فلتر الهواء .. ودخله ماء..

[abumohammad99]

السلام عليكم جميعا..

مساكم الله بالخير والسرور..


مالكم بالطويله

اليوم غسل الوالد فلتر الهواء وركبه على طول يقول يبي يمديه ينشف مع هالشموس..

المهم جيت شغلت الموتر وهو اللي يتفتف ويطفي على طول..

ادق ثانيه ماش يبي يشتغل ويهون

ادور سير منقطع والا شي ما لقيت..

اشغل ثالثه والدعوى نفسها ما يشتغل يدق السلف بس..

فتحت قربة الفلتر والاه يركخ :D

طلعته ورحت وصليت ورجعت - بموتر ثاني :p -

قال الوالد اني ركبته ومشيت يجي متر ووقفت واموره مضبوطه ما نخول معي..

فكيت الرقبه الى حديدة المكينه وخرت علي مياه..

فكيتها ونظفتها والقرب الصغيره اللي على الجنب.

ونظفت الحديده اللي فوق المكينه بفوطه دخلتها فيه.. فيها من الكربون قومتن وقعده :D

شفت الزيت الاه الحمد لله ما فيه ماء ( حطيت قطرة من الزيت في ماء ولا تفرقت ) :)

الحين القطع ابشفها يوم يومين ونركبها..

السيارة

جي اكس ار 2004 ديزل :D

السؤال الله لا يهينكم .

هل اللي سويته يكفي وامورنا تمام.؟
والا فيه اشياء اضافيه نزينها.؟

شاكرلكم ومقدر..

[بدوي جنوبي]

عليكم السلام
اقترح عليك
شيل الفلتر وخل القربه مفتوحه (شرط يكون المكان نظيف مافي غبار)
وشغل المحرك لفترة من الوقت
عشان الماء اللى دخل للبساتم ينشف مع الاحتراق وايضا البلوف

[abumohammad99]

الله لا يهينك على سرعة الرد..

انا الحين شايل الرقبه حقت القربة كاملة مع غطاء القربة يعني الى الحديده..

اشغل الموتر الحين والا اصبر عليه يوم يومين لأن ماله حاجه..؟

[بدوي جنوبي]

لو انه بواجى كان تفك البواجى وينشف راس البستم
http://img214.imageshack.us/img214/4473/fourstrokeengine.gif
لكن ديزل
اتركه حتى بكره بعدها شغل وان شاء الله مع الاحتراق الداخلى ينشف الماء

[abumohammad99]

بيض الله وجهك..

اتعبناك معنا..

[بدوي جنوبي]

مافي تعب يبو محمد
نخدمك طال عمرك

شوف صورة المحرك هذا نفس محرك سيارتكم ؟
http://www.mekshat.com/pix/upload/images5/mk439_100_Series_turbodiesel_10sml.jpg

[abumohammad99]

لا يختلف عنه..

لكن اليوم شغلناه بدون ما نركب الفلتر ولا الرقبه وعيا يشتغل..

المهم ركبت الرقبه وفلتر جديد..

واشغل ويلكلك ويعي يشتغل وادق مره مرتين ثلاث..

ويشتغل ويتفتف تقول بيطفي وادعس الابنص شوي ويدخن واشتغل مضبوط يوم قعد له شوي ويتفتف تفتفه خفيفه وتروح..

خليته الين حمى وخذت به لفه ودعست عليه واشوا سلك مضبوط..

الوضع تمام او فيه شي يبي من يزينه الله لا يهينك..

لأني اشوفه رجع طبيعي ان شاء الله..

وعما قريب ابغير سيفون الديزل.