مرينا حراج ابن قاسم بالرياض

[بليزر616]

السلام عليكم ورحمة الله وبركاتة

اليوم رحنا نتمشا انا والشباب في حراج ابن قاسم جنوب الرياض

وبصراحة شفت حاجات كثيرة مكشاتية وفي اسعار رمزية مثل الدوافير والدلال والبرقان

واللمبات واشياء كثيرة بس لفت انتباهي ماطور ابو جمل بستمين مليان السوق منه وبسعر 100 ريال

وش يطلع ماطور ابو جمل اللي بالحراج احد مجربة

انا عندي حق السنيدي والله العالم اني اخذتة ب345 ريال منهم الفرق ماهو بسيط

ننتظر ارائكم ونصايحكم

[محلات الكشاتة]

الي موجود بالحراج هو أبو كرتون أزرق بستمين

وهو ممتاز أرجو أني قد أفتك

[بليزر616]

جزاك الله خير اخوي والف شكر على تجاوبك

[ابورايف]

اخوي كم سعر الماطور
وتقبل مروري

[صوت الرعد1]

موفقين خير ان شاء الله

[فيصل التميمي]

الحراج تلقاء فيه الزين والشين لكن العيب الوحيد ماتدري هو يشتغل او مايشتغل

واحد من الشباب اشترى له تلفزيون من الحراج وصار التلفزيون ضارب
اشتر الشيخ الواضح

[الغاااااطي]

الي موجود بالحراج هو أبو كرتون أزرق بستمين




وهو ممتاز أرجو أني قد أفتك



نرجع لأصل الكلمة

إفاته أو
إفادة

[الغاااااطي]

أنا شريت أبو جمل من السنيدي
ب250 ريال قبل 4 أيام
والصراحة ما أعجبني لأنه ضعيف
وكنت متخوف من ماطور السنيدي سعره300 لأنه توه نازل بالسوق

[بليزر616]

اللي بالحراج كرتونة ازرق جديد والحراج مليان منه جديد وشغال ماهو واحد او اثنين

وسعرة 100 ريال

[راعي القطما]

مشكلة الحراج فيه الصالح والطالح

[WWS]

اللي بالحراج كرتونة ازرق جديد والحراج مليان منه جديد وشغال ماهو واحد او اثنين



وسعرة 100 ريال



هـــــــلآ ؤ غـــــــلآ أخوي بليزر616
أخبارك طيب إن شاء الله
أخوي الله يطول بعمرك ممكن توصف وين مكان بيعه بالضبط في الحراج
و الله يوفقك لما يحب و يرضى

[بواردي الدلم]

الحراج فيه مستعمل وجديد

والجديد عمره مديد وماهوب غالي

لكن الناس تصورها ان اي شيء في الحراج قديم أو رديء

[راع العوجاء]

ياليتك مصور شكلة علشان الشباب يفيدونك صح


تقبل مروري

ابو سعد

[صقر نجد99]

نرجع لأصل الكلمة

إفاته أو
إفادة

يالغاطي الله يجزاك خير لا دقق بالحيل مدام الامور تمشي مشها

( افادة )

[oneizi]

سلام عليكم شباب
ممكن احداثيات الحراج اذا ما عليكم امر وسلامتكم.

[النتاوي]

ليتك تضع لنا تقرير مصور ..

عن عدد الكشتات الموجوده فيه ..

لأن اللي مثل حالاتي .. خارج الرياض

يقدر يحدد هل يروح لمه أم يقعد محله أزين ..

ولك التحية ..

[abu_ahmad_241]

أخي و إخوانى الكرام

هل هذا هو الاصلى لانى وجده فى احد الهايبرات وسعرة 200 ريال

http://www.mekshat.com/pix/upload04/images187/mk67378_11112010009.jpg

[محلات الكشاتة]

الماطور متوفر لدىمحلات الكشاتة وبنفس السعر

[ابو وافي 444]

نرجع لأصل الكلمة

إفاته أو
إفادة

:good2:


يالغاطي الله يجزاك خير لا دقق بالحيل مدام الامور تمشي مشها

( افادة )

لا تدقق وليست لا دقق يا رعاك الله :D
ارجو ان تتقبل التصحيح بروح رياضيه :D

[MjNo0oN]

الي ينشد عن الحراج و مكانه

تعال من الدايري الجنوبي (اذا انتهاء بك الدايري جيك ثلاث مخارج امسك الاوسط) ويطلعك على الدايري الشرقي ثاني مخرج ادخل معه وديور شفه على يمناك و تلقى لفة على يمينك داااايم فيها زحمه ادخل معها ودور لك ملبق وانزل وتفرج وخذ الي يعجبك

وفيه وصف ثاني وانت جاي مع طريق الملك فهد ووجهتك جنوب ((تجيك ثلاث مخارج على نهاية الطريق امسك الايسر منها)) ويطلك على الدايري الشرقي وثاني مخرج ديور ويجيك على يمناك

وتقدر تجيه من الدايري الشرقي لاكن ما اعرف له مضبوط ولا اعرف اسم المخرج ((للمعلوميه المخرج نفسه يطلعك على شارع البطحا من يم مقبرة العود))

واتمنا يكون وصفي مضبوط للأعضاء

[بليزر616]

هـــــــلآ ؤ غـــــــلآ أخوي بليزر616
أخبارك طيب إن شاء الله
أخوي الله يطول بعمرك ممكن توصف وين مكان بيعه بالضبط في الحراج
و الله يوفقك لما يحب و يرضى[/CENTER]

اللهم امين وجزاك الله خير على الدعوة الطيبة اسئل الله لك المثل وزيادة

هلا بك اكثر

تجي للمباسط اللي بالارض هذي في وسط الحراج وفية من جهتة الشمالية قبل الجه اللي بها الاجهزة مابينهم الا شارع تلاقي مباسط العدد والسكاكين وادوات كثيرة من ضمنها عفاريت وكل مايخص السيارت تلاقيه بين العدد الموجودة

اتمنا لك التوفيق حبيب قلبي في كل شي وان يكتب الله لك السعادة في الدنيا والاخرة

[بليزر616]

الماطور متوفر لدىمحلات الكشاتة وبنفس السعر



الله يجزاك اخوي على توضيحك وتعاونك المستمر

الف الف شكر طال عمرك

[WWS]

هــــــــــــلآ ؤ غـــــــــلآ بأخواني
أخباركم طيبن إن شاء الله
بخصوص الماطور حصلته عند عروق الشمال ببريده بـ125 ريال
نفس اللي في الصوره المرفقه من مشاركه أخوي العضو abu_ahmad_241 في رده بالأعلى


http://www.mekshat.com/pix/upload04/images187/mk67378_11112010009.jpg

مكتوب عليه أبو جمل ومليون بالمئه إنوه تقليد على سنع حسب إفاده محلات الكشاته بإنه ممتاز
و الله يوفقكم لما يحب و يرضى
هذا و الله أعلم

[مطردالأمطار]

:good2:



لا تدقق وليست لا دقق يا رعاك الله :D
ارجو ان تتقبل التصحيح بروح رياضيه :D


كيف الحال يا سيبويه ... لاتقولي غلط ادري ان الاصل منه (( ابن حلسه))...:D:D

[سلطان تميم]

اخوي الي في حراج بنقاسم صينيه اعرف واحد يجيبها من الصين فيها الطيب وفيها الردي بس عليك بتجربه قبل الشراء لان مايوجد لها قطع غيار . وانا شريت من خويي واحد وجربته صراحه ممتاز وقوي يكفيك انه ب100 ريال ماعليه حسوفه لو خرب

[oneizi]

الي ينشد عن الحراج و مكانه

تعال من الدايري الجنوبي (اذا انتهاء بك الدايري جيك ثلاث مخارج امسك الاوسط) ويطلعك على الدايري الشرقي ثاني مخرج ادخل معه وديور شفه على يمناك و تلقى لفة على يمينك داااايم فيها زحمه ادخل معها ودور لك ملبق وانزل وتفرج وخذ الي يعجبك

وفيه وصف ثاني وانت جاي مع طريق الملك فهد ووجهتك جنوب ((تجيك ثلاث مخارج على نهاية الطريق امسك الايسر منها)) ويطلك على الدايري الشرقي وثاني مخرج ديور ويجيك على يمناك

وتقدر تجيه من الدايري الشرقي لاكن ما اعرف له مضبوط ولا اعرف اسم المخرج ((للمعلوميه المخرج نفسه يطلعك على شارع البطحا من يم مقبرة العود))

واتمنا يكون وصفي مضبوط للأعضاء

سلام عليكم شباب
الله يعافيك انا جاي من الجبيل الصناعيه وماادل في الرياض زين ويكون افضل ان تحط احداثيات الحراج اذا ما عليكم امر وسلامتكم.

[كهلان]

الاحداثيه لموقع حراج بن قاسم
N 24 35 742
E 046 44 131

[abu_ahmad_241]

هــــــــــــلآ ؤ غـــــــــلآ بأخواني

أخباركم طيبن إن شاء الله
بخصوص الماطور حصلته عند عروق الشمال ببريده بـ125 ريال
نفس اللي في الصوره المرفقه من مشاركه أخوي العضو abu_ahmad_241 في رده بالأعلى


http://www.mekshat.com/pix/upload04/images187/mk67378_11112010009.jpg


مكتوب عليه أبو جمل ومليون بالمئه إنوه تقليد على سنع حسب إفاده محلات الكشاته بإنه ممتاز
و الله يوفقكم لما يحب و يرضى

هذا و الله أعلم

مشكووووووووووووووووووور اخوى العزيز والشكر موصووووول للجميع على هذا التوضيح

[عاشق الجمس78]

يعطيك العافيه

[الطرشي]

هل الماطور خاص بالهواء فقط ولا فيه محول كهرباء ؟؟
ياليت احد يفيدني

[big boss]

هل الماطور خاص بالهواء فقط ولا فيه محول كهرباء ؟؟
ياليت احد يفيدني

لا الماطور هذا بس للهواء

[Mr.Patrol]

الماطور متوفر لدىمحلات الكشاتة وبنفس السعر


تقصد 100 ولا 200؟ :confused:

:r:D

[مرميد]

هلا وغلا بالجميع

وعيدكم مبارك

وكل عام وانتم بخير


يا جماعه

الرجال يقول ماطور او بستمين


وليس بستم واحد

او بمعنى اصح جامبو اسمه


انا شريته من جده

من سوق كيلو2

ب200 ريال

الماطور كبير وثقيل

وليس الي طلعه الاخ المبدع


شكله يختلف شوي عن الي بالصوره

اعتقد زي الي كتبو عنه الشباب

http://mekshat.com/vb/showthread.php?t=353837

الي انا شريت

اسمه جامبو اعتقد

وفي كرتونه من شريته

من عيد الفطر المبارك

حتى الحين ما جربته

ولا فتحته

والله لا يحدنا عليه

[raed]

مسيكم بالخير

اذا كان ابو جبل بحدود 300 طيب ان شا الله الطيب حق الرمايه و موجود بشارع الريل بحدود 900 بس الواضح من شكله للسيارات الكبيره واكثر من رايع
شكر لكم

[عبدالمحسن 1]

يا حبي لحراج ابن قاسم
لي ضاق صدري رحت تمشيت فيه ..
كل شي فيه ..

[WRWRWR]

موفقين خير ان شاء الله

[هاوي الشمال11]

اخوي انا اخذت واحد مثله ممتاز جدا لاكن جربة قبل لاتشتري وتاكد انه يطلع هواء
لان بعضها يشتغل لاكن من غير مايطلع هواء

[اجياد]

ترى الحراج ما هوب شين وكل ما فيه خربان
عنده أشياء زينة وخاصة الجديد منه

[سكة سد]

اسعد الله مساءكم
الحراج لمن يبحث جيداً قد يجد نوادر وفرص لا تعوض
دمتم سالمين

[سما الهاوي]

الحراج زين ورخيص للجديد فقط!!!
بالنسبة للماطور اللي في الصورة اشتراه واحد اعرفه من جدة نفس اللي في الصورة بس فيه عيب واحد ان الغطا اللي على السلندرين بلاستيك مهوب حديد او المنيوم ومعروف ان الماطور اذا جيت تعبي الهواء يحتر مع الحديد ماعندك اي مشكلة بس البلاستيك ماني قايل من اول مرة مع الاستعمال المتعدد رح ينكسر او يتوسع الغطاء وينسم الهواء وبكذا ماراح ينفخ لك جيد .

وتقبلوا مروري

[دحيــ سديرـــم]

والله ياخوك انا شاريه 150
طبعن ابو جمل بس تجاري وابشرك شغال إلى ساعك ولا احلا منه استخدمته كثييييييييييييييييييييير

[دل البحار]

انا معاي ماطور ابو بستمين شاريه من جده بحدود 120 على ما اضن للكن ينفخ الفرات الاربع في اقل من 10 دقايق اسرع من حق البشر ما شاء الله

[الخادم]

هل هو يوجد الى الان بالحراج

[اصيل نجد]

مبروك عليك هالشريه مشاء الله