جديد تو دمه يقطر اقربوووو .............. حله ( احب الحيا ) ..... الحل (بطاقة الاحوال)

[فالح القحطاني]

,,

,


السلام عليكم ورحمة الله وبركاته

الله يمسيكم بالخير

لغز من نظمي واتمنى انه يروق لكم

ياويش بنت ياعرب في كنف عود = ماهيب لابنته ولاهيب زيه
بنت لها بين العرب عمر محدود = ولباسها دايم تجي داخليه
بنت قبل تولد لميلادها شهود = يشهد لها ثنتين كنهن هيه
في بيتها تامر وغيره بلا فود = ياسامعين اللغز ويش البنيه ..؟

[ناصر العلي]

وعليكم السلام ورحمة الله وبركاته
وصح لسانك أخي فالح
وماشاءالله على هالنظم
رمعة على الطاير
ويش قولك بـ
اللمبة

[فالح القحطاني]

,,

,


مرحبا بك

واللمبه
غير صحيح

[ناصر العلي]

ويش قولك بـ
بطارية الجوال

[فهد الهلالي]

صح السانك ياخوي فلاح والله يعطيك العافيه
ابيات روعه ولغز كايف
محاوله
شريحة الجوال الجديه والارقام السريه الرقم القصير والرقم الطويل
او بطاقة الشحن
تحياتي

[ابو اسامه 2]

صح لسانك

لغز رااااااااااااااائع

وش رايك في

البطاريه

تحياتي لك

[ناصر العلي]

إن ماصادت الرمعات السابقة
ويش قولك بـ
رسالة الجوال
http://www.alriyadh.com/2009/09/12/img/615897280378.jpg

[فالح القحطاني]

,,

,

مرحبا بكم جميع

ومازال اللغز طليق

[عبود السهلي]

صح لسانك اخوي
والله يعطيك العافيه
على اللغز الجميل
وشريك في
الفتيله حقت السراج او التريك

[حكم ساحة]

نجمة الصبح والعود القمر

[_دربيل_999]

صح لسانك اخوي فالح..
لغز قمة في الروعة..بارك الله فيك..

الرمعة..(الشريحة)..

اجمل تحية..

الروقي

[فالح القحطاني]

,,

,

صحت ابدانكم جميع

وشاكر لكم حضوركم وتفاعلكم

مازال اللغز طليق

[ابوعبدالعزيز6]

عليكم السلام ورحمة الله وبركاته
حياك الله وصح لسانك
بداية مشرقة بلغز رائع كصاحبه
نقول
الصورة الشمسية في دفتر العائله وتكون معها صورتين

[فالح القحطاني]

,,

,

ابو عبدالعزيز

محاوله جيده

لكن مازال اللغز طليق يابعدي

[هاوي المرقاب]

السلام عليكم ..
الله يصبحك ويمسيك بكل خير ومسرات اخوي فالح وجميع الإخوان
وصح لسانك على الجزل..

لعلها ورقة او بطاقة التأمين وشهودها الرخصة والاستمارة !

وعساك عالقوة ..

[فالح القحطاني]

,,

,

صح بدنك ياهاوي

ومرحبا بك الف

مالك لوا


وبإنتظار عودتك

[احب الحيا]

سلام عليكم
صح لسانك وافي
انكان مناب واهم بطاقة الاحوال

[فالح القحطاني]

لا مانت بواهم

وبيض الله وجهك اصبتها في مقتل