الضلعة (اللحلاح) مشوي ولا مقلي؟

[محمد محمود3]

السلام عليكم

البارحة طلعت أنا واثنين من الإخوة نحدق على السيف والحمدلله الله رزقنا بكمية قرقفان وشعرية وكم ضلعة (لحلاح)..

وما قط جربت آكل اللحلاح، ومتحير نسويه مقلي ولا مشوي؟ :)

ننتظر آرائكم

[بحرالخبر]

اولا الضلعة غير اللحلاح وغير البسار
الكبيرة ضلعة وهي لحمها مو طيب وعظمها اخضر
الحجم الوسط يسمى بسار وماتصلح الا شوي وتكون توها مصيودة
الحجم الصغير لحلاح ويؤكل شوي ويكون فرش
تحياتي
بوعبدالرحمن

[صياد متهور]

وعليكم السلام ورحمة الله وبركاته
انا عكس اخوي بحر الخبر
الضلعة حلووة بس لاازم تصلخ جدلها قبل الطبخ لاان ادا ماصلخت الجلد تطلع مرة(طعمها مر) وتقطع العرق اللي براسها او تقص راسها كامل اول ماتطلع
وتسويها بالفرن مع زيادة البهار او مقلي بقصمات او بروستد او كباب مادري كفته
وبالعافية

[accentkool]

انا جربتها داخل الفرن طعم ولا اروع جرب راح تدعيلي

[قبقب طفشان]

"

انا من عرفت الصيد
ماغير ارميها لكن سمعت ناس يمدحون أكلتها

:)

[A B D U L L A H]

قص خياشيمها اول ماتطلع وعلقعها مع ذيلها كم دقيقه يطلع الدم

وبعدها اصلخ جلدها وبهر لحمها فيليه وعالجمر

وطعهما حليو

[ناجل سمار]

وعليكم السلام هي الاحسن شوي ولكن ليه انت ماتجرب بطريقه جديده ويمكن تظبط وبعدها نستفيد منك

[مدمن الأسماك]

الضلعة سمكة جميلة وطعمها طيب جدا اكلتها من قبل مشيوة على الفحم ممتازة بس اسلخها واقطع رأسها وعلقها شويه من الذيل حتى تصفى كل الدم عشان ما تبقى مرة فى طعمها