لو سمحتموا يااخواني رجة السفاري المفاجئة وش سببها؟؟؟؟؟؟؟؟؟؟؟؟؟

[الربذي]

السلام عليكم
اخواني اليوم طلعت السفاري مشتريه الاسبوع الماضي وماشي عليه مثبت على 140 وبعد حوالي 35كم تقريبا وهو فجاء يبدى يهتز ويزيد لدرجه عجزت امسك الدركسون هزهزه قويه وكان الكفر محبل كبر الكوره او الجنط معيوج ولاقلت مبنشر بالكاد وقفت بعد ان كدت افقد السيطره عليه قطع يديني الدركسون وقفت الا كلش سليم الكفرات سليمه رجعت وسقت حتى وصلت 160 وكلش تمام ومشيت مسافه بعدها 270كم مثبت على 140 الحمد لله تمام بس ياليت اهل العرف من اخواني يعرفوني وش الي صار وليش جاته هزه واعتقد بل اكاد اجزم انها في الكفر الامامي
هل من حل وش السبب طبعا يوم وصلت بحفظ الله غيرت الكفرات وهن جدد بس قديمات تخيلو تاريخهن2007 وركبت جديد وركبت ايضا فرارات تحضيرة ومشيت عليه الحمد لله تمام

لكن وش سبب الي صابه وخلاه يرتج ذاك الرج الخيالي

[الثويرات]

غالبا الرجه المفاجئة تكون من مساعد الدركسون ولكي تتأكد.

دورلك حفره صغير او مطب صغير وابيك تضربه بجهه وحده يعني كفر يمين او يسار وعلى سرعه60 اذا حسيت ان الدركسون فيه رجه اي يروح يمين ويسار معناها ان المساعد عندك تالف ويجب تغييره.

وانا انصح وبشده ان الباترول لازم انك ترهم مساعد ثاني لدركسون .

[يريور عيمان]

اعتقد المشكلة من الكفر لان الجيب شكله مخزن و هذا يسبب ضرر للكفر اذا طالت مدة وقوف السيارة و بنفس الوضعية
و ايضا تأكد من الجنوط اذا اصليات و ترصيصهن بقوة و بإحكام

[الربذي]

غالبا الرجه المفاجئة تكون من مساعد الدركسون ولكي تتأكد.

دورلك حفره صغير او مطب صغير وابيك تضربه بجهه وحده يعني كفر يمين او يسار وعلى سرعه60 اذا حسيت ان الدركسون فيه رجه اي يروح يمين ويسار معناها ان المساعد عندك تالف ويجب تغييره.

وانا انصح وبشده ان الباترول لازم انك ترهم مساعد ثاني لدركسون .
بس هل الكفره تهز لوحدها وكانها محبله بل تروح يمين ويسار
على العموم اشكرك اخوي لمرورك الكريم وابداء رايك ورفع الموضوع رفع الله قدرك اخوي الثويرات عساها لربيع الى تتذرى فيه من طول عشبه

[باترول 4500]

قبل مده صار عندي نفس مشكلك يهتز الدركسون قوة ثم اخفف وتروح
غيرت مساعد الدركسون ولا تغير شي
ثم رحت لورشه وقالي المشكلة من البن هار ,, رحت شريت جدد وجبتهن لمه وكبسهن لي والحمدلله إلى الحين تمام
التكلفة مع التركيب 70 ريال
إذا كنت ببريده رح لورشة السيف

[mishary1]

انا نفس المشكله طلعت معي من اسبوعين لما غيرت الكفرات
بس اذا تعديت 130 راحت الرجه
رصصت الكفرات مرتين بلا فايده

[الربذي]

اعتقد المشكلة من الكفر لان الجيب شكله مخزن و هذا يسبب ضرر للكفر اذا طالت مدة وقوف السيارة و بنفس الوضعية
و ايضا تأكد من الجنوط اذا اصليات و ترصيصهن بقوة و بإحكام
لااخوي مااعتقد ذلك ليه لانه صار بعد 35كم
وايضا مصار قبل كذا ولا بعده
هذا كلامك في محله اخوي اذا مشيت بعد وقفه طويله ....

[الربذي]

قبل مده صار عندي نفس مشكلك يهتز الدركسون قوة ثم اخفف وتروح
غيرت مساعد الدركسون ولا تغير شي
ثم رحت لورشه وقالي المشكلة من البن هار ,, رحت شريت جدد وجبتهن لمه وكبسهن لي والحمدلله إلى الحين تمام
التكلفة مع التركيب 70 ريال
إذا كنت ببريده رح لورشة السيف
ياهلا بباترول اظنك انت الاقرب لوصف المشكله بس هل يجيها على طول ولا بدون مقدمات ولاهو كل الوقت

وش البن هار وهل اسمهن بالمحل كذا
وين ورشة السيف بالضبط اخوي لاعدمناك..

[خالدالشمال]

ممكن تكون الرباطات

[باترول 4500]

ياهلا بباترول اظنك انت الاقرب لوصف المشكله بس هل يجيها على طول ولا بدون مقدمات ولاهو كل الوقت

وش البن هار وهل اسمهن بالمحل كذا
وين ورشة السيف بالضبط اخوي لاعدمناك..

الرجة تجي بعض المرات على طول يرج ويالله أمسك الدركسون من قوة الرجه

ايه نعم اسمهن كذا بالمحل تحصلهن عند قطع غيار التويجري

ورشة السيف بالشارع التجاري رح لمه وقل عندي رجه خله يشيك عليهن ثم يقولك رح جب من التويجري البن هار عاد التويجري قريب لمه
إذا كنت ماتدل الشارع التجاري قلي عشان أوصفه لك

[الربذي]

انا نفس المشكله طلعت معي من اسبوعين لما غيرت الكفرات
بس اذا تعديت 130 راحت الرجه
رصصت الكفرات مرتين بلا فايده
طيب متى تجي سيارتك انا ماتجي كل وقت مسافه 300كم جته مره ماادري وشي منه
........................

[ابوصالح77]

أخوي الرجة لا تخلو من عدة أسباب :
1- عمود التوازن
2- مساعدالدركسون
3-ذراع الدركسون
4-ربلات الرباطات
تقيل مروري

[برايدوي عنيد]

هلابك اخووي .......

وكلام اخوي ابوصالح على متمه , ولاتنسى تشيك على الرمان ممكن به فضاوه .

تقبل مروري .......

[مواسي الطعوس]

انا ركبت باترول موديله 90 م واخبر راعيه يقول فيه رجه ...يوم ركبناه مافيه رجه ابد ؟؟؟؟ قلت له وين الرجه اللي تقول ؟؟؟ قال خلاص مايرج ابد ومضمون ..لاكبس ذراع ولا غيره ؟؟

** ويكلف 100 ريال . لكن راعي الورشه رافض يعلم وش يسوي والعمال اللي عنده مايعلمون ابد ؟

واسم الورشه ((ورشة الهبيش))ببريده . حتى انه معروف بالتربيط للباترول .

** تراني ما ادلها لكن اسألوا اهل بريده عنها ....والا سالت رفيقي عنها .

**للمعلوميه رفيقي مار على كثير من الورش المشهوره ولاحصل مثل هذه الورشه .

[السراب م]

السلام عليكم
انا صار لي نفس المشكله بس كانت الكفارت قديمة 2008
رحت ورش العضيب طريق الملك عبدالعزيز مقابل قصر الحريري الورشة في محطة
الورشة متخصصة في النيسان تبي الصدق حط السيارة عندهم وتبي ترتاح
خلهم يرصصون لك الكفارت "ترصيص لزق""

[سوبر مكشات]

جلب الشداد

فيه شيين ماسكات الدفرنس الأمامي من وراء تقل يدين فيه جلبه عند ممسكهن بالدفرنس بوسط كل وحده

تصير منكسر

اذا انكسرت وحده فهي كافيه بالرجه
ورجه الله لايوريك يالله تهدي عشان تروح او تسرع او تحذف يمين او يسار عشان تروح

اسمهن جلب الشداد وود الموتر عند الصمعاني وقله وش المشكله بس لاتعلمه
شف وش يقول ثم قله افحص جلب الشداد والبن هار

او رح للسيف حسب وصف الاخ اللي فوق
واذا عالجت المشكله الله لايهينك نزل تقرير

اذكر تصليح الثنتين ب300

[الربذي]

أخوي الرجة لا تخلو من عدة أسباب :
1- عمود التوازن
2- مساعدالدركسون
3-ذراع الدركسون
4-ربلات الرباطات
تقيل مروري اصلح الله امورك يابو صالح
يعني كل هالاربع نفس الشي ماتختلف الرجه
انا ابي اشوف ان رجعت له رحت اشيك لانه الحمد لله جته مرة بس صراحه روعتني
جته وانا امشي 140 بغيت ترك الدركسون نفضه خيييال

[مقلع الرمث]

اخوي الربذي هذي المشكله مرت علي مرات عديده

كلما عليك انك تفك العامود اللي راكب فيه مساعد الدركسون فيه ربلات مع الجنب

تغيرها وتكبس غيرها عن المخرطه وتوكل على الله

[بدوي جنوبي]

ينقل لقسم الاعطال

[الربذي]

اخوي الربذي هذي المشكله مرت علي مرات عديده

كلما عليك انك تفك العامود اللي راكب فيه مساعد الدركسون فيه ربلات مع الجنب

تغيرها وتكبس غيرها عن المخرطه وتوكل على الله
ايه الله يجزاك خير ياليت تشرح اكثر ولاتصوره ولاعليك امر فادري وش تقصد لكن فيه مساعد مرهم ترهيم واضح وواحد حق وكالته بس مهتريه اطرافه الربل رايح هل ممكن يكون منه

[مقلع الرمث]

ايه الله يجزاك خير ياليت تشرح اكثر ولاتصوره ولاعليك امر فادري وش تقصد لكن فيه مساعد مرهم ترهيم واضح وواحد حق وكالته بس مهتريه اطرافه الربل رايح هل ممكن يكون منه


والله مااعرف ارفع الصور

لكن مساعد دركسووون بلد راكب على العامود اللي اقولك

لكن زي ماقلتلك شف حق بلد وين راكب تحصل العامود حقه كذا مايل من قدام الدفرنس

منه المشكله

وتبي نصيحتي فك العامودين اللي قدام شي يلف الدركسون فيه ركب

مع العامود اللي قلتلك والعامود اللي وراء الكفرات اللي قدام فيه ركب برضوا

العامود اللي فيه ربلات بدلها ب 70 ريال ومر المخرطه عشان يركبها لك

والعامودين اللي فيه ركب خله يشد عليهن ينظبط الموتر ويصير مليان

امل منك انك فهمت علي

[مقلع الرمث]

جلب الشداد

فيه شيين ماسكات الدفرنس الأمامي من وراء تقل يدين فيه جلبه عند ممسكهن بالدفرنس بوسط كل وحده

تصير منكسر

اذا انكسرت وحده فهي كافيه بالرجه
ورجه الله لايوريك يالله تهدي عشان تروح او تسرع او تحذف يمين او يسار عشان تروح

اسمهن جلب الشداد وود الموتر عند الصمعاني وقله وش المشكله بس لاتعلمه
شف وش يقول ثم قله افحص جلب الشداد والبن هار

او رح للسيف حسب وصف الاخ اللي فوق
واذا عالجت المشكله الله لايهينك نزل تقرير

اذكر تصليح الثنتين ب300



هذا نفس العامود اللي قلتلك حق الركب

هذي تبليه شد عند اي مخرطه بس يطقها وتضبط

وتبي شوري فكها انت ودها للمخرطه وهو يعطيك مقاس الربلات

[BATH 2003]

و الله أعلم أنها الأذرعة يبيلها كبس

شيك عليه عند اقرب ميزان