ماهو الافضل , رأس الدافور العادي ؟ ام المواقد ؟؟

[راعي السلقه]

السلام عليكم ورحمة الله وبركاته ,,

أرى إتجاه كبير في هذا المنتدى للمواقد , وبحكم اني لم يسبق لي تجربتها ماعدى بريموس الشنطة (وهو عندي منذ فترة طويله جداً) , إلا اني أعجبت بالمواقد لصغر حجمها .

سؤالي هنا ليس حول اعداد القهوه والشاي , ولكن حول الطبخ , هل تكفي تلك المواقد لعمليات الطبخ ؟ وهل هي اقوى ام رأس الدافور العادي (بريموس الهندي) ؟

أتمنى أن اجد إجابة تفصيليه .. شاكر لكم ..

[ابوعبدالله البدراني]

إذا طبخ أفضل شي الدافور فهو عملي ويتحمل الحموله الثقيله وكذلك عند التعبئه اوفر لك من المواقد التي يستخدم فيها علب الغاز أما اذا قهوه وشاهي واستعمال خفيف ومتقطع وعزبه خفيفه فالمواقد تفي بالغرض
أتمنى أن أكون قدمت شي مفيد

[بساط احمدي]

الطبخ ما ينفع له الا عطي الله الدافور .. ( واسأل مجرب ) اما الشاهي والقهوه فالحمدلله علب الغاز طيبه وبقوه بعد .. وكذلك الدافور اوفررررررررررررررررررررر بكثيييييييير

[سرهيد]

السلام عليكم

بلا شك عين الدافور افضل بكثير


لكن هناك مواقد رائعة للطبخ وعينها كبيرة مثال على ذلك الاكسبديشن ... ولكني ارى ارجله ضعيفه وتنحل المشكلة مع تركابه يطلع للطبيخ روعة ... كذلك ارى موقد النمر عينه جدا رائعة وناره خيال

وهناك مواقد تتحمل الى عشر لتر موقد العنكبوت بريموس وكذلك موقد الفراشة الكوري والذي ساطرح عنه موضوعا قريبا باذن الله ، فانا اراه رائع للطبخ

ما قلته يمثل وجهة نظري

تقبل مودتي

تقبل مودتي

[أبوتركي الخالدي]

الاكسبديشن ... ولكني ارى ارجله ضعيفه

اي والله ضعيف مايتحمل

[عزيز 3333]

اخوي راعي السلقه .. الدافور اوفر بكثير ويتحمل الطبخ ( تطبخ وانت مرتاح )

تحياتي لك

[الستانس]

فيه مواقد خاصه للطبخ اذكرها تجي من كوفيا

نفس شكل الصغيرات ولكن اكبر شوي

وانا عندي موقد صغير

للقهوه والشاهي والطبخ ما يخالف

اطبخ عليه بعض الأحيان ولا شفت منه شر

طق لك دبه صيني رطل واحد 30 ريال

محول البريه 8 ريال

ابره بريموس 5-8 ريال

صاموله للدبه مدري وش يسمونها ولكن من 5-8 ريال

وراس دافور تيرا او بريموس او كوفيا اللي يناسبك

بحدود 70 ريال واطبخ وانفخ تطربك وتوسع خاطرك

وان كان قدرك ثقيل قرب المركاب واستمتع بالطبخ


تحياتي

[مفتون صيد]

كلهن زينات وانا اخوك ويأدين الغرض .... بس انا اعتقد اذا صرت عجل سريع سريع على طول تبي تسحب الدافور وتقول به على اعلى شيء ... اما اذا انت مروق فك وركب وماعندك عجله فكلهن ياسلام

يمكن فيه ميزه في هالمواقد انها اقصر ولذالك الذراية تجيب نتيجة معها اكثر من الدافور في حفظ الحرارة وممكن انك تشب على قهوتك وتسعى في غداك في وقت واحد

[راعي السلقه]

اتضحت الصورة ,, الله يجزاكم خير .. لا عدمناكم

[ابوصالح77]

ما قصروا الرجاجيل
الله يبيض وجيههم ومن يقرأ