محمد الظاهري
10/11/2010, 03:25 PM
بسم الله الرحمان الرحيم
السلام عليكم ورحمه الله وبركاته
اخواني في مكشات
سالفه اليوم تتحدث عن شرف الاباء والاجداد عن صفا القلب
والسولف عن الباديه جميله
ولكن سالفتنا جميله جدا
ولا اطيل عليكم في الكلام
واترككم مع السالفه
واريد تعليقاتكم في الردود عن السالفه
***************
هذه القصه حصلت على واحد يقاله يدعى معثم
جت على ديرته القحط وشد يدور عن المكان الزين عشان يعيش فيه وهو في الطريق تصادف مع فارس ثاني وماهو من من قبيلة معثم فسأله معثم :
وش وراك وجاوب عليه وقال زوجتي و وبناتي وابلي وكان الفارس الثاني يقاله ابو خلف
وسئل ابو خلف معثم :
وانت وش وراك رد معثم زوجتي ووبنتي وابلي .
وكان معثم ما عنده بنت لكن كان له ولد واسمه عقيل.
واذا دار في بالك ليش معثم ما قال ان عندي ولد أسمه (عقيل) ؟
لأنه خاف على ان ابوخلف ان يكره قربه عشان الولد خوفن على بنته من الولد .
الوكادبعد مده تعارفو على بعض
واتفقو كلهم الاثنين ان ينزلزن بجنب بعضهم وانهم يحمون بعضهم من القوم
او من خيرها من المشاكل الي تحصل في حاك الوقت
وتعاهدو انهم يصيرون كلهم يد وحده وهاذا من عوايد العرب
وراح معثم وعلم زوجته :
وفرضت زوجته بالاقتراح ورضى عقيل ابن معثم
وبعدها ما اتفقو معثم واجاره
راح معثم يم ولده (عقيل)وقاله اسمع ابيك تلبس لبس بنت ولاتهرج اذا زوجة الجار او ابنته مسيرين على امك
إلين ينتهي الربيع.
قال ععقيل ا بشر يابوي وراح
الولد عقيل يتشبه بالبنت يسرح مع بنت جاره بدون ان تلاحض عليه شيء عشان لعفته وحيائه.
.................
ولكن يا اخواني الغالين المخفي والمكتوم ما يبطي
و حصل المعروف الي يرغم البنت عن كشف عنهاوقام الولد وابراز شخصيتهوفيه يوم من الايام غار قوم على الابل واخذو الحلال ولحقهم معثم وابو خلف وما قدرو وعجزو يرجعوا الحلال.
وعندها ما طول الصبروإلا عقيل يركب فرسه وتقول الروايه حسب ما قرئت انه كان من ابرز الفراسان ذاك الوقت.
وقدر الله عليه انه يجيب الابل والغنم لهم .
المهم والعجبه في الموضوع
ان ابو خلف وزوجته اصابتهم الدهشه
ويقولون وشلون انه ولد وانه كان يطلع مع بنتنا . ويسرحون وانها ترفض تنزل معها في الغدير للاستحمام وكانتتعطيها ظهرها لها .
و
وبعد الموقف عرفت البنت عفت وشرف الفارس عقيل.
ويوم وصل عقيل الي بيتهم ومعه الابل وبعض الاسرى انطحته البنت بهذه الابيات
وتقول
هلا هلا باللي سلامه يداوي
ماهو زبون للعلوم الرديه
اشهد شهادة حق ماهو دناوي
ولا شبوح العين للاجنبيه
عقيل من شفته خجول حياوي
من عرفتي ماباق غرة خويه
فوق العبيه مثل فرخ النداوي
ينف خيل القوم نف الرعيه
ويوم سمع عقيل قصيده البنت رد عليها بنفس القافيه
ويقول عقيل ها الابيات .
ياعم والله ماجعلت الغطاوي
ويشهد على ماقلت رب البريه
عن طاري الشكات والا الهقاوي
حلفت لك والله رقيب عليه
عن المشكه يازبون الجلاوي
شاروا علي بشورهم والديه
ويوم خذونا طيبين العزاوي
دون العشاير مانهاب المنيه
وبعدها فهم ابو البنت سبب تخفي عقيل وهي كرامة للجار خشية تنفيره من وجودبنت .
وبعد انتها الربيع شدو كل واحد يم اهله دياره وفارق عقيل عن البنت المزيزنه ولكنه ضل هائما في حبها .
حتى مرض بسبب فرقا البنت
وبعد مده من الشديد ورجع عقيل وابوه يم اهلهم ورجه عقيل يم ديرته ورجع يم خوياه وربعه
وفيه مره من المرات اصيب عقيل بمرض ودرا احد خويا عقيل ويقاله فهيد
ان عقيل مريض
ومن عقبها راح فهيد يدور عن مداوي
لين حصله له مداوي ويقاله عيد
ويوم وصل فهيد والمداوي عيد يم عقيل
ويوم اخذعيد المنشار ليكوي عقيل قال عقيل :
يامحمي المنشار بالنار خله
جروح قلبي حاميات مكاويه
مابي مرض ياعيد لاشك عله
من غير شفي ماطبيب يداويه
ماطيب لو تحمى المخاطر ابمله
انا بلى قلبي على فقد غاليه
الصاحب اللي عنده القلب كله
علمي بدور العافيه قبل اخاويه
واليوم مدري وين حروة محله
فاتن ثلاث سنيين ياعيد نرجيه
وعرف عيد سبب مرضه وتجاهل الامر واصر على ان يكويه حتى يتضح له اكثر .
وبعد الكي قال ستطيب فرد عقيل:
ياعيد لوكويتني مابي اوجاع
ليتك عرفت بعلتي وش بلايه
بلاي غرو طول قرنه يجي باع
ياعيد دعني لا تبيح خفايه
مادام مانت لعلة القلب نفاع
ياعيد مالك بي تحمل خطايه
ياما عذلت القلب ياعيد ماطاع
اطلب وربي مايخيب رجايه
وبعد ما عرف ابوه معثم طلب منه ان يروح معه عشان يخطب البنت
وبعدها تزوج عقيل البنت وجاه من البنت له ولدوسماه عباس وهو معروف اسمه عباس ولقبوه ابو طاسه وصار معروف عنه الشجاعه والبساله .
ويقولون من الابيات الي قالتها البنت يوم فراقهم من الربيع
قالت لها ابيات عن مفارقه عقيل وهي جميله جدا جدا واعجبتني الابيات والله
وتقول
اول نهاري دمع عيني عصيته
وتالي نهاري دمع عيني عصاني
وغارب قعودي من دموعي سقيته
مثل هماليل البرد يوم جاني
على الذي من بد حيه بغيته
وهو الذي من بد حي بغاني
وسبعة مخاطر بالضماير كويته
وسبعين مخطر بالضماير كواني
وانا الذي طي الشويحي طويته
وهو اللي طي البريسم طواني
***********
وفي اخر القصه
اعذروني على الاطاله ولكن حلات السالفه كامله
اخواني في مكشات
ارجو ان قد وفقد في هذا السالفه الجميله والرائعه
والعذر والسموحه يا اخواني اذا حصل اختلاف او تقصير في الروايه
وهاذا حسب جهودي وحسب ما سمعت وقرئت
وانتظرو سالفه اجمل واروع
من محبكم
محمد الظاهري
السلام عليكم ورحمه الله وبركاته
اخواني في مكشات
سالفه اليوم تتحدث عن شرف الاباء والاجداد عن صفا القلب
والسولف عن الباديه جميله
ولكن سالفتنا جميله جدا
ولا اطيل عليكم في الكلام
واترككم مع السالفه
واريد تعليقاتكم في الردود عن السالفه
***************
هذه القصه حصلت على واحد يقاله يدعى معثم
جت على ديرته القحط وشد يدور عن المكان الزين عشان يعيش فيه وهو في الطريق تصادف مع فارس ثاني وماهو من من قبيلة معثم فسأله معثم :
وش وراك وجاوب عليه وقال زوجتي و وبناتي وابلي وكان الفارس الثاني يقاله ابو خلف
وسئل ابو خلف معثم :
وانت وش وراك رد معثم زوجتي ووبنتي وابلي .
وكان معثم ما عنده بنت لكن كان له ولد واسمه عقيل.
واذا دار في بالك ليش معثم ما قال ان عندي ولد أسمه (عقيل) ؟
لأنه خاف على ان ابوخلف ان يكره قربه عشان الولد خوفن على بنته من الولد .
الوكادبعد مده تعارفو على بعض
واتفقو كلهم الاثنين ان ينزلزن بجنب بعضهم وانهم يحمون بعضهم من القوم
او من خيرها من المشاكل الي تحصل في حاك الوقت
وتعاهدو انهم يصيرون كلهم يد وحده وهاذا من عوايد العرب
وراح معثم وعلم زوجته :
وفرضت زوجته بالاقتراح ورضى عقيل ابن معثم
وبعدها ما اتفقو معثم واجاره
راح معثم يم ولده (عقيل)وقاله اسمع ابيك تلبس لبس بنت ولاتهرج اذا زوجة الجار او ابنته مسيرين على امك
إلين ينتهي الربيع.
قال ععقيل ا بشر يابوي وراح
الولد عقيل يتشبه بالبنت يسرح مع بنت جاره بدون ان تلاحض عليه شيء عشان لعفته وحيائه.
.................
ولكن يا اخواني الغالين المخفي والمكتوم ما يبطي
و حصل المعروف الي يرغم البنت عن كشف عنهاوقام الولد وابراز شخصيتهوفيه يوم من الايام غار قوم على الابل واخذو الحلال ولحقهم معثم وابو خلف وما قدرو وعجزو يرجعوا الحلال.
وعندها ما طول الصبروإلا عقيل يركب فرسه وتقول الروايه حسب ما قرئت انه كان من ابرز الفراسان ذاك الوقت.
وقدر الله عليه انه يجيب الابل والغنم لهم .
المهم والعجبه في الموضوع
ان ابو خلف وزوجته اصابتهم الدهشه
ويقولون وشلون انه ولد وانه كان يطلع مع بنتنا . ويسرحون وانها ترفض تنزل معها في الغدير للاستحمام وكانتتعطيها ظهرها لها .
و
وبعد الموقف عرفت البنت عفت وشرف الفارس عقيل.
ويوم وصل عقيل الي بيتهم ومعه الابل وبعض الاسرى انطحته البنت بهذه الابيات
وتقول
هلا هلا باللي سلامه يداوي
ماهو زبون للعلوم الرديه
اشهد شهادة حق ماهو دناوي
ولا شبوح العين للاجنبيه
عقيل من شفته خجول حياوي
من عرفتي ماباق غرة خويه
فوق العبيه مثل فرخ النداوي
ينف خيل القوم نف الرعيه
ويوم سمع عقيل قصيده البنت رد عليها بنفس القافيه
ويقول عقيل ها الابيات .
ياعم والله ماجعلت الغطاوي
ويشهد على ماقلت رب البريه
عن طاري الشكات والا الهقاوي
حلفت لك والله رقيب عليه
عن المشكه يازبون الجلاوي
شاروا علي بشورهم والديه
ويوم خذونا طيبين العزاوي
دون العشاير مانهاب المنيه
وبعدها فهم ابو البنت سبب تخفي عقيل وهي كرامة للجار خشية تنفيره من وجودبنت .
وبعد انتها الربيع شدو كل واحد يم اهله دياره وفارق عقيل عن البنت المزيزنه ولكنه ضل هائما في حبها .
حتى مرض بسبب فرقا البنت
وبعد مده من الشديد ورجع عقيل وابوه يم اهلهم ورجه عقيل يم ديرته ورجع يم خوياه وربعه
وفيه مره من المرات اصيب عقيل بمرض ودرا احد خويا عقيل ويقاله فهيد
ان عقيل مريض
ومن عقبها راح فهيد يدور عن مداوي
لين حصله له مداوي ويقاله عيد
ويوم وصل فهيد والمداوي عيد يم عقيل
ويوم اخذعيد المنشار ليكوي عقيل قال عقيل :
يامحمي المنشار بالنار خله
جروح قلبي حاميات مكاويه
مابي مرض ياعيد لاشك عله
من غير شفي ماطبيب يداويه
ماطيب لو تحمى المخاطر ابمله
انا بلى قلبي على فقد غاليه
الصاحب اللي عنده القلب كله
علمي بدور العافيه قبل اخاويه
واليوم مدري وين حروة محله
فاتن ثلاث سنيين ياعيد نرجيه
وعرف عيد سبب مرضه وتجاهل الامر واصر على ان يكويه حتى يتضح له اكثر .
وبعد الكي قال ستطيب فرد عقيل:
ياعيد لوكويتني مابي اوجاع
ليتك عرفت بعلتي وش بلايه
بلاي غرو طول قرنه يجي باع
ياعيد دعني لا تبيح خفايه
مادام مانت لعلة القلب نفاع
ياعيد مالك بي تحمل خطايه
ياما عذلت القلب ياعيد ماطاع
اطلب وربي مايخيب رجايه
وبعد ما عرف ابوه معثم طلب منه ان يروح معه عشان يخطب البنت
وبعدها تزوج عقيل البنت وجاه من البنت له ولدوسماه عباس وهو معروف اسمه عباس ولقبوه ابو طاسه وصار معروف عنه الشجاعه والبساله .
ويقولون من الابيات الي قالتها البنت يوم فراقهم من الربيع
قالت لها ابيات عن مفارقه عقيل وهي جميله جدا جدا واعجبتني الابيات والله
وتقول
اول نهاري دمع عيني عصيته
وتالي نهاري دمع عيني عصاني
وغارب قعودي من دموعي سقيته
مثل هماليل البرد يوم جاني
على الذي من بد حيه بغيته
وهو الذي من بد حي بغاني
وسبعة مخاطر بالضماير كويته
وسبعين مخطر بالضماير كواني
وانا الذي طي الشويحي طويته
وهو اللي طي البريسم طواني
***********
وفي اخر القصه
اعذروني على الاطاله ولكن حلات السالفه كامله
اخواني في مكشات
ارجو ان قد وفقد في هذا السالفه الجميله والرائعه
والعذر والسموحه يا اخواني اذا حصل اختلاف او تقصير في الروايه
وهاذا حسب جهودي وحسب ما سمعت وقرئت
وانتظرو سالفه اجمل واروع
من محبكم
محمد الظاهري