المساعد الشخصي الرقمي

مشاهدة النسخة كاملة : شي غريب في دبل اليوكن.الفزعة....


Abo gssar
07/11/2010, 01:22 PM
طالع لي صوت ونه في اليوكن2004 مع المشي والدبل اذا شغلته ولفيت الطارة يمين ولا يسار على الاخير تتكتف السيارة وتقف ولا تمشي لين ادعس بنزين زيادة او اعدل الطارة واذا فصلت الدبل وهي على ذا الوضع يفز الموتر وتتحرك على طول .وانا راعي جيوب وقليل خبرة باليوكن فتكفون يالربع دلوني هذا خراب ولا شي طبيعي باليوكنات علما اني توي مشتري الموتر وحاس بالحسافة على قريشاتي وماني مرتاح لاتبخلون عليه اذا عندكم معرفة بالشي اللي ذكرت....
قمة افرست
07/11/2010, 01:34 PM
الله يحييك اعتقد ان شاء الله مافيه مشكلة بالسيارة
طبيعي اذا شبكت الدبل ولفيت للاخير يثقل الموتر حتى بالجيب يصير ثقيل اهم شي مايطلع صوت طقطقه ورايي لاتشبك الدبل الا برمل بالاسفلت يثقل اكثر
موضوع الونه لاتحكم مباشرة على الدفرنس تاكد من الكفرات اذا فيها تحبيل اونوع خشن بيطلع صوت
اذا الدفرنس فيه مشكلة تظهر مع الدعس ولاتخف
جرب السيارة باسفلت خشن قديم مثلا اذا فيه صوت من الدفرنس وعاير زيت الدفرنس ولاتغيره
Abo gssar
07/11/2010, 02:57 PM
الله يعطيك العافية اخوي قمت ايفرست
الثقلة في السيارة ماهي مشكلة المشكلة ان السيارة تتكتف يعني تتوقف ماعاد تحترك حتى ادوس بنزين زيادة مثل ماقلت او الف الطارة
ومن ناحية الطقطقة احيان اذا الدبل شغال ولفيت الطارة اسمع صوت طقطقة لكنها تروح بسرعة
وماتستمر على طول وودي اعرف كيف اختبر دبل اليوكن .
You Like Me
07/11/2010, 11:49 PM
طبيعي في اليوكون وفي التاهو ايضاً
موترك مافيه الا العافيه إن شاء الله
بس شكلك تتعلل حنيت تبي ترجع للجيوب هههههه
لا تتحسف ولا شي وانا اخوك
الله يبارك لك في ما اعطاك
وتشوف خيرها ويبعد عنا وعنك وعن كل مسلم شرها آمين
أبوسليم
07/11/2010, 11:59 PM
شيئ طبيعي............... تماما

مجرب على الجمس 2005 وكالة

لا تفصل الدبل او تشغله والسيارة محملة عزم لو انت واقف ولاف الدركسون هناك حمل على السيارة فتشعر بالطقة عشق او افصل الدبل الخفيف والسيارة واقفة او تسير للأمام باعتدال

تحياتي
Abo gssar
08/11/2010, 11:18 AM
اخوي

قمة ايفرست

YOU LIKE ME

ابو سليم

مشكورين على سرعة الرد والله انكم ريحتو خاطري ولو ان بالقلب غصة على الجيب وممشاه عزالله اني كنت مارده عن شي حتى اني كنت اتعسر به الدروب من زود الثقة اما الحين اختلف الوضع الشغل كل ابوه حساسات
صرت ادور دروب السيارات الصغيرة بالبر عشان امشي عليهالكن هذي ضريبة اللي يدور المواتر الناعمة والمريحة بالخط مثل اليوكن طبعا وعلى قولت اخونا شكلك تتعلل تبي الجيب . علما انه ماحد رد علي سؤالي
كيف اختبر دبل اليوكن؟؟؟؟؟؟
Abo gssar
10/11/2010, 01:26 AM
معقولة ياشباب مافي احد يعرف كيف نختبر دبل اليوكن ؟؟؟؟؟؟؟؟؟؟
بدوي جنوبي
10/11/2010, 05:58 AM
الونه قدام ولا وراء
ومتى تظهر وهل تختفى

الدبل معروف يمسك السياره ما تمشي وطبيعي
والمفروض ما تلف الطاره للاخير عشان ما تتلف العكوس
Abo gssar
10/11/2010, 10:25 AM
ماقدرت احدد مصدرها وانا اخوك هي ورا ولا قدام
وهي اقرب لصوت إيـيـيـيـيـيـيـيـيــيــيـ والمشكلة انا بمكة والمهندسين اللي مريت عليهم يرعون وماحولك احد
فـ ياليت انك ماتبخل علي يالذيب ترى احس اني ابعاف الموتر مع انه مريح جدا مقارنه بالجيب
Abo gssar
10/11/2010, 11:40 AM
133 رجال مافيه ولا واحد قد مر عليه طريقة اختبار دبل اليوكن ؟؟؟؟؟؟؟؟
بدوي جنوبي
10/11/2010, 02:49 PM
133 رجال مافيه ولا واحد قد مر عليه طريقة اختبار دبل اليوكن ؟؟؟؟؟؟؟؟


ان شاء الله مافيه شيئ الدبل
اذا تبي تتأكد
شغل الدبل وطعس فيه ولف يمين ويسار نص لفه مو للاخير
بتشوف ان الدبل وضعه طبيعي .



انت
جربت الدبل في مكان وعر او طعوس ؟

صوت الونه متي يبدا وهل يختفي الصوت جاوبني ؟
وهل الصوت مزعج ولا خفيف ؟
شيكت على السوائل (الزيوت) دفرنس امامي وخلفي والدبل ؟
Abo gssar
11/11/2010, 05:24 PM
صوت الحنه من سرعة 60 تقريبا بعض الاحيان يقل الصوت لاكن مايختفي يعني مستمر..
والصوت ماهومزعج تقدر تقول متوسط .
من ناحية الزيوت ماشيكت عليها.
اما التجربة مابقيت محل ماجربت فيه طعوس ووعر واسفلت والصوت كان يختفي ومايبان الا اذا كنت ماشي على الاسفلت وفاصل الدبل.
Abo gssar
13/11/2010, 07:15 AM
بدوي جنوبي

انتظر ردك
بدوي جنوبي
13/11/2010, 12:42 PM
لازم تتأكد من الزيوت
وانت ماشي ورفعت القدم من دواسة الوقود هل يختفى الصوت او يكون مستمر (هذا يأكد ان
الصوت من الكرونا )
لانه اذا كان مستمر ممكن يكون من رمان الهوب
http://www.mekshat.com/pix/upload04/images188/mk32037_expedition_vacuum_disconnect.jpg

http://www.mekshat.com/pix/upload04/images188/mk32037_7567567.jpg
الرمان ما يتغير لحاله لازم تغير هالقطعه بالكامل .

اذا عندك وقت تروح ورشة ويرفعو السياره بالكامل
وتشمي بالسياره حتى سرعه 60 ويشوف الفنى وين مصدر الصوت
هذا أفضل حل للكشف عنه .

بالتوفيق
dr.tooth
13/11/2010, 10:29 PM
طيب لو افترضنا انه لو رفع رجله واختفى الصوت ايش ممكن يكون
ما فهمت عليك يا ريت لو تشرح
وهل هي مشكلة كبيرة ولا يمشي الحال
abu-amgd
01/01/2012, 01:24 PM
الصوت ممكن يكون من الرمان حق العمود الكردان الرمان موصل بين الدفرنس والعامود وايضا الطرف الاخر بين الجربوكس والعامود
سعد القاسم
01/01/2012, 02:32 PM
عزيزي الصوت طبيعي والموتر معروف انه يثقل ويالله يمشي لاسرت كار الطاره

ونصيحتي لك لا تكسر الطاره وانت مشغل الدبل...
والله يوفقنا واياك

انا تصير معي في التاهو 2010 بس لا تحرص انك تكسر الطاره واجد اونت مشغل الدبل
وفقنا الله واياك