الجهاز وقت الأمطار.. ما له وما عليه.

[abumohammad99]

بسم الله الرحمن الرحيم..


أسعد الله مساءكم بالخير والمسرات..

هذي الأيام ولله الحمد ايام وسم والخير جاي بإذن الله..

السؤال اللي يدور في راسي :D

الجهاز وقت المطر وخاصة البروق وش الحل معه؟

وش يتوجب علي وقتها؟

من نظرتي الخاصة..

ان الاريل يعتبر اعلى نقطة في الأرض اذا كنت في بر والبرق يبحث عن اي مرتفع يفرغ فيه شحتنه العالية..

ما فيه الا الاريل فأتوقع انه بيضرب فيه وبيمتد الى الجهاز..

عاد انت شف كم ألف فولت ووصلت للجهاز وش بيصير فيه :p

لكن من المعروف ان السيارة تحمي بعد الله من البروق والشحنات الموجوده في الأرض..

وش الواجب عمله في ذي الحاله..

1- نطفي الجهاز ونفصل سلك الاريل؟ ونوزي طرف السلك تحت المرتبة لا تلمس رجل اللي راكب ويروح خرخر :D

2- نراسل والحافظ الله :good2:

3_ ننزل الاريل.

ومثل ما تعرفون ازين وقت للمراسل وقت المطر

عطونا نصائح مما في جعبكم.. << جمع جعبة :D

اللهم اغثنا..

[محمد-الرس]

بسم الله الرحمن الرحيم..


أسعد الله مساءكم بالخير والمسرات..

هذي الأيام ولله الحمد ايام وسم والخير جاي بإذن الله..

السؤال اللي يدور في راسي :D

الجهاز وقت المطر وخاصة البروق وش الحل معه؟

خطر خطر جدا وخاصتا زي ماقلت مركب ستيشن
اذا كان الجو مغيم بسحب ركامية وصوت الرعود تدوي
شوي شوي طف جهازك وابعد عنه والأفضل افصل سلك
الأريل عن الجهاز عشان اذا جت صاعقة على الاريل مايصير
الجهاز قطعة حديد مصهور

وش يتوجب علي وقتها؟

انك ما تفكر بالمراسل وقتها الا اذا هجدت الغيوم أو تلاشت
أو كان وقتها ضباب لندن على غفلة .

من نظرتي الخاصة..

ان الاريل يعتبر اعلى نقطة في الأرض اذا كنت في بر والبرق يبحث عن اي مرتفع يفرغ فيه شحتنه العالية..

ما فيه الا الاريل فأتوقع انه بيضرب فيه وبيمتد الى الجهاز..

عاد انت شف كم ألف فولت ووصلت للجهاز وش بيصير فيه :p

لا هي بس 30 الف فولت تقريبا ....احححح
يعني وش رايك أنت بالظبط

لكن من المعروف ان السيارة تحمي بعد الله من البروق والشحنات الموجوده في الأرض..

وش الواجب عمله في ذي الحاله..

ياحليلك ...
قلت السيارة تحمي هااه
السيارة بلا والف بلا اذا جت
صاعقة قوية ممكن يحترق كل اللي بالسيارة
بظرف ثواني .......
لا تحاول ابد المراسل بالسيارة وقت البروق والرعود

1- نطفي الجهاز ونفصل سلك الاريل؟ ونوزي طرف السلك تحت المرتبة لا تلمس رجل اللي راكب ويروح خرخر :D

كلام ذيابة ياذيب

2- نراسل والحافظ الله :good2:

لا لا تراسل اذا كنت بتعيش وتتزوج
وتعيش بقية حياتك

3_ ننزل الاريل.

تخيل تنزل الاريل
ولسعتك صاعقة وقتها
نقول الله يرحمك...انتبه

ومثل ما تعرفون ازين وقت للمراسل وقت المطر

عطونا نصائح مما في جعبكم.. << جمع جعبة :D؟

أزين وقت للمراسل هو بعد المطر عندما يكون الجو نسبة
الرطوبة فيه 200% بهذا الوقت يمديك تراسل 300 كلم بالراحة
أو تابع خرائط الطقس وشوف الحزام السحابي الممتد من مدينتك الى
اي دولة وأبد تصيد مراسلين هناك بندائات محترمة وتعني للدولة اللي
بترسلها صوتك.....ممكن يسمعونك.

اللهم اغثنا..


امين

=-=-=-=-==-=-=-=-=-=-=-=

[abumohammad99]

بيض الله وجهك على الرد الوافي..

يعني من نشوف الجو مخيل ورعود افصل الاريل وانزله..

واذا ركد الجو شبكناه..

عافاك الله وما قصرت ,,

[آخر العنقود]

بالنسبه لي اذا فيه امطار وبروق ورعود فيه حالتين اذا انت في وسط ديره تراسل ما عندك مشكله لكن اذا صرت في بر وخلا لا تراسل وفيه صواعق لأن الصواعق تدور اي شي فيه كهرب وعالي عن الأرض وتخبر وش يصير لو توجهت لأريك والله بيصير فلم هندي ههههههههههههههههه والله يستر على الجميع ....

[abumohammad99]

ابراسل في الديرة وان جاني شي ابتل مع اذانك هههههههههههههههههه

والله مهيب هوينه 20000 فولت في الجهاز..

تهقى وش ابصير اونا والجهاز

فروج مشوي وجنبه صلصة ثوم (:

عافاك الله..

[محمد-الرس]

بالنسبه لي اذا فيه امطار وبروق ورعود فيه حالتين اذا انت في وسط ديره تراسل ما عندك مشكله لكن اذا صرت في بر وخلا لا تراسل وفيه صواعق لأن الصواعق تدور اي شي فيه كهرب وعالي عن الأرض وتخبر وش يصير لو توجهت لأريك والله بيصير فلم هندي ههههههههههههههههه والله يستر على الجميع ....



ايوه ياسلام عليك ..والله التفسير العلمي جبت العيد أنت

يعني الصواعق بس بالبر والخلا أما جوى المدينة مافية صواعق ...
أقول بكل مكان الصواعق والبروق والرعود ...

[محمد-الرس]

ابراسل في الديرة وان جاني شي ابتل مع اذانك هههههههههههههههههه

والله مهيب هوينه 20000 فولت في الجهاز..

تهقى وش ابصير اونا والجهاز

فروج مشوي وجنبه صلصة ثوم (:

عافاك الله..






أقول ترى نفسك غالية عليك فحافظ عليها

[abumohammad99]

أقول ترى نفسك غالية عليك فحافظ عليها

ههههههههه

يمال العافيه

والله يا انا ابراسل وقت المطر. :D

ضاربتن صعقه ولد عمي في بيتهم ما بينه وبينها الا 50 متر واغشى عليه :p

وتبيني اراسل :D

بيض الله وجهك وما قصرت..

[الربذي]

انا داخل ابي اشوف هالجهاز قلت يمكن يعلمك باماكن الامطار وطلع قصدك الايكوم
ولا لا
طيب ياخي الجوال جهاز
التلفزون جهاز
الاجهزه كثيره وهذا يسمى ايكوم عاذرك واحد يقو ل لي جهازي خرب حسبته يقصد الجوال طلع الايكوم
مثل البعض يسمى الصقر طير راح الطير وديت الطير طيب الحمامه طير والعصفور طير

لكنه الاسم يدرج على الالسنة

ماعليش خرجت عن موضوعك الايكوم اشتريته قبل 5سنين وبعته خلال اسبوع اخذه ابي علوم الرجال والنشامى واخبار الامطار وشفت سحابه برقها ماشاء الله مايفصل شغلت الايكوم واسال والقى وغدان وانصاف رجال الي يقول اقطم والي حلقه مبوح الله لايشفيه والوكاد جربته ليلتين ومالقيت رجال وبعته غير متاسف على ناس لقيتهم فيه براس ماله لانه مطلوب
وموفق خير اخوي لكن الحذر الحذر من تشغيله وقت السحب الممطره اعرف واحد احتر معه الاريل بشكل لايوصف تصدق تغير لونه يقول يوم لمسته كوى يدي كاني حاطه بنار وطلع من السحب الممطره والشحنات الكهربائية

[abumohammad99]

انا داخل ابي اشوف هالجهاز قلت يمكن يعلمك باماكن الامطار وطلع قصدك الايكوم
ولا لا
طيب ياخي الجوال جهاز
التلفزون جهاز
الاجهزه كثيره وهذا يسمى ايكوم عاذرك واحد يقو ل لي جهازي خرب حسبته يقصد الجوال طلع الايكوم
مثل البعض يسمى الصقر طير راح الطير وديت الطير طيب الحمامه طير والعصفور طير

لكنه الاسم يدرج على الالسنة

ماعليش خرجت عن موضوعك الايكوم اشتريته قبل 5سنين وبعته خلال اسبوع اخذه ابي علوم الرجال والنشامى واخبار الامطار وشفت سحابه برقها ماشاء الله مايفصل شغلت الايكوم واسال والقى وغدان وانصاف رجال الي يقول اقطم والي حلقه مبوح الله لايشفيه والوكاد جربته ليلتين ومالقيت رجال وبعته غير متاسف على ناس لقيتهم فيه براس ماله لانه مطلوب
وموفق خير اخوي لكن الحذر الحذر من تشغيله وقت السحب الممطره اعرف واحد احتر معه الاريل بشكل لايوصف تصدق تغير لونه يقول يوم لمسته كوى يدي كاني حاطه بنار وطلع من السحب الممطره والشحنات الكهربائية


حقك علي وانا اخوك اللي ما وضحت..

ان تسانك تعرف الجهاز اللي يعلم عن الأمطار عطناه :D

انت صادز الكنود تلقى فيه اشكال والوان

ومن تالي ما تلقى الا مبزرة وسفه..

لكن هذولي غالبا تلقاهم في الديره

اما اذا طلعت في الخلا فالغالب انك بتلقى رجال شرواك اللي راعي طيور واللي مطارد بروق واللي راعي حلال واللي يقنص..

وتاخذ من علومهم وتعطي..

وبعض الأوقات تلقى مكاتب ( قنوات ) فيها شعر وشيلات وقصايد...

على العموم قلو اللي يستخدمون الجهاز بشكل كبير وهذا بسبب الكمبيوترات والنت وغيره..

شرفتنا وآنستنا يا اخوي..

[أبوجهاد التبوكي]

مشكور ياغالي...

[FJ3230]

للرفع لدخولنا الوسم
والله يجيب الخير

[Obu-Nasser]

احد الاخوان صار بجهازه مشكله، والسبب انه كان يمشي بردمية بالصمان جنب الضغط العالي(اعمدة الكهرب) وكان يراسل خويه وعقبها الجهاز فيه مشكله وشوشه حاول يصلحه بس ماصلح معه.

[r_chiquanta]

يا اخوان السلام عليكم ورحمة الله وبركاته ترى موضوعكم موب هين ولا فيه مزح باعطيكم بعض المعلومات العلمية الصحيحة اولا تركب فى شاصى السيارة من تحت سلاسل يكون طولها قبل مستوى الارض بمسافة قليلة جدا ومن الافضل انها تحك بالارض وانت ماشى لكن راح تطلع صوت فخلها اقرب ما يكون للارض وتربط ربط كهربى جيد بالشاصى ويفضل عن الاربع اركان والهدف تفريغ الشحنة للارض لان الكفرات عازلة وبكذا نكون باذن الله حمينا السيارة ومن بداخلها من البرق ثانيا دائما تأكد من انتل الجهاز وسلامة السلك وخاصة الشبكة الخارجية ولا تستخدم القاعدة المغناطيس ابدا لانها عازلة واحسن شىء تستخدم القاعدة المعدنية الى تربط ببراغى لان توصيلها بالارضى جيد الى هو جسم السيارة وهذا المطلوب ثالثا ركب وصلة صغيرة اسمها مانعة صواعق بين الجهاز والانتل وللاسف ما يعرفونها المحلات عندنا وممكن تشتريها من النت وتربط سلك ارضى خاص بجرم الجهاز وبحديد السيارة وبكذا تستخدم الجهاز بالعواصف والحامى الله سبحانه والمعلومة الاخيرة البرق يصل الى ملايين الفولتات وليس الارقام الى ذكرت بالموضوع وسلامة الجميع

[تساهيل1]

يا اخوان السلام عليكم ورحمة الله وبركاته ترى موضوعكم موب هين ولا فيه مزح باعطيكم بعض المعلومات العلمية الصحيحة اولا تركب فى شاصى السيارة من تحت سلاسل يكون طولها قبل مستوى الارض بمسافة قليلة جدا ومن الافضل انها تحك بالارض وانت ماشى لكن راح تطلع صوت فخلها اقرب ما يكون للارض وتربط ربط كهربى جيد بالشاصى ويفضل عن الاربع اركان والهدف تفريغ الشحنة للارض لان الكفرات عازلة وبكذا نكون باذن الله حمينا السيارة ومن بداخلها من البرق ثانيا دائما تأكد من انتل الجهاز وسلامة السلك وخاصة الشبكة الخارجية ولا تستخدم القاعدة المغناطيس ابدا لانها عازلة واحسن شىء تستخدم القاعدة المعدنية الى تربط ببراغى لان توصيلها بالارضى جيد الى هو جسم السيارة وهذا المطلوب ثالثا ركب وصلة صغيرة اسمها مانعة صواعق بين الجهاز والانتل وللاسف ما يعرفونها المحلات عندنا وممكن تشتريها من النت وتربط سلك ارضى خاص بجرم الجهاز وبحديد السيارة وبكذا تستخدم الجهاز بالعواصف والحامى الله سبحانه والمعلومة الاخيرة البرق يصل الى ملايين الفولتات وليس الارقام الى ذكرت بالموضوع وسلامة الجميع






اخوي تأكد من معلوماتك حول القاعده الجانبيه

تراها معزوله زيها زي المغناطيس ﻻن البراغي ماتخترق البويه والمعجون اﻻساس
ﻻن تحتها شريحة حديد تجي مع القاعده تضغط عليها البراغي وﻻ توصل لهيكل السياره المعدني
وحتى مع عدم وجود الشريحه البراغي ماتخترق الى الحديد تبقى فوق البويه والمعجون

يعني ﻻزم تخرق بدريل وتوصل سلك للتأريض


وشكرا

[r_chiquanta]

كلامك صحيح اخى الكريم لكن تظل افضل من المغناطيس لانها قريبة جدا من المعدن ولا تنسى ان السلاسل ما تلمس الارض لاكنها تكون اقرب ما يكون لتفريغ اى شحنات وهذا هو الهدف والافضل من كل ذا انك تخرم السقف وتركب تركيب مباشر وثابت لضمان التوصيل الجيد والله الحافظ