القير مايلقم في الاول والريوس

[سليمان الطيب]

سلام عليكم

عندي ددسن وكاله وطلع فيها صوت ونه بالقير ورجعتها الوكاله قالو عندك خلل مصنعي بالقير وصلوحها لي ونزلو قيرها وراحت الونه

بس صار الاول مايلقم علطول مرات يلقم ومرات كود ادبل كلتش واعشق من جديد والرويس كذلك وهم يقولون مافيها شي

وش ظنكم السبب :(

[ابوحميد122]

يفيدونك الشباااااااااب ان شاء الله تعاااااااااااااااالى
وافضل شي
انك ترجعلهم من جديد

تقبل مروروررررري

[GMC89]

ارجع لهم ووضح لهم الحاله قام الميكانيكي

[حفرآآوي]

حطه بثاني بعدين رجعه بأول ونفس الحركة بالريوس

واذا ما ضبطت رح للوكالة

[HAS5SAN]

مازلت المشكلة
رجعه للوكالة وأنشب لهم
الله يعينك

[الصيادالمليح]

بعض القيرات عذان تشبك الريوس لابد تضغط على عصا القير

و المفروض لما كان فيها خلل مصنعي إنهم يغيرون القير كله بجديد

بس الوكالات تنصب عيني عينك ولا حسيب ولا رقيب
سيارة فيها خلل مصنعي ويبيعونها بدون ذكر الخلل وياكلون مال حرام ولما تشتكي يقولون نصلحها على حسابنا وما ندري عن الخرابات الثانية

[من البدائع]

يا اخي دام انت متأكد ان السياره فيها مشكله ومو اي مشكله بالعكس مشكله كبيره


ليه يا اخي تجي تسئل؟؟

ودها الوكاله ويصلحونها لك وطالبهم يبدلون القير كله
وقف الموتر عندهم ورفض استلامه حتى يتم الاصلاح

[النبع الصافي]

أريح اراسك اطلب تبديل السيارة

[سليمان الطيب]

هم يالله قبلوها بحجة اني ماني منتظم في الصيانه ماشيه عشرين الف قالو ليش ماجبتها صيانه كل خمس الاف انا اسمع الصوت من يوم اخذتها لكن ماتوقعت انه مشكله قلت يمكن ددسن وهذا صوتها واول مره اشتري ددسن

لين ركبها ابوي مره قال الحق موترك ويوم رحت قالو مانستلمها لانك مو منتظم في صيانتها وطاحت كفالاتها ولو تشتكتي رح اشتك لان مكتوب في العقد هالكلام وفعلا كلامهم صح

وجلست من هنا وهناك لين جاني واحد قالي ترا سيارتك فيها خلل وعشان كذا نبي ندخلها بس ادفع نص قيمة التصليح

ومن هنا وهناك والله عجزت فيهم ورحت لمدير الشركه نفسه قال دخلها ولا يهمك ودخلتها واخر شي قالو بحكم انك جاي من المدير فلان ادفع ربع المبلغ اجور العمال فقط
قلت ياحيل الله وجلست شهر كامل كل يوم يقولون القطع ماوصلت طلبناها من الامارات وشهر وانا على هالحاله ورجعت للمدير ودخلت عليه يولد شف لي حل ودق عليهم وقال بدلو له القير وخلاني اشوف السياره وفعلا بدلوه وبعدها طلعت على السياره القير ممتاز لكن المشكله اللي ذكرتها موجوده ورجعت لهم اكثر من مره يقولون مافيها شي وطلع معي فني وركب معي وعشقت تمام قلت له مرات ماتعشق ومرات تعشق قال يمكن ماتدعس كلتش كويس وحسسني اني غشيم وبعدها دخلت عندهم كم يوم وطلعت وتدخل وتطلع ثلاث مرات ونفس الشي

الحين سؤالي

هل احد مرت عليه هالمشكله يكون القير صعب لقمته
هل تتوقعون القير موهب راكب عدل وعشان كذا صعب لقمته ؟؟

[سليمان الطيب]

ونسيت شي بدلو لي الكلتش كامل قلت الكلتش مافيه شي قالو مانقدر نبدل القير ونخلي الكلتش هذا نظامنا وعطوني الكلتش القديم

[200]

سلام عليكم

عندي ددسن وكاله وطلع فيها صوت ونه بالقير ورجعتها الوكاله قالو عندك خلل مصنعي بالقير وصلوحها لي ونزلو قيرها وراحت الونه

بس صار الاول مايلقم علطول مرات يلقم ومرات كود ادبل كلتش واعشق من جديد والرويس كذلك وهم يقولون مافيها شي

وش ظنكم السبب :(
شف وأنا أخوك وقل ماقالها 200 من خبرة بالسيارات 2004 وتحت صارت معي نفس المشكلة وزنت دعسة الكلتش وظبطت مسمار يرفعة او ينزلة وعلمني وش يصير معك جربتها على ددسن 2004 وإن شاء الله أني أفدتك