الله ينور عليكم واحد واحد

[اتاااوي]

اخوكم محتاج قارب الله لايحرمني وقفتكم ولا يحرمكم الاجر
قارب 7م او 8م يكون مكاينه 2 وسعره من 30000 وتحت ولا يزيد
مو نقص في حق راعيه لكن حسب امكانيات اخوكم

وكلي امل في الله ثم في وقفتكم :l
وتكفون يلي يقدر يدلني رقم جوال للتواصل
والاخوان الباقين لا اوصيكم في الدعاء لي بالتوفيق
اخوكم في الله :s
الله يوفق الجمع على مايحبه الله ويرضاه

[حزين الكون]

الله يرزقك بالي يرضيك

[اتاااوي]

الله يعطيكم الصحه والعافيه يامكشاتيه تراني ماطلبت
الا مشاركه والدعاء لي بالتوفيق
واسأل الله من فضله وكرمه
وليه الجفا ترا مايسير انتظر مشاراكاتكم ولا تبخلون
باب الخير مفتوح:l
والله يوفقنا وياكم للخير

[أبو حمد200]

وينور عليك أخي الغالي أبشر باللي تبي طلبك موجود 8 متر ضاعن مكينة 85 سوزوكي تو استروك ومكينه أحتياط 48 ياماها القارب جاهز للأبحار ولو حاب مكينة ثانية 85 ممكن نركبلك بعد ألأتفاق على سعر الشراء

جوالي 0554549479 أخوك أبو حمد

[دل البحار]

أبشر انت تامر امر طال عمرك
فيه قارب الخليج الطول 8،5 م وعليه مظله ودركسيون يمين ومكينتين 75 مارينر نظاااف جدأ والبوت مدهون وما عليك الاتفك الاغطيه من على المكاين وتدعس
فيه ثلاجه كبيييره للصيد ومخازن وجلسات والسعر ب30000 الف ريال كاش لو عجبك الوضع ارسلي على الخاص .......

[اتاااوي]

بعد التحيه للاخوان ابو حمد ودل البحار الله يرزقكم ويطرح لكم البركه في الابوات
والله العظيم اني اتفاوض مع صاحب بوت لقيته بشوف نهايته
ان طاب لي اخذته
واذا مافيه نصيب معاه اتواصل معاكم
واسأل الله العظيم ان يكتب لي ولكم الخير في البوت
ويشهد الله تعبت ادور وشكرا على مشاركاتكم
والله يوفق الجميع :l

[النتاوي]

الله يكتبلك اللي فيه الخير والرزق الحلال ..

[اتاااوي]

خاص الى الاخ محااااااار
يالعزيز الغالي البوت الـــ 7 م الضاعن شفته والله يرزق راعيه
وربي شفته دمار شامل
ولا يسوى ريال واحد لكن الله يعوض على راعيه والله انه رجال طيب
لكن البوت ما تدفع فيه ريال
وذا بغيت شي تامر امر
تحياتي لك

[اتاااوي]

يامكشاتيه الفزعه بوت 8م او 7م تكفووون يا نشاما
الله يوفقكم
مريت المراسي اللي في جده كلها ولا حصلت وتعبت حتى
العمال اللي في المراسي كلهم رقمتهم ولا فيهم من دق وقال الووو
ابي رايكم ابطل من الموضوع ولا استمر
وياليت وقفتكم بأي وسيله اقدر اوصل
وتحياتي لكم

[جون الشمالي]

ان شاء الله تلاقي مرادك
بس دخلت علشان دعواتك الطيبه

[عاشق الشعيبة]

اخوي عندي لك بوت علية مكينتين 75 و25 احتياط كلها ياماها وكلها عامل لها صيانة وتوها عند المهندس للتشييك عليها وكمان البوت مطلعه من البحر وعامل له نقعة جديدة وصيانه ولحد الأن البوت خارج البحر
وحجتة نزهة 6 اشخاص وريح راسك واعتقد ان سعرة ارخص من طلبك بكثير
هذا رقمي اذا ودك 0545466236

[اتاااوي]

دل البحار ما عرفت اوصلك ولا قدرت لكن تعال انت يالحبيب والله يقويك ارسلي رقمك على الخاص والله يوفق الجميع
والثلاجه الكبيره يلي تقول عليها بعبيها لك يوم ان شاء الله من كل الانواع هديه لك طال عمرك من غير قصور
اخوك ينتضرك ولا تتاخر
والاخوان تكفون فزعتكم يلي عنده قارب ويلي ماعنده اتمنى المساعده منكم بدعاء
والله يوفق الجميع لما يحبه الله ويرضاه
وصلى اللهم على نبينا محمد وعلى اله وصحبه اجمعين

[Ahmad ss]

الله يوفقك وييسر لك الخير وين ماكان

[اتاااوي]

لكل من دعالي الله يجزاه بالجنه ونعيمها
والله لا يحرمني من دعواتكم الطيبه شكرا لكل واحد فيكم
وابشركم لقيت واحد وان شاء الله اتخارج مع راعيه لان اتفاقي معاه شبه نهائي
والله يكتب اللي فيه الخير والله المستعان وعليه الاتكال

[اتاااوي]

خلاص يا اخوان قفلت على الموضوع وانتهيت
وجزاكم الله خير
وكثرالله خيركم ما قصرتو
والله يوفقنا واياكم على طاعته
ومع السلامه