افضل مكان لتركيب اليايات الاسترالية للباترول

[mr.wolf]

اخواني الاعزاء دائماً عند ما نحتار في أمر ماء نلجاء لله ثم لاصحاب الخبرة .
سؤالي ماهو أفضل وأرخص مكان لتركيب اليايات الاسترالية للجيب الباترول في الرياض.
حيث ان اسعارها عند الرماية والسنيدي 650 مع التركيب.
وهل يوجد مضار لها على السيارة وأيهما أفضل هي أو المساعدات الاسترالية في قوة التحمل.

[sarab88]

هلا بك اخوووي فيه محل بالتخصصي يركب يايات ومسعره تقريبا من500الى 550ريال تبي الوصف ابشر به وتقبل تحياتي

[mr.wolf]

مشكور اخوي على المعلومة وياليت الوصف سوى على العام او الخاص كما تحب
ولك مني جزيل الشكر.

[ابوحميد122]

يفيدونك الشباااااااااب ان شاء الله تعاااااااااااااااالى

[عبدالرحمن السالم]

مشكور اخوي على المعلومة وياليت الوصف سوى على العام او الخاص كما تحب
ولك مني جزيل الشكر.


هلابك يالغالي
بعد اذن سراب نبي نوصفه لك


شف ياطويل العمر لامنك جيت مع شارع التخصصي وجهك شمال يعني كأنك رايحه للثمامة والجنادرية ، بيجيك نفق مخرج 9 حق الجامعه بعد ماتنزل وتطلع من النفق تبي تجيك محطه نفط على يدك اليمين ابد شف المحل هذي داخل المحطه ، بالمريه تبي تشوف ميد على الزاويه


رح انت سعر وشف اذا تعرف لك واحد يشتغل بهن زين اشرهن من الرمايه وركبهن برا ، ونصيحتي ركبه عند الفلبيني نفسه حق الرمايه يشتغل زين وعارف بالامور هذي


موفق خير والله يعطيك من خيره ويكفيك شرهه

[You Like Me]

السلام عليكم ورحمه الله

انا مركبها عند الرمايه بحي الشفا بـ 550 ريال

[جهام القصيم]

السؤال كم موديل الباترول ولماذا التركيب هل انت تشيل احمول او راعي تطعيس او راعي كشته فقط إذا كنت راعي كشته عليك بالكرد من 3 الى 4 سم تغنيك عن اليايات الاسترالية والمطب مع تركيب امساعدات تكون اقوى من شد بلد
وفق الله الجميع

[mr.wolf]

اشكر الجميع على هذة النصائح وشكر خاص لاخوي عبدالرحمن السالم على الوصف الواضح
ولكم خالص تحياتي