المساعد الشخصي الرقمي

مشاهدة النسخة كاملة : شنبر (المكينة) شاص موديل 2003


اول 9099
08/11/2010, 09:34 PM
السلام عليكم ..
كل عام وانتم بخير ..
حبيت اسألكم ياجماعة كم يكلف اصلاح شاص فية شنبر 2003 وهل الدليل ان فيه شنبر خروج دخان ابيض من الشكمان ....

وكم يكلف اصلاح فحمة الكلتش ..

الله لايهينكم ولايصغركم ...
HAS5SAN
08/11/2010, 10:47 PM
يكلفك في بحر الـ1500 ريال سعودي
خاصة إذا هو في بداية الشنبر
ولكن 7سنوات على الشاص قليلة جداً بدري ع التبويش
ممكن عندك جلب بلوف
أنت فر أكثر من ورشه وشوف وأحكم
وتقدر تعرف من مستوى الزيت إذا الزيت ناقص وإذا الزيت عادي ما ينقص
اول 9099
10/11/2010, 04:42 AM
الله يعطيك العافية وماقصرت
ونسمع باقي الأخوان
لحن الوداع
10/11/2010, 02:15 PM
حياك الله اخوي ,,

ابسئلك هل ارديتر ينقص مويه !

وهل زيت المكينه ينقص عنده !


وهل المشكله هذي دائم او في الصباح اذا شغل السياره اول كل ما ترك السياره فتره اكثر من ساعتين يطلع دخان ابيض ؟

وهل اذا تم تشغيل ال سياره في الصباح او بعد فتره وهي طافيه ترجف السياره مدة ثانيتين وبعدين تصير طبيعيه !

ولي رجعه للموضوع ,,,
لي رجعه ,,
النبع الصافي
10/11/2010, 08:09 PM
تو الموتر 2003 على التبويش
يمكن جلد بلوف
أهم شي النقص لا يكون قوي إ1ا كل 2000 ك لتر واحد
أنا أقول تزيده كل مرة ولا توضب وما مثل شد البلد
الدخان الأزرق ليس دائما دليل شنبر يمكن في الكنداسة شوي زيت قديم ومع الحرارة يدخن
موفق ولي رجعة بعون الله
PATHFINDER 4
11/11/2010, 11:34 AM
الدخان مايخرج عن احد امرين

يا شنبر او جلد بلوف
والدخان الابيض دليل احتراق الزيت داخل السلندر
لكن الازرق << الغالب تبويش
والاسود الموتر مكربن (له مده ماشد عليه او مسك خط) وهذا حله بس يمس الموتر شوي 140/160 في الخط وماعليه الا العافية

ويفيدونك الاخوان بخبرتهم اكثر
Bader-M
11/11/2010, 06:23 PM
اذا غيرت حلقات المكبس (الشنبر )

غير معاه جلد البلوف و ووجه راس المحرك معها وسوف يزبد على التكلفه تقريبا 500 -700 ريال مع القطع الغيار
ولذلك حتى لا تطر الا فكة مره اخرى

تحياتي اليك
شاص
27/11/2010, 06:11 PM
طيب إذا الموتر ينقص علبة في كل ألف كيلو بدون دخان وش تتوقعون علته؟؟ وش حله؟؟الموتر ماشي حدود 160 ألف
النبع الصافي
27/11/2010, 09:10 PM
أخوي شاص تأكد من الصوف لايصير فيها تهريب وبعدين شيك على وجيه المكينة
ابوراكان تبوك
28/11/2010, 01:15 AM
مثل ما قالو الاخوان تأكد من التهريبات ومعروف ان المكائن البخاخ مع الضغط العالي والسرعه الزائدة تنقص نقص طبيعي بس خفيف جداً

تأكد من الصوف وخاصه اللي بين المكينة والجربوكس + صرة الزيت + مركب السيفون

نصيحه لا تتسرع في الفك

مستحيل النوع هذا من الجيوب يكون مبوش وهو ماشي 160 ومكينة 24 بلف توصل 400 الف وهي ماتنقص وفيه موديلات 92 ما انفكت ولا تنقص
فارس العيون
28/11/2010, 07:18 AM
فيه واحد بالبدائع يصلح لك جلد البلوف بدون فكة الراس