المساعد الشخصي الرقمي

مشاهدة النسخة كاملة : اضاحي حريات في الرياض ؟


ابومرضي
08/11/2010, 10:20 PM
أخواني ابحث عن من يبيعون الغنم الحريات في الرياض
من يعرف أحد ارجوا اعطائي رقمه على الخاص

ولكم جزيل الشكر
دل البحار
08/11/2010, 10:35 PM
الله يرزقك
ابومرضي
10/11/2010, 11:04 PM
معقولة يا أخوان أهل الرياض ما يعرفون الحريات ؟
ابو نعمه
10/11/2010, 11:09 PM
عادي ياخوي لا تدقق عندنا في الغربية ناس كثيره ما تعرف النعيمي

طق لك 800 كيلو للطايف و اغرف من ذا الحريات
الشملاني1
10/11/2010, 11:12 PM
الحريات موجوده في حراج النظيم
الغريب 2000
10/11/2010, 11:17 PM
اخوي ابومرضي يذكر لي واحد من الشباب انه موجودة في الجنادرية حول سوق الابل الله يوفقك باالذبيحة الطيبة اذا النعيمي الخروف الطيب اليوم حصلته 1700 ريال والرخله 1300 ريال والحري الطيب اغلى من النعيمي الله يكون باالعون ويكفينا شرى الغلا
ابومرضي
10/11/2010, 11:19 PM
الشملاني شكراً
بس وين حراج النظيم آسف ما اعرف الرياض بالضبط
ابومرضي
10/11/2010, 11:22 PM
اخوي ابومرضي يذكر لي واحد من الشباب انه موجودة في الجنادرية حول سوق الابل الله يوفقك باالذبيحة الطيبة اذا النعيمي الخروف الطيب اليوم حصلته 1700 ريال والرخله 1300 ريال والحري الطيب اغلى من النعيمي الله يكون باالعون ويكفينا شرى الغلا
بس على ما أظن انه هنا الحريات ارخص حيث انه ما عليها اقبال
الغريب 2000
10/11/2010, 11:33 PM
بس على ما أظن انه هنا الحريات ارخص حيث انه ما عليها اقبال
الله يجزاك خير هو باقي شئ رخيص كل شئ مولع والحريات عليهن اقبال والسعر غالي ياخوي مافيه شئ رخيص الله يرحمن برحمته الواسعه باالنسبه لسوق النظيم امتداد طريق خريص شرق وانت متجهه لحي النظيم بعد النظيم 10 ك على نفس الطريق يجي على يسارك والله يوفقك
الشملاني1
10/11/2010, 11:34 PM
اليوم يقول الشايب انباعن قدامه حريات طيبات على 1070
والنعيم اطيب شي واعلى شي على 1250

وسوق النظيم ياطويل العمر تمسك طريق خريص جهة الشرق الين يجيك مخرج
اكاديمية الامير نايف للعلوم الامنيه تدخل معه وتخليها على يمينك وتسيد مع هالخط تقريبا عشره كيلو
ويجيك السوق على يدك اليسار
ابومرضي
10/11/2010, 11:37 PM
مشكورين ياشباب الله يجزاكم خير

عسى الله يكتبلنا اللي فيه الخير ويتقبل منا ومنكم
دل البحار
17/11/2010, 09:31 PM
الحريات بالمنطقه الجنوبيه من ابها والغربيه الى المدينه المنوره ولا تشري لك المرباه في البيوت يعني ماترعى ياكلونها باقي الطعام حقهم ويأكلونها خضار وفاكهه ونادر ماتاكل شعير ولا تعرفه
النجديات - في نجد وهي طيبه أذا لقيت لك نجدي بري ماهو من المرباه حتى ولو حري ومربا ابعد عنه
النعيميات - برضه الي ترعى بالخلا اما البيتيه ابعد واشرد وحط رجلك وخلك اسرع من سعيد عويطه لا توقف الافي بيتكم