الي يعرف عن جيب الارمادى نيسان يدلي بدلوه (وجزاه الله خير)

[mmm998]

السلام عليكم ورحمة الله وبركاته

مساء الخير ... أنا ناوي أن شاءالله بشراء سياره جيب الارمادى مستعمل موديل 2006 , بس أنا ماعرف عن السياره اي شي ابداً ... يعني الي استخدم السياره أو يعرف عن هذي السياره ياليت يفيدني بكل صغيره وكبيره في السياره وهل تنصحوني بشراء هذي السياره ؟ وبعدين كم اسعارها بالسوق ؟

والله يوفق جميع من افادني ونصحني بخير ... وجزاكم الله عني كل خير .

وانا بانتظار ردودكم .:lr

[mmm998]

معقوله أكثر من عشرين عضو شاهدو موضوعي ولم يفيدني احد بشي !!!!!!!!!!!!!1

[تناساني]

ارمادا 2006 :good2:
سعره من 65 إلى 75 حسب النظافه

اســـم : أرمادا يعني الأسطول

وهو مكينته راسين
يعني اذا تمشي اقل من 80 يشبك 4 سلندر.
واذا من 80-120 يشبك 6 سلندر.
واذا تعديت الـ 120 يشبك 8 سلندر.

والمكينه الراسين مثل اللي في الـ Fj و الشاص والربع الجديد 2010

ويجي نوعين:
LE فل كامل
SE اقل منه

انا ركبته مره فخم من داخل و رائع

لكن لم يحالفني الحظ لشراءه لكنه حلمي من بين السيارات

لكن احرص على شراء ارمادا (سعودي)
لان يجي مستورد من امريكا ما يصلح

أتمنى أن يكتب الله لك ولي الخير كله




:f



تكفيك هذه الصوره:

http://i255.photobucket.com/albums/hh130/UAE4x4/Armada-1.jpg

[كلاسيكو]

ودي افتيك بشي
لكن الارمادا من ناحية ان استعماله مااعرف عنه شي ولا ودي اظلم الموتر
ولكن من ناحية شكله انا مااعجبني لاني اعتقد انه اصبح شكله اقل من عادي زي فقاعة صابون ابهرت الناس بنزوله للاسواق بس سرعان ماراحت موضته

رايي لايعني راي غيري

[تناساني]

لولا اختلاف الاذواق لبارت السلع

اخوي/ كلاسيكو
الكل له رغبة بنوع معين من السيارات.
انت ما تحب الارمادا بس غيرك يعشقه

[mmm998]

تناساني بيض الله وجهك وشرح الله صدرك ويسر الله أمرك وغفرالله ذنبك ووسع الله رزقك , عزالله أنك ماقصرت كفيت ووفيت ...........

[mmm998]

كلاسيكو .. ماقصرت تكفي بس مشاركتك ... جزاك الله خير وماقصرت .

[الموسوي]

اختيار موفق ومبروك مقدما

بالنسبة للسيارة سيارة ممتازة وعائلية واعتمادية ايضاً ويكفي ان تعلم اخي الكريم ان الارمادا وكغالبية سيارات نيسان الجيل الجديد صناعة أميركية 100%

وارجوا ان يسمح لي الأخ تناساني ان اختلف معه في جزئية أن المستورد "مايصلح" واقول لك وانصحك اخي الكريم ان تلقي نظرة على ما يعرض في صالات السيارات المستوردة الأميركية قبل ان تقدم على الشراء فالمستورد من وجهة نظري الشخصية (أنظف) من الموجود عندنا ولن انسى ان انبهك الى اختيار الأقل عداد فالمستورد ووارد الوكيل سيان فالصناعة واحدة

الله يوفقك ويعطيك خيره ويكفيك شره

تقبل تحاياي اخي الكريم

[تناساني]

الله يجزاك خير اخوي mmm998
ولك مثل ما قلت يالغالي.

بس احب ارد على اخوي الموسوي
المستورد تقول نظيف.. لانه يكون مغسل.. و ماتضمن العداد صحيح او ملعب فيه
و السعودي مواصفاته احسن بكثير.
خاصة ان السمتورد يجي من داخل لونه اسود ( كئيب )
والسعر نفسه مع نقص بسيط في حدود الـ 5 آلاف
ولا له رغبه شف الناس تنحاش عنه

حتى السعودي شيك بمخباتك تبعيه بأي وقت

هذي وجهة نظري وحبيت اوضحها لأخوي الغالي الموسوي

[الموسوي]

اخي الكريم تناساني

اختلافنا في النهاية سيصب في مصلحة أخونا صاحب الموضوع بلا شك :)

أنا لا أنظر لنظافة المستورد بنظرة سطحية كالغسيل أو التلميع ولكن أنظر لها بنظرة أعم وأشمل فالمستورد المستخدم "البطاقة الجمركية" ليس كالمستخدم لدينا الذي مضى على استخدامه اكثر من سنة او سنتين ولا يخفاك أخي الكريم أن أكثر الجيوب عندنا "ممروشة" بسبب استخدام البعض له ، المستورد وبحسب تجربة شخصية تكون محركاته أفضل من المحلي وللأخ أن يفحص قبل الشراء ليرى الفرق

أيضاً نقطه مهمة أتمنى من الإخوان أن يستفيدون منها ، المواصفات الأميركية عموماً أفضل من المواصفات الخليجية لأن الولايات المتحدة الأميركية تجبر شركات السيارات على مسايرة معاييرها الصارمة في الأمان والسلامة فجميع السيارات المستوردة الأميركية تتمتع بـ مواصفات قياسية على مستوى عالي ولهذا نجد أن هيكل السيارة الأميركية أثقل من هيكل السيارة الخليجية أو غيرها من المواصفات ولكن للأسف هيئات المواصفات والمقاييس الخليجية لا تتعامل مع الشركات بصرامه في مثل هذه المسائل ولك ان ترى الفرق بنفسك وتكتشف الفرق حتى في السيارات الصغيرة قبل الكبيرة

أما المواصفات الاختيارية فهي تختلف من ولاية لولاية لأن في كل ولاية ستجد أكثر من موزع واكثر من وكيل ولهذا ستجد أن بعض الأرمادا يأتي بـ "نفقيشن" وبعضه يفتقده وبعضه بجلد وبعضه بدون جلد بل بعضه بدون فتحه

في النهاية نتمنى أن يوفق المولى عز وجل الأخ صاحب الموضوع في اختيار السيارة المناسبة

شكراً لك

[تناساني]

اختلف معك بالمواصفات المكانيكية
فالأمريكي حسب الأجواء البارده و الثلج
يكون راس المكينه حديده خفيف اقل من السعودي
و الرديتر يكون اقل.. و الكنادسه و غيرها
لان أغلب ولاياتهم يكون برد و ثلج
وعشان تشتغل السياره بسرعه و تتسخن بسرعه
يخففون الي ذكرته فوق.

والنفقيشن يعتبر من الا كسسورات ليس شي اساسي ومهم بالمقارنه بالتقنيه الميكانيكية.
ومثل ما قلت هو نوعين LE و SE
والخيار لك في السعودي أو المستورد:
في الدبل . والفتحه وهذه الأشياء لا غنى عنها خاصة الدبل.

بضرب لك مثال:
السيارات الأمريكيه (فورد و تويوتا)
اول ما تجي السعوديه يغيرون فيها اشياء ( رديتر. كنداسه )
وبعد فتره ترتفع حرارة السياره و يينعطب راس المكينه.
وداخل المواقع وتشوف ان السيارات عليها ثلج خاصة الي سوف ترسل للسعوديه و الخليج

لكن شوف السيارات السعوديه تشغلها 24 ساعه ما ترتفع الحراره لو بعز القايله.
بعدين هناك ما يغيرون زيت المكينه بس يزيدونه.

وأغلب الي تجي من امريكا مستورده يكون فيها صدمات او صداء و بفضل الورش يتم التغطيه عليه كأنها وكاله

وغير هذا كله تحصل المستورده في (الصالات) غاليه.
يغري الشاري شكلها و لمعتها اجل تحصل موديل 2005
يلمع و من داخل جديد ويقول لك ما مشى الا 40 الف
ويحلف ويجزم انها وكاله و مخزنه ( وخاصة استخدام سيدة تشتغل في بنك) ههههههههههه
ماادري يستغفلون الشعب او احد ناصب عليهم قايل ان الشعب مالهم عقول هههههههههههههه

عشان كذا المعارض مليانه سيارات سعوديه و امريكيه
وفيها النظيف وفيها المرشوش
وللجميع الخيــار


شكراً لك اخوي الموسمي

تقتنع ان السعودي افضل او الوعد بالشارع و معي العجراء هههههههههههههههههههههههه

[majeds]

عليه قومه شي بطران ماتصدق انه بذا الحجم و يفز كذا ماشاء الله لولا خوفي انطرد من البيت كان سقطت مكينته على الباترول 1983 ربع الي بالتوقيع هههههههههههههه

[KFC]

انحش عنه .. عندنا سعودي 2008 فل كامل ذبحنا بالحراره .. 3 مرات تغيير رديتر بالوكاله (على الضمان) :)


وكله يهون يوم تجي تغير الكفرات .. مقاس 20 .. تتعب وتدوخ ويتحول اسمك الى قاسم من كثر ماتدور على البناشر واخرتها ركبتها قبل اسبوعين ميشلان الواحد ب 1350 ريال


اذا بتدفع قيمته خذ لك فتك 2006 ماشي شي بسيط وكد ومد

[mmm998]

الاخ تناساني + الاخ الموسوي ... حواركم شيق للغاية ... وبيض الله وجيهكم وماقصرتو على هذه المعلومات القيمه .. شاكراً لكم ومقدراً لكم جهودكم المبذوله لنفع أخيكم ...

[mmm998]

majeds يكفي أنه 8 سرندر وقوة مكينته 5,6 ... ماشاءالله تبارك الله . موفق أخوي أن شاءالله

[mmm998]

KFC ... طيب هل هذه المشكله في كل سيارات الارمادا ؟