المشورة : طبلوه سيارتي بدأ بالتقشير الله لايهنكم

[مهندس2010]

اخواني الاعزاء لاحظت من حوالي شهر بان طبلوه سيارتي التاهو 2005 بدأ بالتقشير رغم ان الطبلوه نظيف جدا . أرجوا النصيحة ماذا افعل :(

[عشق الكتابة]

شي طبيعي ان الطبلون يتقشر إذا كان يتعرض للشمس مباشره يومياً بدون ساتر او مخفف للحراره مثل التظليل

إذا وقفت سيارتك دايمن خلهالأشياء في بالك / حط سيارتك تحت ساتر حتى لو كان صغير واهم شي مقدمة السياره مع الطبلون / لاتوقف السياره ووجهها جهة الشمس اعكس الاتجاه / خل اي قزاره فاتحه شي بسيط لطرد الهواء الحار من السياره / وإذا بالإمكان تظليل السياره بعازل حراري فيكول او ما يشابهه لفاعليته مع طبيعة جونا

وبالنسبه للطبلون حله بسيط //// وانت رايح لمحلات التظليل خذ معك علبة فازلين صغير
إذا التقشير صغير وما لاحظت ان الاسفنج ظهر من تحته يمديك تلحق عليه بطريقه ممتازه جداً لتعيده لنظافته السابقه /// روح لمحلات الزينه والي يظللون السيارات وسأل عن جهاز الهيتر ( جهاز حراري نفس إستشوار الشعر لكن حرارته أعلى بكثير )الي يستخدمونه هل التظليل وقل للعامل يكوي الطبلون وينتبه وأكد عليه مية مره وانت انتبه له بحيث انه ما يحط الهيتر مباشر على الطبلون يبعده شوي ويكوي وهو منتبه لشغله وإذا بعض الشقوق فيها بروز يساويها بيده وهي حاره وقله لا يركز الشغل على مكان واحد وإذا خلص حط بيدك كميه بسيطه من الفازلين وامسح الطبلون كامل وبعدها امسحه بخرقه ناشفه وكرر الشغل مرتين وبعدها لبس الطبلون كم يوم وإذا بغيت تشيل التلبيسه بعدين شيلها براحتك لكن انتبه من حرارة الشمس بعدين على المراتب والديكور بعد

[بواردي الدلم]

فعلا انا سمعت بسالفة الفازلين

وإذا تبي تتأكد ولا يزعلون الأعضاء والإداره رح لمنتدى السيارات فيه موضوع كامل عن سالفتك

كل الأسف للإداره ولكن لتعم الفائده

[مودع الخلان]

عليك بالفازلين من خلال تجربه

[مهندس2010]

والله يا اخوان اسلجتم صدري بهذه الاجابات ولكم مني كل الحب والاحترام ولاعضاء المنتدى الجميل المفيد
وجزاكم الله خيرا . سوف اقوم بعمل ما قلتوه وربنا صلح الحال

[سبتان]

أعطنا علومك بعدين ...