أهل الخبره او اللي عنده حل

[الروض الخضر]

السلام عليكم ورحمة الله وبركاته ..

يالربع عندي حر طلع من الربطه سليم معافى الحمد لله وكشفت عليه كلش سليم

والطير مالاحظت عليه شي ..

بس في اليومين الاخيره صاير يغمض عينه بشكل مستمر

ويرص عمره والى اسقيته ماء اسمع له مثل الفحيح مع خشمه

اللي قد مرت عليه ذا الحاله يفيدنا الله لا يهينكم ..

[عابر الموج]

طيرك فيه قلاع والعالم الله

[العاتق]

افزع لطيرك ووديه للعياده... تحياتي

[راعي شلالي]

اعطه مضاد حيوي الله يشفيه

[جره الصيد]

اذا يرص على نفسه (ممكن)الشحم ملعوزه وممكن يحتاج انك اتشنذره والله المستعان

[بوغلب]

السلام عليكم
تغميض العينين قد تكون :
1-انك مسهر الطير والطير ينعس متعود على الربطه والطير ينام.
2- الطير يونس له شي فيه عله (ملع,عطش, مرض داخلي) الله يعافيه
أما سالفة الفحيح من منخر الطير .. الطير توه طالع من الربطه ومستكره مناخره. ماي دافي مع ملح خفيف ونقطه بسيييييط من أبوفاس أو فكس ونقط بمنخر الطير ولاتكثر عليه وتجنب الهواء البارد والأفضل ان يكون الطير بالشمس ومذريه عن الهواء.
وفالك وفال طير الطيب أن شاء الله.
موفق

[قرناس شماالي]

السلام عليكم
تغميض العينين قد تكون :
1-انك مسهر الطير والطير ينعس متعود على الربطه والطير ينام.
2- الطير يونس له شي فيه عله (ملع,عطش, مرض داخلي) الله يعافيه
أما سالفة الفحيح من منخر الطير .. الطير توه طالع من الربطه ومستكره مناخره. ماي دافي مع ملح خفيف ونقطه بسيييييط من أبوفاس أو فكس ونقط بمنخر الطير ولاتكثر عليه وتجنب الهواء البارد والأفضل ان يكون الطير بالشمس ومذريه عن الهواء.
وفالك وفال طير الطيب أن شاء الله.
موفق

:good2::good2::good2:

[صقار مبتدئ]

اذا غمض عيونه و لا يصرف عشاه بدري هذا التهاب الفرسه عطه مضاد مع فتمين

[هاووي الطير]

الله يشفي طيرك ان شاء الله

[طيور الجير]

اخي العزيز هل مازالت المشكلة مستمرة؟؟هل يوجد اي اعراض دموع او غلض بجفون الطير اوعدم الروئية ليلا؟؟جيب سكر بلدي الاحمر وحمامة انتف ريشةكبيرة واعصر علئ مكان النتف لحصول علا نقطة دم واستعملها مسوح حوالي عيون الصقر ام السكر فاغمس السكر بماء دافي لثواني و حك حوال العين...تحياتي

[صقرالعوسي]

الله يشفي طيرك ان شاء الله افادوك الاخوان