أنا مسافر على دباب .... ياليت لو تفيدوني ....

[AJAN]

السلام عليكم ورحمة الله وبركاته


ياليت لو أحد من الأخوان يقدر يفيدني بوضع الطريق والمسافة بين حائل وطبرجل .
لأني بصراحة ناوي إن شاء الله أسافر بدباب على الشمال وبعدها لخارج المملكة.


وبصراحة تانكي الدباب إللي معي يمشيني تقريباً من 300 إلى 330 كلم ... يهمني أعرف وضع محطات البنزين إللي على الطريق، كثيرة أو قليلة، بنزين 91 أو 95
والمهم كمان وضع الطريق هل هو مزدوج أو مفرد رايح جاي.


أنا راح أطلع من الرياض على القصيم وبعدها على حائل .... هذا الطريق إن شاء الله ماعندي فيه أي مشكلة....


أنا أطلعت على موضوع المسافة بين طبرجل وحائل
http://www.mekshat.com/vb/showthread.php?t=98311 (http://www.mekshat.com/vb/showthread.php?t=98311)
بس تاريخ الموضوع قديم .... قبل 3 سنوات ونص تقريباً
فقلت أكيد إن الطريق تغير وضعه من ذاك الوقت ....
وقلت مالي غير الأخوان في مكشات .... وإن شاء الله محد مقصر معاي


مشكورين ويعطيكم العافية

[مرعي السرحاني]

عليكم السلام ورحمة الله وبركاته

http://www.sfari.com/photo/data/30/resized_DSC06141.jpg

من حايل آخر محطة بالنيصية قرب تحويلة طريق الجوف منها 330 للجوف عدد المحطات على الطريق المضمونه 2 مركز الشقيق 260 كلم من حايل مركز الرديفة 330 كلم.
بعد الرديفة قرابة 150 كلم لطبرجل عدد المحطات أكثر من 7 محطات على مسافات متوسطة .
من طبرجل للقريات المحطات واجد والمسافات أيضا ً متوسطة عندك العيساوية و الناصفة وجماجم ... وغيرها حتى الحديثة منفذك الى الاردن وسوريا .

المشكلة الوحيدة خط حايل الجوف انصحك بحمل جركن احتياطي معك
وهذي خرايط المملكة وتجد فيها ما سنفعك اكثر سواءاً حايل الجوف او حايل شرورة
http://www.athagafy.com/maps/

والله يوفقك وكان طلعتك خلال الاسبوعين هذولي ترانا معازيبك بالجوف

[ALGNTL]

نفس الموضوع الي انت حاط الرابط حقه

من حائل الين تقول سلام ياالرديفه ماعندك ولامحطه والطريق مافيه اي خدمات تمشي يمكن 340 ك مافيه ولا محطه الا الي عند الرديفه

[سلطان2007]

اخوي اذا طالع على تورنج بايك ماعندك مشكلة خذ لك خزان احتياطي عشان بانزين 95 لانه يمشيك فوق 300 ان شاءالله وثبت السرعه على 120 وماعندك مشكله بالنسبه للخط ان شاءالله كويس .. تروح وترجع بالسلامه يارايدر

[sameer_1798]

نصيحة لك ركب لك جهاز جارمن بيدلك على أي ديره تبيها حتى لو خارج المملكة
بتشوف الطرق والقرى والمحطات والفنادق واسعار العملات ... الخ

http://www.garmingpsmotorcyclemount.com/images/ram-garmin-gps-motorcycle-mount-500.jpg

http://www.techmagdaily.com/wp-content/uploads/images/Garmin_zumo_220_rugged_affordable_motorcycle_navig ator_.jpg

وتصل بالسلامة إن شاء الله

[shabrsh]

يالتوفيق لك وان اخووك

بس بتسافر على دباب

[AJAN]

عليكم السلام ورحمة الله وبركاته

http://www.sfari.com/photo/data/30/resized_DSC06141.jpg

من حايل آخر محطة بالنيصية قرب تحويلة طريق الجوف منها 330 للجوف عدد المحطات على الطريق المضمونه 2 مركز الشقيق 260 كلم من حايل مركز الرديفة 330 كلم.
بعد الرديفة قرابة 150 كلم لطبرجل عدد المحطات أكثر من 7 محطات على مسافات متوسطة .
من طبرجل للقريات المحطات واجد والمسافات أيضا ً متوسطة عندك العيساوية و الناصفة وجماجم ... وغيرها حتى الحديثة منفذك الى الاردن وسوريا .

المشكلة الوحيدة خط حايل الجوف انصحك بحمل جركن احتياطي معك
وهذي خرايط المملكة وتجد فيها ما سنفعك اكثر سواءاً حايل الجوف او حايل شرورة
http://www.athagafy.com/maps/

والله يوفقك وكان طلعتك خلال الاسبوعين هذولي ترانا معازيبك بالجوف


شرحك وافي والله يعطيك ألف عافية

وما تقصروا معروفين أهل الشمال بالجود والكرم والنشامة

تسلملي

[AJAN]

نفس الموضوع الي انت حاط الرابط حقه

من حائل الين تقول سلام ياالرديفه ماعندك ولامحطه والطريق مافيه اي خدمات تمشي يمكن 340 ك مافيه ولا محطه الا الي عند الرديفه


مشكور على الإهتمام وما قصرت

الله يعطيك العافية

[Al3rands]

عسى الاخوان افادوك وترجع لنا بالسلامه والله يعينك

[مرعي السرحاني]

يالجنتل شكل خبرك قديم المحطات على طريق حايل الجوف بالهجر و المراكز

الابرق و المظاهير و العليم وجميعها اقرب الى حايل

الشقيق و الرديفة اقرب الى الجوف

تحية

[AJAN]

اخوي اذا طالع على تورنج بايك ماعندك مشكلة خذ لك خزان احتياطي عشان بانزين 95 لانه يمشيك فوق 300 ان شاءالله وثبت السرعه على 120 وماعندك مشكله بالنسبه للخط ان شاءالله كويس .. تروح وترجع بالسلامه يارايدر


أخوي سلطان ... كأن لك في الدبابات ;)
والله أنا عندي كاواساكي شبه رحال .... وخوي معاه كاواساكي GTR 1400 رياضي رحال Sport Tourer

وكلنا ضمن فريق رحال RIYADH Riders

والله يسهل وييسر الأمور

يعطيك العافية على الإهتمام

[AJAN]

أخوي sameer_1798
أكيد الجهاز هذا موجود وما يفارقني في أي خط سفر .... يعطيك العافية

أخوي shabrsh
إن شاء الله السفر راح يكون على الدباب

أخوي Al3rands
الشباب ما شاء الله ما قصروا .... كفوو ووفوو

يعطيكم ألف عافية

[سلطان2007]

مشاءالله تبارك الله .. انا عندي هارلي بالخبر ولي زملاء في الظهران رايدرز .. انا من ناحيتي افضل انك تشوف جوجل ايرث والروت اللي بتمشي عليه وشوف كيف الوضع ومحطات البانزين .. اتمنى لك رحلة سعيده وتروح وترجع بالسلامه

[ريم البراري2]

سافر بسيارة اسلم لك

[ربيع النعيريه]

التوفيق تروح وترجع بالسلامه
الله يوفقك ويستر عليك

[على رمشي تمشي]

نفس الموضوع الي انت حاط الرابط حقه

من حائل الين تقول سلام ياالرديفه ماعندك ولامحطه والطريق مافيه اي خدمات تمشي يمكن 340 ك مافيه ولا محطه الا الي عند الرديفه

وهو صادق وترا طريق حائل الجوف طريقه ماهو مسوي يعني به طلعات ونزلات ولفات السيارات تستهلك بنزين فما بالك بالدباب بما انه يمشيك 300
طع شوري اشحن الدباب او اسحبه بسياره افضل لك 0 بالتوفيق

[AJAN]

مشكورين أخواني على إهتمامكم

بس إللي ما جرب السفر بالدباب .... ما راح يعرف متعتها

إحنا لسة راجعين من قطر والبحرين

وهو صحيح إن السيارة أريح .... بس الدباب له وضع ومتعة وتجربة فريدة من نوعها

خصوصا إذا كنتوا مجموعة

وماخذين إحتياطاتنا من ناحية أمور السلامة .... والحافظ الله
يعطيكم العافية على الإهتمام

[سديراوي نت]

النفس وما تشتهي!!

[باوزير]

شوقتنا ممكن نوع دبابك

[وارف الظلال]

الله يوفقكم ويستر عليكم
رحلة ممتعة ان شاء الله
الشباب ووفو وكفوو
ترجعون بالسلامة...

[عقيد حرب]

افاادوك الاخوان

[hightech]

والله الخط طويل وخطر الله يحفظكم بحفظه وترجعون بالسلامة

[سرطوقا]

موفق ولاتنسى القهوه في شنطة الدباب :)

[كاشف الحقائق]

يعطيك العافيه

[مسرج الخيل.]

ألى ونا اخوك سافر بل الخيل ترا مهوب شين

[قمة افرست]

موفق ان شاء الله

من حايل الى مفرق الجوف لاتوجد محطات خذ احتياطك المسافة تقريبا 330 تقريبا
بعد كذا بتلقى محطات من ابوعجرم الى الحدود الشمالية
الطريق جدا رائع وممتاز سريع ويمر بكثبان رملية ذات مناظر جميلة وتبدو نظيفة جدا ايضا عليك اختيار الوقت المناسب للرحلة لكي لايواجهك السافي
مثلا الصبح

تمنياتي لك برحلة سعيدة

[عزام السرحاني]

يابعد قلبي الله يستر عليك ويسهل لك طريقك

خذ نصيحة مني باااااااااانزين احتياط لو بس تحطة إلين ماتوصل الرديفة بعدين ارمية

لما توصل الحديثة محطات بالقرى ماعليها خووووف

من حايل للجوف (( ظروووووووري بنزين احتياط ))
والله يا الخوي لو على كيفي كان طلعت واستقبلتك من الجوف لما اوصلك للحديثة بس ماباليد حيلة

الله محيك وياهلا ومرحبا بك

تكفى تكفى تكفى خذ إحتياطك

[بساط احمدي]

والله يا زين من خاواك والله وغطا المسيره تغطيه تعجبك

[غاوي مقناص]

بالتوفيق ان شاء الله تروح وتجي بالسلامه

[السنع كله]

ترى مافيه راعي دباب سافر عليه الا وخلفه سياره فيها مايحتاجه بل سيارات
شف لك خوي ولاتلقي بنفسك في التهلكة من اجل قطع مسافة كذا بالدباب

[صقرحايل]

ماشاء الله تبارك الله
وتروح وتجى با السلامه واى خدمه من حايل انا تحت امرك
حايل الجوف 330وحايل جبه 100وجبه مدينه وفيها اكثر من محطه واذا مابغيت تدخل المدينه فيه محطات على الطريق بس لها مفرق حوالى 1ك
ومن جبه الجوف 230وطريق سريع حتى الرديفه ومن بعد الرديفه طريق مزدوج150ك حتى طبرجل والقريات طريق سريع
واى خدمه انا باحايل واذا تبى الرسلك احد من اهل جبه يحتريك على الخط ويفلل البنزين تحت امرك
وشكر لك

[الستانس]

بغيت اسألك


انا شايف اثنين على خط الشرقيه قبل 3 اسابيع او اربعه

معهم خواطيف ويمشون اكثر من 200 لا تكون انت؟


اذا كنت انت تراك روعتني :D

بس اعجبتني حركتكم ماسكين سيد وتمشون بجنب بعض كنكم انوار سياره


الله يستر عليك

خذ معك جركل بنزين وتوكل على الله

الله يحفظك

[السلمان2010]

تروح وتجي بالسلامه
بس الله الله بالقرير بعد الرحله الله يوفقك

[((ابوملاك))]

طيب ماتشوف كل القروبات وراها سيارة فيها كل اللي يحتاجونه

مثلا قروب احساء بويز قبل ما يسكر منتداهم

كان دايمن وراهم اف جي ومعاه قلص علشان لو تعطل دباب لا سمح الله ومعاه بنزين لكل اللي معهم

بس اللي اخبره ان ال1400 كاواساكي فيه اماكن تحط فيها البنزين على الجنب اللي يجيك زي الجولد وينق هوندا بس انها اصغر

هذي من عضو اسمه h416 من منتدى تطعيس

ومثل ماتشوف حجمه يكفيك تفلل التانكي كله

http://sphotos.ak.fbcdn.net/hphotos-ak-snc4/hs891.snc4/72473_453318879762_733064762_5279918_6979100_n.jpg

[KhALeD A]

الله يستر عليك

بس ياخوي هالايام حنا جمدنا وحنا بوسط السيارات انت كيف تبي تدفى وانت على دباب