امير الرحلة ؟موضوع مهم لكل من يريدالرحلة

[طفران بس بطران]

سلامو عليكم ماهي الصفات التي تريد ان تكون في امير الرحلة ؟
هل اختيار الامير لسلطتة وقوتة؟
هل وجود الامير مهم للرحلة ؟
ماهي صفات الامير المتفق علاها عند كل الرياجيل؟
هل يحق لامير اهانت من تحت مسوليتة؟
هل يحق للامير فعل المخل بالامارة ؟
هل قد صرت امير سابقا في رحلة ولماذا...؟
اسلة لموضوعي وضعتها للنقاش

[ملقاط بن جمر]

وجود الأمير طيب في الرحلة ..

شوره مهم ورأيه مطاع في الغالب ..

أهم شيء يكونون إعضاء الرحلة متفاهمين مع بعض ..

حنا بالغالب إذا اختلفت الأراء عندنا نرجع لأكبر واحد فينا سن .. واللي يقوله نرضى فيه ونفوسنا مافيه شيء ..

[طفران بس بطران]

اذا كان كبير السن لايفهم في الرحلة شي مالاجراء الذي تتخذونة

[ملقاط بن جمر]

اذا كان كبير السن لايفهم في الرحلة شي مالاجراء الذي تتخذونة


نخليه في البيت ما يجي معنا :D

وش يبي للرحلة ؟؟

توزيع مهام .. الأغراض والخيمة والعزبة

وأهم شيء في الرحلة من وجهة نظري اختيار المكان ..

وإذا كان كبير السن ما عنده هاك الخلفية مثل ما تفضلت وقلت ..

النظرة تدور حول أكثر واحد خبرة حتى لو كان اصغر واحد ..

القصد تتبع السنة في تأمير الأمير والإ الأمور بسيطة إن شاء الله .

[طفران بس بطران]

علاك ردود مشاء الله علاك
لكني برميك ابسوال هل له الحق في سبك ويخليك تسوي شي غلط يعني اقول سوا القهوة في ابريق!!!!!!!!!

[طفران بس بطران]

الموضوع للنقاش يفيد اهل الكشتات والقنص

[ملقاط بن جمر]

علاك ردود مشاء الله علاك
لكني برميك ابسوال هل له الحق في سبك ويخليك تسوي شي غلط يعني اقول سوا القهوة في ابريق!!!!!!!!!


لا والله ماله حق ..

وقبل كل شيء الأمير أمير بأخلاقه ..

والأمير كان بيسب والا علمه ماهوب غانم ..

بطلع لحالي وأعز نفسي ..

أما طلعة مع واحد مثل هذا ماهيب طلعة ولا وناسة إلا عقوبة ..

[طفران بس بطران]

طيب ماهي الصفات التي اتفق علاها المكشاتيون ان تكون في الامير؟

[سبتان]

السنة أن يكون لكل رحلة أمير ...
أما بقية الأمور . فليس له سلطة إلا بالمعروف .. وإذا كان الغرض من أمارته أن يأمر وينهى البقية وهو جالس فقد تكون الكشتة قد خرجت إلى أوامر ونواهي وراحت سعة الصدر التي من أجلها طلعوا للبر .. ولكن التعاون بين الجميع هو عين الصواب ، وما وضع الأمير إلا لتطبيق السنة قبل كل شيء ، وثانياً أن يكون الأمير صبور ومرح وخلقه حسن ويكون عالم بالمواقع حتى إذا أمر يطاع .

[طفران بس بطران]

صح علاك يابعدي

[كثير السؤال]

الامير

اهم شي يكون خلوق ومواضع وعادل ومن هالصفات اللي ندرسه من يوم حنا بزران بالروضه

[طفران بس بطران]

جزاكم الله خار على ردودكم النيرة

[راصد بيئي]

والله ياطفران من ناحيتي مع أخوياي نادرا نحط أمير بيننا

لأننا متفاهمين والكل يشتغل ويكرف

وحتى بالسفر مافيه امير وانا صراحه سالفة الأمير مادخلت راسي ابدا

كل واحد أمير نفسه صراحه

معليش تخيل مثلا أنك كاشت مع 5 رجاجيل وانت عمرك مثلا 20 سنه وانت ابخص واحد في البران فيهم ومعكم واحد عمره 55 ومعه رتبه لواء هل تعتقد انها زينه ان ذا الولد يتأمر على ذا اللواء؟

وغير كذا يكون فيها حزازيات كثير
هذا في الكشتات والسفر
ومو شرط ان يكون حامل القطه هو الأمير
خلاص كل واحد يستلم شغله بالإتفاق بينهم مثلا واحد عليه تضبيط الجلسات واثنين عليهم الطبخ وواحد القهوه والشاهي وكذا

اما المقناص لابد من امير له
لأنه تكثر فيه الفسلفه الزايده ولازم واحد فاهم وشخصيته قوية
وسلامتك

[طفران بس بطران]

طيب وصية النبي صلى الله عليه وسلم

[مطنوخ قطر]

طفران..الامير اللي يامر وينهى ويخربط قطه في الضو وماجاك عندي

[منخفض عميق]

جزاك الله خير أخوي على ذا الموضوع...

[طفران بس بطران]

امين وياك يالاخو

[alwssam6]

لسنة أن يكون لكل رحلة أمير

[طفران بس بطران]

رفعععععععععععع

[طير بيروت]

الامير بالرحله ان يكون حليم عليم عاقل يحترم اخوياه يشاورهم يذكرهم بالصلاه ليس به كبر لين الجانب