فزعتكم يالنشاما

[فارس الشمال33]

بســم الله الرحمن الرحيم

أخواني أعضاء المنتدى الكرام

السلام عليكم ورحمة الله وبركاته

عندي جيب vxr93 خليجي تماتيك فيه رجه بعد سرعة 80 قويه مره تنفض السياره

اذا دعست خفيف زادات واذا تركت الدعسه اختفت

سألت مهندس في صناعية تبوك قال احتمال بروانه (طنجرة القير ) رايحه

طبعا تكلف 1900 ريال تكفون يالنشاما احد مرت عليه هالمشكله

اوعنده خبره بالموضوع يفيدني

دمتم في صحه وعافيه وكل عام وانتم بخير

[بترووول]

تاكد من الاذرعه قبل لاتسؤي شي

[فارس الشمال33]

شاكر ومقدر نصيحتك اخي باترول

الرجه تقول انك ماشي على مطبات صناعيه تظهرد مع الدعسه الخفيفه واذا دعست بقوه

تختفي نهائيا

[بترووول]

هاذي نفس مشكله صارت لي
اخر شي كبست الاذرعه وضبطت جرب وش خسران

[النتاوي]

والله يا الغالي .. تأكد من عامود الدوران لأن في الغالب هو اللي يسبب هذه الرجة بعد 80

لأسباب منها :

1. أن يكون قد تعرض لضربه ..
2. الدعس الجامد عند تقويمة السيارة (التقويمة السريعة للسيارة )..

لكن قبل توي شيء أفعل التالي :

1. رصص الكفرات ترصيص أرضي مع التأكد أن الجنوط سليمه .
2. شيك على الأذرعة والجوزيات ومسمار التوازن (وإن كان ليس لها علاقة مباشرة بالرجة) .
3. هل يوجد فضاوة في الصليب أو من جهة الجرابوكس .


ــــــــــــــــــــــــــــــــــــــــــــــــــ ـــــــــــــــــــــــــــــــــ

طبعًا أذكر لك ذلك لأنني أعاني من نفس المشكلة لكن سيارتي فورد .

[فارس الشمال33]

يعطيك العافيه اخوي النتاوي ماقصرت

بنفحص ونشوف

[K.S.A.A]

لو الطنجره فيها شي يبين بالسيارة وهي واقفه تشتغل عادي تحصل الموتر كله يرج ( ينتفض )..
شيك على الذرعه أو الجنوط أو الكفرات
وانا أن شاء الله متأكد 100 % أنها مو من الطنجره .