للي له خبره بالاماكن البحريه بالمنطقه الشرقيه

[عاشق z71]

السلام عليكم


ياشباب الله لايهينكم

ودي قبل العيد اطلع يومين على البحر جهة المنطقه الشرقيه

ابطلع من الرياض

ودي بمكان نضيف يصلح انام فيه ومايكون فيه مرافق

يعني بحر وبر فقط

بس اهم شي نضيف وماهمني لو اطقله 1000 كيلو

مع المعلوميه ماني راعي صيد بس ابي مكان نضيف انوم فيه وبس يكون على البحر


مانستغني عنكم وعن مشورتكم

واكون كم شاكر وممنون

[sanad81]

أخوي عندك أماكن كثيرة زي ما تبي
عندك شواطئ تلا عندك السفانية عندك راس الزور عندك النقرورية

ونصيحتي أن كنت راعي بر أطلع للسفانية

عندك بعد النعيرية وانت طالع للكويت على بو حدرية يجيت مفرق السفانية القديم هو عبارة عن مثلث أفرق مع يمين أمش شوي وأدخل تقريباً 3 كيلو بلاقي البحر بوجهك

لا وصلت طريق الخفجي شف الأحداثية هذي
27.6868723N 48.8239288E

هذي نفس الأحداثية
27°41'12.7403''N 48°49'26.1437''E

[قبقب طفشان]

"

هلا وغلا فيك اخوي
وكل عام وانت والجميع بخير " قبل الزحمه "
انصحك بالـ : زبنه ..

فيه شاليهات ماادري وش اسمها نهاية الهافمون وثم ينتهي بك الطريق
لكن على اليمين فيه طريق صغير رايح جاي ، روح معاه وبتلاقي شاليهات وقصور على يسارك
تعدى مسافات طويله وراح تحصّل مطلوبك .. :)

[عاشق z71]

أخوي عندك أماكن كثيرة زي ما تبي
عندك شواطئ تلا عندك السفانية عندك راس الزور عندك النقرورية

ونصيحتي أن كنت راعي بر أطلع للسفانية

عندك بعد النعيرية وانت طالع للكويت على بو حدرية يجيت مفرق السفانية القديم هو عبارة عن مثلث أفرق مع يمين أمش شوي وأدخل تقريباً 3 كيلو بلاقي البحر بوجهك

لا وصلت طريق الخفجي شف الأحداثية هذي
27.6868723N 48.8239288E

هذي نفس الأحداثية
27°41'12.7403''N 48°49'26.1437''E


والله ياخوك المشكله اني من اهل نجد ومادل هاك الديار ابد

معليش بكلف عليك

ثبتلي مكان معين تظمن انه نضيف ومناسب لقعدة يومين

واوصفلي اياه وصف بالطرق داري بكلف عليك بس تحملنا شوي

والله يجزاك الف خير

[عاشق z71]

"


هلا وغلا فيك اخوي
وكل عام وانت والجميع بخير " قبل الزحمه "
انصحك بالـ : زبنه ..


فيه شاليهات ماادري وش اسمها نهاية الهافمون وثم ينتهي بك الطريق
لكن على اليمين فيه طريق صغير رايح جاي ، روح معاه وبتلاقي شاليهات وقصور على يسارك

تعدى مسافات طويله وراح تحصّل مطلوبك .. :)



فعلا في صديق لي وصفلي نفس وصفك

حتى قالي ينتهي بك طريق الهافمون بشاليهات قرية الخليج اعتقد


وهذي راح اخليها اخر حل اذا مالقيت مكان مناسب انشالله ..

اشكرك من كل قلبي يالغالي ...

[الوسمي44]

رح يم الساحل الشمالي الغربي املج وطالع براد وتمشيه وبحر وين ماتبي بحر نضيف ولاحولك احد

[White_Shark]

إذا تبغى منطقة حلوة ونظيفة ومافيها زحمة , عندك ( مركز مرير ) , وهذا المركز تابع لمنطقة رأس الزور .

طريقها باتجاه الخفجي على طريق ابو حدرية , بتشوف لوحة على يدك اليمين ( رأس الزور ) .. اتبع اللوحة وخذ يمين باتجاه الشرق لين تجيك لوحة ثانية على يدك اليمين (مركز مرير) , شارع رملي مرصوص وينصح بعدم السرعة فيه لأن الشارع فيه منحنيات قوية , لين تشوف قدامك المركز , خذو تصريحكم وشوفوا لكم مطرح للتخييم , فيه طعيسات صغيرة ورمل نظيف .. بالنسبة للصيد في تلك المنطقة طلعنا سبيطي واحد قبل سنتين في عطلة عيد الأضحى وفيه عراضي وقرقفان بالهبل .

ويوجد في تلك المنطقة تيارات قوية جداً , فالحذر من السباحة .

نتمنى لكم التوفيق في العطلة .

تحياتي

[بحرالخبر]

اسمع كلام اخوك القرش الأبيض ترى وصفلك وماقصر مكان قريب ونظيف بس سباحة مافيه ( بر + بحر )
جزاكم الله خير

[عاشق z71]

ممتاز بيض الله وجيهم

والله ماقصرتوا الله يجزاكم خير


استفسار اخير

بالنسبه اذا جيت اخذ تصريح من خفر السواحل
في شروط معينه وهل اقدر احصل عليه بسهوله او لا

[accentkool]

شراااااااااايك بالعقير تراها فلة

[White_Shark]

ممتاز بيض الله وجيهم

والله ماقصرتوا الله يجزاكم خير


استفسار اخير

بالنسبه اذا جيت اخذ تصريح من خفر السواحل
في شروط معينه وهل اقدر احصل عليه بسهوله او لا

أخوي عاشق z71

بالنسبة للتخييم في أي موقع بحري ( على الشاطيء), من الجبيل باتجاه الخفجي لابد من التصريح عند اقرب مركز خفر سواحل , وكل مركز له منطقة محددة وفي العادة توجد لوائح " بداية مركز مرير " و " نهاية مركز مرير " وكذلك باقي المراكز , وإذا تعديت المنطقة المحددة يجب أخذ التصريح من المركز التالي .

كل مايلزمك للتصريح هو ( بطاقة الأحوال المدنية ) للمخيميين , يتم تسليمها للمركز ثم يكتبوا لك ورقة التصريح وفيها عدد الأشخاص وأسماءهم ومدة التخييم وفيها الشروط والتعليمات المكتوبة ( عدم استخدام الشباك , ممنوع السباحة , تنظيف الموقع قبل المغادرة , ابلاغ المركز في حال وجود جسم غريب .... الخ )

نتمنى لك وللأخوة إجازة سعيدة .

[صياد الخبر]

السلام عليكم

وكل عام والجميع بخير

واتمنى للجميع اجازة سعيدة بأذن الله

الاخ القرش الابيض افادك افادة وافية جدا

ومضه

اخي الكريم للعلم فقط السؤال لا يعيب ولا يضر اذا وصلت اي مكان من اللي ذكروه لك

الاخوان وحاس انك مضيع او مرتاب اسئل اي احد مقاول عامل راعي حلال

ومن واقع تجربة ارجوا الحرص ثم الحرص ثم الحرص على ان يكون معاك

كرتون ماء لو ابونص يكفيك او يكفي الطاقم اللي معاك

وتتأكد من المؤونة والزاد لنك لا تعلم ما الظروف يمكن الجو يعجبكم تمددون

يمكن الجو يتغير ويصير عج وهوا تحسبا لكل العوامل الخارجية والظروف

ارجوا ان يكون لديك ايضا اشتراك بالسيارة تحسبا لإستخدامك لبطارية السيارة او الاضاءة

دون شحنها فيكون لديك اشتراك + ساحب ( قلص ) لا تدري يمكن تغرز يجيك من ينقفك

ويطلعك

اعتذر للإطالة ولكن هناك امور صغيرة ذات اهمية احياننا نجهلها او نغفل عنها


الله الله بالتقرير بعد الاجازة وان شاء الله يكون فيها صيد بأذن الله

وبالتوفيق للجميع

ومتم