ياجماعة الخير من يدبرلي هالسكين ؟؟؟

[المشهور]

السلام عليكم ورحمة الله وبركاته
الحقيقية هالسكين بحثت عنها ولاحصلتها وأبي احد يدلني عليها لاهنتوا جميعاً

http://www.mekshat.com/pix/upload/images10/mk14117_image(134).jpg

طبعاً صناعتها ألمانية .

[عاشق الجبل]

وعليكم السلام ورحمة الله وبركاته


تلقاها إن شاء الله بمكة المكرمة ( سوق الليل ) في محل خوجة للسكاكين لأنه الوكيل حسب علمي .

شريت منه سكين بــ 250 ريال صناعة ونقوش يدوية ماودك إلا تفرج عليها وحديدها متميز جدآ ولها عندي 8 سنوات

[المشهور]

اشكرك ياعاشق الجبل على تواصلك واهتمامك
لكن السكين اللي شريت لها اسم ولامالها.
وودي اسئلك كيف اخلي الصورة تطلع على طول بدون رابط
وبارك الله فيك وحفظك .

[ابو فص فص]

السلام عليكم ورحمة الله وبركاته

هلا اخوي المشهور
اظهار الصورة سهل

خذ الرابط وحطه في الرموز اللي فوق حق النص وهي منها رسمة شجر >>>> ما يعرف يشرح
http://www.mekshat.com/pix/upload/images10/mk14117_image(134).jpg


اقول اخوي ترى فيه من هالسكاكين اربعه انواع

واحد صيني لا يحوشك تلقاها بريالين
نوع جنوب افريقي وهو يمشي الحال ولا تنقد عليها ابد لا انا ما تقطع

ونوع الماني حلو جد وسعره تقريبا من 30 الى 35 مكتوب عليه الماني

ونوع وهو اللي عليه الكلام والظاهر اللي يقول اخوي عاشق

2وتلقها في الرياض في سوق الزل وهي غاليه بس الظاهر حول او اكثر من200 ريال سعودي


تقبل تحياتي واسف على الاطالة

[المشهور]

تسلم حبيبي ابو فص فص والله يعطيك العافية .
وماننحرمش منك

[المستوي 1]

هلا اخوي

سبقني فص فص على الجواب

ولكن اعطيك وصف ادق

عندك محلات في سوق الزل الجزء الشمالي من السوق وانتبه من التقليد

و عندك جنوب سوق الذهب الثميري تحصل عندهم

واذا انت تحتاجها كشكل فهي جميله و اذا تبيها شغل و لزوم عندك الفرنسية اوباينل لا يعلى عليها ومن اجود السكاكين الصغيره

ولا تنسى مسن الرماية!!!!!

ودمتم

[عاشق الجبل]

عذرآ على التأخير والشباب قاموا بالواجب وماقصروا

[المشهور]

تسلم يالمستوي على الوصف الدقيق ويعطيك ألف عافية .
ولا يهون أخوي عاشق الجبل كلكم على راسي من فوق .

وشكراً لكم جميعاً.

[الجندي2005]

طيب شباب وين القاها في حائل لاني عجزت من الف وانا ادورها حتى المحطات الخارجية اوقف عندهم :confused:
الفرنسية ((اوبايتل )) جربت الحديد وصدت معي .......

[ابو فص فص]

الجندي 2005

شوف ابيتال الفرنسية ترى ما فيه مثلها لا من حيث القوة والخف

بس اللي صدت اكيد لون الكتابة سوداء ولا كتب على السكين انوكس بالانجليزي

[عليم العطش]

اخواني الاوبينال الفرنسيه الممتازه تكون الكتابه اللي على قضابها باللون الاحمر وهي على عده مقاسات بالرقم على الجزء الذي يدور في اعلى االمقبض الخشبي في الوضع اللي تكون السكين فيه غير مطويه والذي يمنع ارتدادها يكون الرقم مكتوب عليه .
الاونكس هذا اسم لمصنع قديم في فرنسا وسويسرا متخصص في صناعه الانصال من اكثر من 350عام والابينال الاسم التجاري للسكين ولكن هناك مصنع عربي في لبنان في بلده جزين مشهور بصناعه الانصال والمقابض على مستوى العالم حيث ان اغلب انتاجه تشتريه الحكومه البنانيه لتهديه الى رؤساء الدول على مستوى العالم على شكل اطقم سفره من شوك وسكاكين حاده وملاعق فاخره ويوجد لهم محل في بلده جزين بجنوب لبنان اذا احد زار لبنان يقدر يمرهم.
تحياتي
عليم العطش

[هبوب الجنوب]

اخوي المشهور انا خابر السكين خوجه الاصلي
مايجي عليها ثلاث نجوم تجي ساده ونصابها
مكتوب عليه خوجه وعلى طول تنسن وسلامتك

[الضاري]

الوكاد أن سكاكين خوجه أسعارهن نارررررر

ما أدري ليش رافع سعرهن ؟؟؟

[محمدالناصر]

موجودة ياخوى في مدينة خميس مشيط بسوق الجنابى بالبلد وفية منها جديد ومستخدم المستخدم متوفر الجديد قليل المستخدم قيمتها من 100ريال الي120 الجديدة قيمتها من150 وانت طالع

[ابومعيلي]

اخوي المشهور طلبك موجود جديده موقعي الرياض اما بنسبه لسعر سم

[فيصل التميمي]

لعل الشباب افادوك ان شاء الله

[بن.حسن]

اخوي المشهور طلبك موجود جديده موقعي الرياض اما بنسبه لسعر سم



اخي ابومعيلي

جزاك الله خير اخي الكريم

الموضوع له اكثر من اربع سنوات