المساعد الشخصي الرقمي

مشاهدة النسخة كاملة : ماطور أبو جمل؟؟؟


طخيمان
15/09/2005, 11:25 PM
يالربع عندي ماطور أبو جمل انكسرت فيه الوصلة اللي تشبكها في اللي الأصفر وأبي أزينه
وديته لمؤسسة الشراع اللي في الغرابي قالوا مانصلح ووديته لأكثر من محل وما لقيت أحد يصلحة
اللي عنده علم وين أقدر أصلحة يعلمني الله لا يهينه .
المستوي 1
16/09/2005, 12:28 AM
ابوجمل؟؟؟؟؟؟!!!!!
حسب علمي هذا نوع من انواع الدخان يستعملونة الزيود حقين البناشر
.
.
.

امزح معك................................

المواطير بشكل عام عندك مكانين و هم حقين التوليف

الاول حراج ابن قاسم في الجزء الغربي منه سوق المواطير و الدبابات

و الثاني صناعية طريق الخرج في الجزء الشمالي الغربي من الصناعية ويسمونها صناعية المواطير عندك كوم باكستانية هناك يصنعون لك ماطور جديد اذا تبي............


الله يسهل عليك
طخيمان
16/09/2005, 02:51 PM
تقصد الصناعية اللي مع مخرج 17 تروح غرب (شارع الأمير سلمان بن عبدالعزيز)
أرجوا الرد.
طخيمان
17/09/2005, 01:51 PM
تقصد بصناعية طريق الخرج اللي مع مخرج 17 غرب
أنتظر الرد .
المستوي 1
17/09/2005, 03:12 PM
الرد على الخاص

شيك رسايلك ..................
طخيمان
05/10/2005, 02:58 PM
رحت لهم وقالوا ما نعرف نصلحة.
طالب الجنة
11/10/2005, 12:55 PM
أخوي مريت شارع الريل ؟!


ممكن ما تلقى نفس القطعة ... يصير يبيلك ترهم لها ترهيم ...


واذا ممكن تحط صورة القطعة المنكسرة ... أو مكانها بالماطور ... ( يعني عطني صوره له )
انشاء الله ابلقا لك دبرة ... بإذن الله

تحيات اخوك
كرستال
11/10/2005, 01:21 PM
بسم الله الرحمن الرحيم
السلام عليكم ورحمة الله وبركاتة

ماطورك يـــــ( ابو الطواري ) شكله ماهب اصلي لان الاصلي مافيه لي طويل واسلاك الكهرب طويله
على العموم رح لم محلات مكابس الليات يمكن يلقونلك حل ترهيم
وشكراً
**الجدي**
11/10/2005, 02:00 PM
السلام عليكم
اخوي اسأل عن محلات كبس ليات الهيدروليك وقطعها وانشاء الله تبي تقضي لزومك عندهم
السموحه والله ما اعرف لهم ارقام او تحديد مكان بس لانه خرب معي ماطور ابو جمل واخذه واحد من ربعي وصلحه عند هالمحلات
واللي تامر به حاظرين