبيب ..
وعلمي علمك والله لكن سمعت انها طيبة اتمنى الاخوان يفيدوننا ..
النوخذة 03
السلام عليكم ورحمة الله
الزبنة وين سيف ولا داخل نهاية الراس يعني مشي كيلو الى كيلوين الى الدرام والحداق
يمين ولا يسار
الخميس الي فات عشاكم من صيدكم الساعة وحدة تقريبا وذبحكم البرد
عليكم بالعافية
بوعبدالرحمن

[صياد الخبر]

وعليكم السلام اتمني قضاء اجازه سعيده وممتعه ورزق في السمك وان شاء الله الاخوان اللي بنفس المنطقه يفيدونك



هلا وغلا

مشكور لحضورك ماقصرت

ودمت

[accentkool]

العقير اغسل يدك تصيد شي عدل زي ماقال بحر الخبر
هذحنا مطارد فية ولابطالعين بنتيجة

[SAFARISM]

السلاااااام اخوني الاعزاء

اناعضو جديد معاكم وحبيت استفيد من خبرتكم الكبيره في مجال الصيد

اخواني انا من اهل الشرقيه اتعب كثير عشان القى محل للصيد

اخواني اذا احد يعلمنا محل زين للصيد من السيف والله يسوي فينا خير
تحياتي لكم اخواني

اخوكم SAFARI

[حيدر بن يوسف]

عزيزي واخوي الكبير بوعبدالله

ان حبيت تطلع العقير عليك با الزبنه وانصحك اتكون الطلعه

سنوركل فيها خير واسال عنها خوينه ماجد الزعبي هو الاخبار ومثلك شايف الصور في القروب


وان كنت تبي تطلع منيفه عليك با المنطقه الى خلف سلاح الحدود فيها اسبيطيات واحجام طيبه

واما السفانيه لا علم لي فيها طال عمرك

تقبل مروري وردي المتواضع والمتاخر

اخوك حيدر بن يوسف

[ناسي سنارتي]

انا ماعمري صدت في منيفه بس ع كلام الشباب يقولون فيها شي طيب

وبالنسبه للسفانية ماعندي خلفيه عنها

اما العقير مافيها شي


انصحك براس ابو علي افضل محدق عندي لكن تحتاج لاماكن ووصف معين طبعا هذا الكلام قبل البوابه اما بعد البوابه اختار أي مكان وبتعين خير لكن بعد البوابه ممنوع :)

اتمنى اني افدتك وان شاء الله تلقى وجهتك والصحيحه والله يوفقك