هل هو عيب تصنيعي في الشاص 2011 او كلها كذا

[العابر2222]

السلام عليكم ورحمة الله وبركاته

قبل كل شي رددو يا اخوان

الله أكبر ، الله أكبر ، الله أكبر ، لا إله إلا الله ، والله أكبر ، الله أكبر ولله الحمد

ذكروبها احبابكم واهل بيتكم وكل من تحب واكسب اجررها

======

موضوعنا

طلع أخووي شاص 2011 من عبد الطيف الموتر ماشي 54 كيلو فقط

ويوم جابه طلعت الجهه اليمين ارفع من الجهه اليسار بمقدار 1 سم او 2 سم واضحه للمشاهد

يعني الشاص والصدامات موزونه صح ... لاكن البدي نازل من الجهه اليسار ..وفيه فراغ بين الصدام الأمامي والبدي في الركن الأيمن تدخل يدك معها وكذلك الصدام الخلفي

والمسافه بين الكفر والرفرف الأيمن اعلى من المسافه بين الرفرف والكفر الأيسر

اتمنى وضحت لكم

وديناه الوكاله قالوو عادي مافيه شي كل الشاصات كذا مع الوقت والتحميل يتعدل

والحين الموتر ماشي 800 وحملنا عليه الين قال امين ولا تغير شي


وحبيت استفسر هل الشاصات كلها نفسه او صرفونا لأني ناوي ارجع لهم وخربها معهم

[الرحال 2003]

وعليكم السلام ورحمه الله وبركاته
اتوقع فيه مشكله
رح للمعارض وشف الجيوب هي نفس المشكله اولا

[العابر2222]

هلا أخووي الرحال

رحت قبل اشوي للمعارض ومريت الأقصى والفلاح كلهاا نفس الشي ميلان في البدي


ومرريت معرض عمان الي عنده بريمي ولقيت نصها معتدل ونصها فيه ميلان

والله شي غرريب وبكره بنرجعه للوكاله نشوف وش السوات

[صديق كلم رفيق]

وعليكم السلام ورحمة الله وبركاته

والله وانا اخوك انا توي مطلع شاص 2011 بريمي مابه ميلان ولاشي .
مر الوكاله وحاول انهم يصلحون الميلان ، لكن انا اعتقد مادام انها بأكثر الجيوب مامنها ضرر ان شاء الله .

[fahad marzouq]

عندي شاااص والحمدالله وطبيعي مهب معقول يجي فيه ميلان شركة عندها قسم جوده وفنين وخبراء وتقول عاادي مستحيل ............ ارجع لهم وقل ابي اشووف موتر زيه واقنعني ...

[سارق الكحل]

غريبة بس راجع الوكالة مادام انه على الضمان وراجع اكثر من فرع

[ن م ر]

أتوقع مثل سالفة الـ VXR 2008 مجموعه كبيره منها فيها ميلان جهة السائق

والوكالة تصرف

[زرود538]

وعليكم السلام
الله أكبر ، الله أكبر ، الله أكبر ، لا إله إلا الله ، والله أكبر ، الله أكبر ولله الحمد
اخي انا معي مثل موترك لا يوجد فيه مثل الي ذكرت-اخي تاكدلايكون فيه تعديل من اثارصدم اوانقلاب
فيه ملاحظه علي الممشاء انا يوم الطلعه ماشي 14ك

[العابر2222]

بيض الله وجيهكم على المرور والمشاركة

اخواااني الي حيرني شفت جيوب 2011 كلها فيها ميلان من جهة السائق وكلها عبداللطيف في المعاررض

البريمي هو الوحيد الي لقيت فيه عينات ما فيها ميلاان

بالنسبة للصدم الموتر كشفت عليه عن اكثر من مركز يقولون سليم شاصه وبديه

برووح لهم اليوم ونشوف وش يصير معهم

[حسين السبيعي]

اخوي ترا في السعوديه تجي مفكفكه الصدمات والرفارف في جميع الجيوب الشاص تاكد من وزن الرفارف والصدامات

[عبدالله1430]

عب توانك البانزين فل ويتعدل

[سرطوقا]

اذا هو مايل ذي مشكله تدفع فوق المائة الف واخرتها يطلع كذا هذا الظلم بعينه :)


ارجوا لك التوفيق في الدارين

[جيب هدد 06]

اخوووي هذا عيب مصنعي 100%

لكن مو في البدي لا في مكان التانكي الميلان بسبب جهة التانكي

لأني شفتها في المستودع كلها فيها ميلاان بس ما شفته الا يوم دققت فيه

تحياااااااااتي

[العابر2222]

يا أخوان رحت الوكالة وتلاجيت انا وياهم وقالو تعال شف الجيوب الي هنا والي في المستودع

وفعلا شفتها كلها نفس الشي فيها ميلان نفس موتري اكثر من 20 جيب

وقلت طيب وش المشكله قالو الشاص يشد في في السعودية لأنه يجي مفكك وشكلهم يشدون جهه بقوة قبل الثانيه

قلت الحل وشو قالو تبي نفك البدي ونجلسه من جديد او مثلك مثل العالم يقولون حتى 2010 نفس الشي

واحترت

وبالنسبة للتوانك تعبي فل ولا لا نفس الشي فيه ميلان

==================

اليوم رحت اغسله ووقف جنبي 2010 يغسله راعيه وجلست اسولف انا وياه واقوله موتري فيه ميلان قال موتري معتدل مافيه شي .... قلت خلنا نشوفه يوم جيناه طلع نفس الشي فيه ميلان نفس موتري واستغرب راعيه

[بليزر]

انا عندي شاص 2010 وفيه نفس الا ذكرة بالضبط ولا عطيته اي اهتمام ولكني حقيقة فرحت لما قرأة موضوعك وتأكد لي ان الأمر عادي والله يجزاك كل خير

[أطلال نجد]

طالما أنك شفت الجيوب اللي بالوكالة ولقيتها نفس الشيء

أعتقد أن العيب مصنعي 100%

واحتمال كبير يكون بسبب وجود التانكي على جهة دون الأخرى

[ملك الفكتوريا]

افا وصلت للشاص العيوب

[عبد الله 99]

صحيح فرق تلاحظه انا اشوف واحد من الربع قلت عسى ماشر موترك جديد قال ابد نص الشيصآن كذا
قلت والله ما تدري بكره يصير شي ولآش و تبلش به و برا الضمان و الرجال يمشي عليه واجد
عشان كذا ناظر اي شي تفرقه من حذفه لأصغر شي رح للوكاله و خلهم يتأكدون

[YUKON_GMC]

يمكن الميلان متعمد من الوكاله حتى يعدله تانكي البنزين اذا امتلأ بانزين فتره طويله يعني سنتين ثلاثه بدل ان يكون متساوي من البدايه ومع الوقت يميل للجهه المعاكسه بسبب ثقل التانكي على الجهه الاخرى

[أطلال نجد]

المشكلة عند تحميل السيارة أو في حالة إنفجار كفر لا قدر الله والسيارة تسير بسرعة 120ك.م على سبيل المثال

الميلان البسيط هذا قد يتسبب في فقدان السيارة لتوازنها الطبيعي على الطريق أو إنحرافها وممكن يؤدي ذلك إلى الإنقلاب بسهولة !

[عشق الكتابة]

دام الدعوه فيها فك بدي وتعديل وزن وشيل وحط عشان يتساوى الموتر ياخي الله ماشفناه بالعقل عرفناه الكل يعرف ان البدي مركب على الشاص لأي موتر بجلد ومسامير تثبيت وانت ياصاحب الشاص وغيرك بدون وجع راس لكم حلها بسيط ومايكلف شي يذكر / جيب لك ورد عريضه العدد الي تبي وقل لعامل الورشه يفك مسامير التثبيت من الجهه الي تحس انها راخيه ويرفع الجلد ويحط ورده تحت الجلده وورده فوق الجلده ويشد المسمار وإذا ماتساوت يزيد الورد حتى توزن وقفة الموتر وسلامتك

[النبع الصافي]

وترى 2009 أول ما طلع قالوا عنه كذا والحين أشوفهم ساكتين مدري راح ولا نسوا ولا وش ؟

[PATHFINDER 4]

غريب 2011 ومايل !

[العابر2222]

والله شي يحيرر الواحد ماوده يفك ويربط الموتر 2011

وعلى فكرة احمل ولا لا او تعبي التانكي ما يتغير

[عين حصنان]

الموديلات اللي قبل متساويه

واذا عبيت التوانك فل ... مايتغير و يبقى مستوي مثل ماهو

يعني فكرة تعبيت التوانك على طول ماتفيد

والله المستعان

[صديق كلم رفيق]

العابر نصيحه انتبه وانا اخوووك تفك وتربط بالموتر حرام الموتر جديد ، خل عنك الوسوسه واضح ان الميلان غير واضح والدليل صاحب السياره اللي في المغسله مالاحظ على موتره شي إلا لما قلت له وبرق فيه .


نصيحه دام الميلان في أغلب المواتر الجديده خله مثل ماهو عليه.