تكفون افيدوني قبل اقدم على الممشى والسفر .....

[حامل لواء]

بسم الله الرحمن الرحيم
اعزائي اعضاء وزوار منتدى مكشات في البداية مساكم وصبحكم الله بالخير والعز وبعدين تكفون عندي كم استفسار اذا تسمحون ...
استفساري عن ام رقيبه ابي اسالكم عن موقعها بالنسبة لمنطقة المدينة المنورة ومن وين الطريق اللي يؤدي لها وكيف الطريق سريع او لا وابي لاهنتوا كم تبعد بالظبط بالكيلو عن المدينه وهل تستحق السفر والتمشي فيها واعذروني على الاطاله الله لايهينكم

تحياااااتي
حاااااامل اللوااااااء

[ابو الشمقمق]

وعليكم السلام
طبعا اخوي مادام انك جاي من المدينة
طبعا لازم تمر القصيم
وبعد القصيم فيه طريقين لام رقيبة
الاول اما انك تبتل للمجمعة وتدخلها وبعد المجمعة 60 كم للارطاوية وبعدين 50 كم لام الجماجم وبعدين 30 كم تقريبا لام رقيبة
والطريق الثاني اذا طلعت من القصيم من عند ام سدرة تفرق للزلفي ومن الزلفي على الارطاوية الظاهر وبعدين تكمل طريقك لام رقيبة
وانا اؤيد انك تروح مع المجمعة وترجع مع الزلفي على اساس انك تغير الطريق وتمر اكبر قدر من المدن والمحافظات الجميلة

وبالنسبة لام رقيبة فهي بطرف النفود تقريبا
وفيها سوق شعبي ومزادات للابل
وفيها خيام اجار للي يبي يسكن فيها اذا ماكان معه خيمة
وبعض الناس يطق خيمته بالنفود ويتمشي بام رقيبة والاجواء ممتازة جدا جدا الايام هذه
وانا انصحك انك تروح تتمشى وتغير جو وتكتشف اشياء جديدة تزيد من ثقافتك وتفتح لك لم تكن تعرفها من قبل
ويمكن تصير راعي مزاين ونياق وملايين الله يرزقك ان شاء الله

طبعا الطريق كله سريع الى ام رقيبة خاصة وانت جاي من المجمعة

[رستوم حايل]

ماقصر ابو الشمقمق جاب لك كل المعلومات
بالتوفيق

[وارف الظلال]

ابو الشمقمق جابلك المفيد ماشاء الله عليه
بالتوفيق ورحلة سعيدة
ولا تنسانا في التقرير

[حامل لواء]

اشكرك ابو شمقمق والله يوفقك على معلوماتك الوافية ولاقصرت وبعد كلامك بذمتي انك عزمتني على الممشى والله يستر على الجميع





تحيااااااتي
حاااااااااامل اللوااااااااااء

[العتيبي111]

الله يسهل امرك ومن رد ومن يقرأ بعد

[الكرنشاف]

تحياتي وبالتوفق وترجع بالسلامه ولاتنسى تأخذ كاميرتك وتتحفنا بالشيق المفيد .
رحلة تتكلل بكل ماهو نافع ومفيد .....

[ابو الشمقمق]

الله ييسر لكم الرحلة
ولن شاء الله يتهيا لكم الجو الطيب
ويسقيكم الله أمطار الرحمة

[حامل لواء]

الله يوفق الجميع وابشروا باللي يسر خواطركم


تحيااااااتي
حاااامل اللوااااااء

[كشتة خميس]

وهذه إحداثية أم رقيبة
27.10.14 شمال
45.31.45 شرق

يشدني إليها نفود المطاعس
وربنا يسمح دربك ويردك سالم وغانم