استفسار عن الاماكن المناسبه للتخييم خلال اجازة الحج،،

[ابوالوليد2]

السلام عليكم اخواني،،

انا من الرياض وناوي انا والشباب نطلع نخيم لمدة خمس ايام ،،

وبغينا نروح لمكان فيه ربيع وخير،،

وانا مفكر نروح لحايل اخبرها دايم مربعه ،،

بس حبيت اتاكد من أهل الخبره قبل ما نتوكل ونمشي اذا هي على خبري ولا توها ما ربعت،،:D

واذا تخبرون مكان ثاني اتمنى تساعدوني،،:good:

ولكم جزيل الشكر والامتنان،،

اخوكم ابو الوليد،،،:good2:

[ابو نايف 111]

السلام عليكم اخواني،،
وعليكم السلام

انا من الرياض وناوي انا والشباب نطلع نخيم لمدة خمس ايام ،،
الله يهنيكم

وبغينا نروح لمكان فيه ربيع وخير،،
متلاحض انه بدري على الربيع :p
وانا مفكر نروح لحايل اخبرها دايم مربعه ،،
حايل حلوه
بس حبيت اتاكد من أهل الخبره قبل ما نتوكل ونمشي اذا هي على خبري ولا توها ما ربعت،،:D
انا مانب من اهل الخبره ..... بس اقترح عليك وقول رح لم نفود نضيف احسن

واذا تخبرون مكان ثاني اتمنى تساعدوني،،:good:
انا اقول مايكيفك الى ذوقك

ولكم جزيل الشكر والامتنان،،
اتمنا انك تخذها بروح رياضيه :good2:
اخوكم ابو الوليد،،،:good2:
اخوك ابو نايف 111

[ولد وايل 2010]

مثل ماقال اخوي ابونايف 111 بدري على الربيع والنفود بتستمتع فيه ان شاء الله

[ابوالوليد2]

يعطيكم العافيه ابو نايف وولد وايل ماقصرتوا ،،

[نقى المطوع]

الربيع توك عليه
عشان كذا ما لك الا النفود
ولا صار الدعوة نفود لا تبعد
عندك الخرارة والا حول الخفس
واذا ابعدت رح للدهنا
اقرب لك من حايل

[MESHAL11]

اصبر شوي ويجيك الخير والربيع والوناسة

[ابوالوليد2]

نقى، مشعل جزاكم الله خير ومشكورين على النصائح،،

النفود دايم فيها،،

قلنا نغير ونروح مكان فيه جبال كنوع من التغيير في المناظر ،،:D

وكانكم تعرفون مكان فيه جبال ،واقرب من حايل الله لا يهينكم تدلونا مكانها،،

وشاكر جدا لتفاعلكم ،، :good2:

[رساوي مهاجر]

اقترح عليك تروح الدهناء لأن الطبيعة هناك أفضل بكثير من الرمال القريبة من الرياض
إجازة ممتعة

[أبوصقر]

حائل فكرة جيدة..وفيها أماكن أكثر من روعة..مثل مشار ,توارن ,عقدة..النفوذ على طريق جبه..ومر على طعس الــ50 تراه..طيب..