استفسار يا اخوان بخصوص GXR????

[dr_mal7os]

السلام عليكم
انا ودي اشتري واحد موديل 2006-2007 وسمعت ان انواع واحد واثنين وثلاثة وش الفرق بينها هذا اولا .
ثانيا كم تكون حدود اسعارها النظيفة مثلا .
ثالثا هل هي اقتصادية وبالسفر الطويل كيف تكون مريحة مقارنة بالامريكي يوكن والجمس ام لا لان خويكم راعي سفر واخيرا كيف استخدامة في المدن يعني يصلح مدينة وكرف ولا للمشاوير الكبيرة فقط وشكرا

[KhALeD A]

طبعاً بالنسبه للانواع
الاول يجي عادي
الثاني بفتحة سقف
الثاللث فتحة سقف وداف لوك وونش طبعا هذي الفروقات الجوهريه

بالنسبه للاسعار مابين 120 - 130 تزود تنقص حسب النظافة

اخر شئ بالنسبه للراحه ورغمني احب التويوتا واستعمله حالياً الا انه بالراحه وبالمسافات الطويله مافيه وجه مقارنه بينه وبين اليوكن والامريكي

لكن داخل المدن اخف من الامريكي بكثير

[تناساني]

ما ادري وش الفرق بالضبط لكن مثل ما قال اخوي KhALeD A فتحه و غيرها

والـ GXR يكون فيه 6 سلندر و فيه 8 سلندر.

بس نصيحه اشتر الجيب افضل من الأمريكي سعره ما يطيح كثير وشيك بمخباتك و شرايينه كثير
ولا يزعجك يقول يبي الشركه ويبي صيانه مثل الأمريكي.
اتكل على الله واشتره.

داخل المدينه معروفه اي سياره كبيره من جيب و جمس وغيرها ما تصلح.
لان الجيب وغيرها للعائله يعني سفريات.

لكن الأهم يكون خليجي ( بريمي )
انحش عن السعودي تلفيق جميل الي كله اكسسورات و صينيه بعد.

الله يرزقك بالسياره الي تناسبك

[dr_mal7os]

بس ياخوان واشلون اعرف البريمي من السعودي وش العلامات الفارقة الي مستحيل تتزور وتتلفق من قبل الشريطية وشكرا

[تناساني]

ابحث في قوقل:
الفرق بين الجيب السعودي والبريمي بالصور

ويطلع لك مواضع كثيره بالصور.

[بنز560]

نصيحه اذا 6 سلندر احرص على القير العادي تراه اخف وانشط

[ابواحمد11]

السلااااااااام عليكم اخوى والله انصحك فى السعودى لى انه يمسك سعره فى البيع اكثر
او من ناحيه الصيانه ما يتعبك فى كل مكان موجوده
ونا عندى GX-R 2006 سعودى
او ماسك سعره الى الان 120 جايبلى قبل العيد

[ابوراااكان]

اخوي خذ الجي اكس ار وانت مرتاح لو ماعجبك نزله المعارض وبيجيب راس ماله ومربح فوقه بس اهم شي مايكون فيه سمكره ولا رشه

اليوكن والسيارات الثانيه بتخسرك من 3000 الي 5000 يعني بتاخذه تكون مقتنع وعاجبك بالحيل فيه

جرب الجي اكس ار نصيحه اوووووول