ماهو المرغوب اكثر الشاص او الربع التويوتا

[التائب]

السلام عليكم
كيف الحال يا أخوان

متردد بين الشاص وربع التويوتا

ودي اشتري واحد فيهم واطرب نفسي عليه ثماً ابيعه
وودي ما اخسر فيه
فمدري وش المطلوب والمرغوب اكثر

الشاص او الربع التويوتا

علماً ان لو بشتري اي واحد فيهم بيكون فوق 2004 او 2005

بنتظار مشورة الشباب

[RPM..5800]

والله تقريبا الشاص أرغب .. إذا صار فل .. ونش وودفلك

[العاذر]

الشاص للي بيحمل عفش واجد خيام وجراكل ماء وبنزين وفرشات وحطب الخ.......... او راعي ابل او غنم

الربع التايوتا كانك راعي كشتات وتمشيه ممتاز جدا وياصل مواصيل ماتوصلها باقي الجيبوب من واقع خبرتي الطويله في الجيب الربع


انا انصحك بالجيب الربع وصدقني ماراح تندم , صحيح ماياخذ ركاب واجد لكن يطربك في البر مثل الذيب
وبياخذ عفشك بالراحه اذا كان مرتب ولافيه زوايد مالها داعي

[ابن بااارود]

الشاص
الشاص
الشاص

[راعي النفود]

الششششششششششششششششششششششششششششششششششششششاص

[ابو ف]

سلملي على الربع اذا شريته يالبى قليبه

[علي عليوه]

كلهن سوا ,, فيهن ثقل وبطء عند البيع إلا إذا كان فل كامل

فهو أرحم شوي ,, أما الاستخدام فمن رأيي الشاص أفضل

وما دام أنت بتطرب نفسك لا تحسب الخسارة قبل المشترى ,, الطرب لابد له حساب وضريبه

[أبومطرف]

شف وانا اخوك الشاص كان ونش ودفلك بطير وتراه وسيع صدروكان راعي تحميل بس
الربع اخف منحيت تمشي ورحات قريب ولازم تتحمل ضريبت ساعت الصدر ولاهب شرط تخسر
لا نها مواتر معروفه تمسك سعرها

[دل البحار]

الربع فل كامل كلام الكلام حتى بالتشخيص روعه أما الشاص حق شركات بالمدينه ومنت طول وقتك بالبر

[عاشق المزون]

أنا أشوف ان الشاص زباينه واجد لكن الربع زبونه واحد وبالتوفيق .

[أبو راكان101]

للرفع .

[التائب]

بيض الله وجهكم

وانا قلبي مايل للشاص وخاطري فيه

والله يزينها

بس وش المواصفات غير الدفلوك والونش المطلوبة في الشاص

من الافضل 8 سست او 11 سسته ؟

اتمنا احد يفيدنا

وشكرراً للجميع

[RPM..5800]

والله المرغوب 11 سسته .. بدون رفرف

[3ashkas7ary]

الربع اطلق الشاص لزم يصير معوه سياره ثانيه لتنقل بل مدينة الان الشاص يكسر الضهر اما الربع كل شي تلقوه بر ومشاوير ورزه الا تشتري شاص ثمن تحسف والله ياكثر الناس الي مايقعد معهوم شي بل كثيرر سنه واذكرك