استفسار عن اف جي 2010 فل كامل

[عبدالاله4403]

السلام عليكم
شباب معروض لي اف جي فل كامل سعودي 2010 اللون الجديد الرصاصي
ماشي 13000 كم يسوى له

[عبدالاله4403]

محد يعرف اقيامهن ياشباب

[ramii2010]

اللي اعرفه سعر الفل كامل بالوكاله تقريبا 127 ألف ريال
اتوقع والله أعلم اللي تقوله يسوى حول 100 ألف

[زقم]

انا الي بعطيك كم يسوى ( انا لي شهر تقريبا ادور لي اف جي )

2010 رقم 1 جديد وكاله ( بدون دف لك وبدون هوك وبدون صاجه
اماميه ) سعره اليوم 112 الف ريال

2010 رقم 2 جديد ( فل كامل دف لك هوك وصاجه اماميه )
سعره اليوم 121 الف ريال

بعد العيد راح ينزل 2011 والتغيرات فيه كالتالي
1- لونين جديده بحري + لون بين الزيتي والرصاصي
2- مسجل جديد مختلف تماما وبلوتوث في الدركسون والسماعات الخلفيه
اقوى وشكل جديد
3- بعض الأكسسوارات الداخليه

المستعمل من موديلات 2010 يتراوح سعره اليوم في المعارض
مابين 105 الف الى 110 الف حسب النظافه والممشى
يوجد في السوق حاليا سيارات على الزيرو موديلات 2009 متأثره
بسيول جده في مستودعات عبداللطيف

جميل ’’ البعض يبين العيب والبعض يبيعها على انها جديده ومخزنه

اسعار 2009 المستعمل ما بين 85 - 95 الف حسب النظافه
وسلامة البدي والممشى

اسعار 2008 المستعمل يتراوح ما بين 75 الف - 85 الف حسب
النظافه والممشى

عموما اذا الموتر الي انت لقيت نظيف وما جاه سمكره فاسومه

انا ب 105 الف - في حال انت هونت عنه او ماعاد لك خاطر فيه
( ارسل لي على الخاص لاهنت رقم الرجال )

أما اذا عزمت عليه فأسأل الله أن يبارك لك فيه وان يعطيك من خيره ويكفيك شره

أخوك ابو سليمان