مكرم الضيف
09/11/2010, 09:33 AM
http://www.mekshat.com/pix/upload04/images187/mk138009_11052010432.jpg
وين الاحرار اللي من اول كثيرات=
من كثرهن كنا نعاف الشياهين
ووين الرجال اهل العلوم البصيرات=
الله لهم بالحق علم وتبيين
وجيه سمحه مشرقه بالمسرات=
اقفت عن الدنيا وجمع الملايين
شدوا رحال القنص يم الوعيرات=
مكان ماياصله كود الشديدين
وحطوا رحايلهم بعد طول سفرات=
ونصبت خيام العزبشد وتمكين
هذا يجيب الما من بيار عسرات=
مكانهن مايعرفه غير خبرين
ماهن طعمه الذ من نهر الفرات=
من قبل تروى ارتوت قبلك العين
وصفوا دلال للكرم مستديرات=
فنجالهن لاذقته تعاين الصين
والصيد واجد ولصبح الصبح غارات=
وخبرة رمي باللي لهم طبعهن زين
وصلوا صلاة الصبح بوجيه بشرات=
الرزق فيها لجلها عماد للدين
وشربوا قهوتهم وابتدوا بالتميرات=
وتزهبوا بمخضبات مزايين
وكل مشى في درب من غير عثرات=
وصادوا وفادوا وعودوا للخويين
والنار شبت وصفت احجار مذرات=
وذاقوا طعم صيد يقولون للحين
هاذي حلات العمر والصيد غترات=
والرازق الله والمخاليق فانين
وين الاحرار اللي من اول كثيرات=
من كثرهن كنا نعاف الشياهين
ووين الرجال اهل العلوم البصيرات=
الله لهم بالحق علم وتبيين
وجيه سمحه مشرقه بالمسرات=
اقفت عن الدنيا وجمع الملايين
شدوا رحال القنص يم الوعيرات=
مكان ماياصله كود الشديدين
وحطوا رحايلهم بعد طول سفرات=
ونصبت خيام العزبشد وتمكين
هذا يجيب الما من بيار عسرات=
مكانهن مايعرفه غير خبرين
ماهن طعمه الذ من نهر الفرات=
من قبل تروى ارتوت قبلك العين
وصفوا دلال للكرم مستديرات=
فنجالهن لاذقته تعاين الصين
والصيد واجد ولصبح الصبح غارات=
وخبرة رمي باللي لهم طبعهن زين
وصلوا صلاة الصبح بوجيه بشرات=
الرزق فيها لجلها عماد للدين
وشربوا قهوتهم وابتدوا بالتميرات=
وتزهبوا بمخضبات مزايين
وكل مشى في درب من غير عثرات=
وصادوا وفادوا وعودوا للخويين
والنار شبت وصفت احجار مذرات=
وذاقوا طعم صيد يقولون للحين
هاذي حلات العمر والصيد غترات=
والرازق الله والمخاليق فانين