اهل منطقة >> شاطئ تالا << لايبخل

[bo7a]

السلام عليكم ورحمة الله وبركاته
كيف الحال ياخوان ...؟
انشاء الله بخير

اخواني انا ناوي الاسبوع الجاي اطلع حداق شاطئ تالا بس ابغى تفيدوني ...؟
للمعلوميه انا بصيد بقصبه ...
وين احدق بالضبط؟؟
والطعم ؟؟
والثقل والميدار كم حجمه ؟؟

___________________
وابي اسال ؟؟
تحت جسر الملك فهد الشبيلي تحت الجسر بالضبط
ها هو ممنوع الصيد هناك وهل مكان كويس
والي عنده معلومات يفيدنا ....

ــــــــــــــــــــــــــــ
واكون شاكر:good:

[زاحف بحر]

ان شاء الله يفيدونك الاخوان بذلك ..


لاني بصراحة ما قد جربت صدت في هذه المنطقة ..

اتمنى من الاخوة الكرام افادتنا بذلك الخصوص ..


لاني بصراحة انا ناوي احدق فيها ..

اتمنى لك التوفيق في رحلتك اخي الكريم ..

[bo7a]

يعطيك الف عافيه ع المرور

[ابو رزوني]

اخوي فالك الصيد الطيب والرفقه الطيبه وراح يفيدونك الشباب لاني ما اعرف المنطقه

[bo7a]

يعطيك الف عاافيه ع المرور

[أبو ناصرالدين]

السلام عليكم
بالنسبة لشاطئ تالا خبرتي فيه جديدة و متواضعة ، طلعت الأسبوع الماضي هناك و الصيد كان كله قرقفان صغير ما في ضرب كبير حتى الإخوان اللي أرسلوا مدات ما طلع معهم شي و ما نابني هناك غير تقريص البعوض اللي موجود بكثرة و للاآن بعاني منه
لكن البحر أرزاق ، جرب حظك
و تحت جسر البحرين مع أني ما جربت أصيد هناك لكن في ناس يمدحونه و حط في بالك انه التيار هناك قوي.
و بالتوفيق.

[وليد الغربة]

ان شاء الله الشباب لن يقصروا معاك

اخوك وليدالغربة

[ناجل سمار]

وعليكم السلام الله يوفقك في اجازتك ويرزقك واتمني من الاخوان في نفس المنطقه يفيدونك

[bo7a]

يسلمووووو على المرور يالغالين

[فتى دوس]

اهلين اخوي انا راح افيدك بخصوص الصيد تحت جسر الملك فهد طبعا بحسب خبرتي المنطقة ممنوعه من قبل حرس الحدود البحري سواء بالزورق او صيد بالسنارة تحت الجسر .

[حداق الخبر]

اذا بتروح شاطئ تالا المعروف

فماراح تلقى الا قرقفان وقارض

ترسل وتمد قرريب وبعيد ومامن سمكه

السمكه هناك صارت تخاف حتى السبيطي يمكن تشوفه

بس / صعب تصيده لأنه خلاص اخذ كورس ومناعه

بس روح وجرب حضك وموفق خير

بخصوص الصيد تحت الجسر

اذا بتروح يمين الجسر ماراح احد يقولك شي

بس اذا بتطلع فوق الحصى اللي عليه الجسر راح تواجه مصاعب واسأل مجرب

لأنك بتصير تحت الجسر مباشره واي واحد يمشي على الجسر ويفتح النافذه ويرمي قاروره كوكا كولا ههه تطيح عليك

وبنفس الوقت ممنوع

بسً فيه فلبيني لقيته صايد له 2 عريضي ابو 4 كيلو هناك

بالتوفيق

[مكشتاني]

تالا للحداق فاشله ومامن سمكه
يمين الجسر الشبيلي السمجه حاضره وبقوه وبالذات العريضيه وباحجام طيبه

[bo7a]

وين بالضبط اقعد عند الجسر وين عند اليمين اركب فووق الحجر واقعد على اليمين ولا شلون؟؟

[bo7a]

واي طعم استخدم؟؟؟
وكم مقاس الميدار والثقل والخيط ؟؟
وهالسوالف ^_^

[حداق الخبر]

يالغالي

بخصوص تالا مثل ماقللو للك الشباب صارت زحمة صيادين


الجسر
الشبيلي

تلقى فيها عريضيه مثل ماقلو الشباب

المكان / خلك جنب الجسر على يمينه

او تخلي الجسر وتعداه شوي وسفط سيارتك وانزل
وبالتوفيق يالغالي

الطعم اذا بتمد / ارسل سلس او ميده متعافيه
حداق سنانير / اختار ميد صغير ممكن يكون خيار كويس

[bo7a]

يعطيك الف عافيه ومااقصرت

[accentkool]

انا جربتها وماصدت شي وان شاء الله الاخوان يفيدوك بها اكثر

[قبقب طفشان]

"

انا سبق وصدت في شاطئ تالا كم سبيطي وسمكه يسمونها " شمّ "
لكن هالفتره ياكثر اللي يجون يصيدون هناك
ومايطلعون بأيّ سمكه ..
على فكره : الحمام والصافي والفسكر موجود هناك بكثره
تقدر تصيده بالربيان ، تحطّ لك خيط فيه كم ميدار مقاس صغير وتنزله تحت
في المكان اللي عنده فرضه ، وراح تطلّع لك اللي يشبعك : ))

[bo7a]

اخ قبقب طفشان

يعطيك الف عافيه على المرور

ولا هان الباقي

[قرقفان]

شاطئ تالا طلعت له كثير

والي طلع معانا 2 ضلعه حجم حلو فوق الكيلو تقريباً وواحد فلبيني مطلع كنعد حجم متوسط

والباقي قرقفان وشعور احجام متوسطة وصغيرة

الشبيلي متشائم منه لان كثر ماطلعته مايطلع معاي الا قرقفان <- شوف نكي من كثر ماتعقدت منه

[bo7a]

ههههههههههههههههههه
يعطيك العافيه يالغالي

[جرح _الرياض]

الاخوان افادوك ما قصرو

[bo7a]

تسلم يالغالي

[حداق الخبر]

يالله موفق خير يالغالي
و ان شاء الله نشوف الصيد الطيب

على ايدكـ


بالتوفيق ،،،

[فهد 20011]

الشباب ماقصرو بس نصيحه لا تروح يم تالا ولا الجسر روح يم كرنيش الخبر عند البرج احسن منهم وبيني وبينك الحداق مايضبط الحيبن بعد العيد يكون ممتاز واذا انت متعافي يعني فيك شده روح الجبيل احسن والله يوفق الجميع

[حداق الخبر]

فهد

وين بالكورنيش ؟

اي كورنيش تقصد الخبر والا الدمام ؟


واي برج يالغالي تقصد ؟

[1بوخالد]

كل عام وأنتم بخير
بصراحه جربنا شاطيء تالا وكان الوضع تماما مثل ما يقولون الأخوان يذبحك النامس وما فيه نابر وان طلع شي فهو فروخ صغار تستحي تحطهم في الثلاجه فترجعهم بحر. وبالنسبة للجسر عاليمين فالمويه ماهي غزيره على ما شفت ولآكن مثل ما هو معروف الحداق له ايام وأوقات يختلف فيها الصيد ونوع السمكه على حسب الأوضاع وبعد هذا كله فالدعوه ارزاق والله يرزقنا معاك خير.
وأتمنى احد من الخبر او الدمام يعطينا اماكن طيبه للحداق والبحر وسيع يالربع لحد يقول ما ابي المكان ينشهر ههههههه.

تحياتي
ابوخالد

[أبو أشجان]

الله يعطيكم العافيه ياشباب على المعلومات القيمه :good:
أخ قبقب طفشان صورة السبيطي الي بتوقيعك من وين صدته ؟:good2:

[accentkool]

انا اووويد انك تصيد تحت الجسر اصرفلك

[قبقب طفشان]

"


قبل كم يوم رحت لشاطئ تالا لقيت سوداني مقفل البوابه من برا
حاولت الدخول فقال لي " ممنوع الدخول "
سألته ليش ، قال هذا امر من اصحاب الشاليهات ، قلت وانا بروح البحر ، هل البحر ملك لهم ؟!
قال يااخي هم مستاجرين المكان كامل بالبحر بالشاليهات


والله حتى البحر صاروا يشترونه ويستاجرونه
ماعاد صار يشبعهم شي هالتجار :)

[سنوركل الحربي]

ان شاء الله الشباب لن يقصروا معاك

الاني مااعرف المنطقه

وتحياتي لك