ارجو الافاااده :: بالون ام شاهين

[WENCHESTER]

بسم الله الرحمن الرحيم
السلام عليكم ورحمة الله وبركاته
اخواني اعضاء منتدى مكشات
ارجو الافاده: ماهو الافضل كفراات بالوون .....او كفرات شاهين على باترول صالون 92 طبعأ الجنووط هلل اصلي مبرز
مع توضيح الفرق بين النوعين وسلبيات وايجابيات الكفرات


لكم جــــزيل الشــــكر

[أبو علي 2003]

وعليكم السلام
حياك الله أخوي بالنسبة لي كمجرب لاتقرب البوالين لأنه يسبب رجة بالسيارة والرجة تعدم عليك الأذرعة والرمانات ويثقلن على الموتر والصرفية وعمرهن بالكثير 8 شهور

والشاهين أشوف واحد من الشباب مركبهن مع أنة جرب البوالين لاكن شوفة يمدح الشاهين كثير ومركبة على باترول صالون 97

ونشوف الأخوان المجربين
تقبل مروري أبوعلي 2003

[WENCHESTER]

مشــــــــــــــــكور وماقصرت اخوي ابو علي 2003

[هواوووي 666]

شااااااااااااااااهين وبس

[patrol vtc]

يالغالي انا مجررب بالون دنلوب وشااهين ..

البالوون يجيبلك رجة خفيفة بين الـ ٨٠ الى ١١٠ تقريبا والرجه هذي مع الوقت تسبب لك الرجه القشرا معرووفه ع الباترول..

والشاهين ما شاء الله تبارك الله .. جيد جدا بس ممكن عيبه المسامير ضعيف عليهن ..
الموتر باترول ربع ٩٩

اتمنى لك التوفيق وتحصيل ماتريد :)

[WENCHESTER]

يعطيك العاااافيه اخوي هواوي 666 وشاكر لك على افادتك

[ابو ناصر2020]

انا من ناحيتي ودي اقولك الشاهين افضل عشان يوقف ارتفاع البالون بسعر

لكن انا من ربع البالون ومعي جيبين فورتشينر وباترول وكلهن بالون ومره مرتاح لهم بس اهم شي
الترصيص الممتاز عشان تنسى الرجه نهائي

الشواهين ركبته وطلعت من الغرابي العشاء ومن بكرا الصبح الساعه 9 بعتهن لانه مانعت لي ابد ابد


ولك حر الاختيار


واذا تبي العلم ركب لك مياجر وريح بالك

[alimuhammed]

اذا تبي الرمال و البر البوالين افضل و امد لو انك معبي الكفر اربعين يمشيك الموتر مسافات داخل الرمل ما تتوقعها اما الشاهين فلازم تنقص الهواء عشان تمشي في الرمل

بالنسبة للاسفلت الشواهين افضل من البلون من ناحيت الثبات

بالنسبة للعمر الشواهين تتأخر تآكل الدعسة فيه و لا ينفع اذا مسحت الدعسة البوالين تتآكل الدعسة اسرع و اذا مسحة الدعسة يصير امشى في الرمال و اعرض

و انت لك الخيار

بالنسبة للثبات اذا تأقلمت معه يصير قيادة السيارة بالبوالين شيء عادي بل تتغير عليه السيارات التي بغير البوالين

[أنس بن فهد]

سلبيات البالون من مجرب :

1/ الرجة اللي ماله حل نهائي و جربت كل شي وكلهن حلول مؤقته .
2/ قلة الثبات الموتر .
3/ بالمطر ما ينفع أبد و يزلق على طول .
4/ بالنفود لازم تنزل الهواء عشان يمشي وهذا من واقع تجربة بالباترول و الشاص التايوتا .
5/ عمره قصير .

مميزاته :

1/ ينصب الموتر لو هو وليشة :)
2/ بالحجرة و المطينات خذ وليدة وراحة .

[WENCHESTER]

شاكر ومقدر لك اخوي ابو نااصر2020

[عبدالله //]

ياعيال الحجره ينفع له الشواهين ماهب يقولون مع الجنب خفيف واي شي يشق الكفر؟؟؟؟؟؟؟:director:

[عبدالله //]

ياخوان اللي عنده علم يقولي لاني بشتري اليوم ... بعد اذنك ياصاحب الموضوع :D

[WENCHESTER]

ااخــــوي عبد الله يعطيك العافيه ...............
وانا الصراحه قالوا ان الشاهين جنبه ضعيـــف
ورحت للصنـــاعيه وسألت عن ذ المعلومه وقالوا بالظبط هذا عيبهاااا بس انهااا افضل من البااالون بواجد للي يبي الراحه وعدم الرجه

وانااركبــــت كفرات هانكوك (نقشة شاهين) 10 غاااط اقوى من الشاهين المعروف ونفس الشكل ومدحوهااا لي وتوكلت على الله

[ابو غلآ]

والله من كم سنه وانا اركب بالون لني راعي نفود وموتري بترول الحل الوحيد لرجه ترصيص ارضي والهواء 40 مايرج معك لاكن انصحك بدنلوب دعست شاهين افضل كفر لا صوت ولا رجه وخفيفه على الموتر والشاهين طيب لاكن مايصلح للحجره او المناطق كثيره الشجر لن جنوبه خفيفه .. البالون منضره زين ويرفع بطن الموتر بس مثل ماقالو الاخوان ماهو راسي وفيه رجه والترصيص العادي يانزلت هواه يطيح .. الشاهين منضره زين وعريض وراسي بس جنوبه ماعليهن المتكل .. دنلوب دعسة شاهين ماعليه كلام بس قيمته غاليه ..

[ملح والزاد]

اذا تخيرني انا الشواهين افضل

البوالين ما تخلي رجتها حتى مع الترصيص