افيدوني اثابكم الله,,

[راعي طرفه]

اولاً السلام عليكم ورحمه الله وبركااته وعيدكم مبارك قبل الزحمه
المهم عندي جرو عمره حوالي خمسه شهور الى سته بس المشكله
انه اذا فكيته على الجربووع يصيده وياكله قنصت به البارح والله ثمانيه
الي اكلها وبعدين الجرو الايام هاذي جاي عقور مدري وش سالفته احيانن
يقرط فيني انا وحيان يخاف مني وش الحل الله لايهينكم

[راصد بيئي]

وعليكم السلام ورحمه الله

أخوي راعي طرفه

بالنسبه للجرو الي ياكل الجربوع أول شيئ انت لازم تعطيه اكل مطبوخ موب نيئ عشان مايتعود على النيئ ويصير ياكل صيدته

ثاني شيئ اذا صاد الجربوع ويرفض يجيبه لك حاول انك تمسكه وتسحب الجربوع منه واضربه ضرب تأديبي في كل مره عشان يعرف ان تصرفه غلط

حاول في كل مره يمسك فيها الجربوع انك تناديه بلطف وتشجعه انه يجيك واذا جاب لك الجربوع مسح على راس الجرو وحاول تعطيه شيئ معك ياكله قطعه صغيره تكون يعني مثل المكآفأه

اما السؤال الثاني
احيانا الجراء تلعب وتعض عادي جدا من باب اللعب وليس الهجوم
والخوف يمكن انت تجيه تركض او مسرع او انك تضربه وتهاووشه الله اعلم

[الــحـاكــمــ]

أفــــــــــادك أخـــــــــــــــــوي

راصـــــــــــد بيئي

ولا قصر

[123123]

وعليكم السلام
اذ صاد الجربوع وكله حط في فمه ملح

[راصد بيئي]

وعليكم السلام
اذ صاد الجربوع وكله حط في فمه ملح


لا غلط يااخوي
يصير اذا شاف الجربوع بالبر مايطرده يتذكر طعم الملح ويربط بين الملح والجربوع
ويصير يكره الجرببوع ولا يلقطه بفمه انتبه من الطريقه هذي

[راعي طرفه]

الله لايهينكم جميعا
ولاكن عندي سؤال ثاني انا عندي سلقه وجبت عندها سلقه جديده بس المشكله يتهاوشون والحين عزلتهم وش الحل معهم

[راصد بيئي]

حط كل وحده بشبك لكن اترك الشبوك جنب بعض يعني يقدرون يشوفون بعض وطلعهم وانت عندهم واذا تهاوشوا اضربهم ضرب خفيف وهاوشهم

وكم يوم يصيرون ربع

[محمد الضيوفي]

ماقصر اخوي راصد بيئي
تقبل مروري

[بدوي.]

ما قصرو الشباب

[طيــر شلــوى]

ماقصروا الربع ..

وبالنسبه إن الجرو ياكل الجربوع ..

طال عمرك جب لك جوع السلوقي .. وجب له لحمه نيه ، وعقبها رش على اللحمه ملح واجد ..

وحطه قدامه .. طبعا أكيد يبي يتقف منه وموب ماكله .. بعدها ب5 دقايق جب له أكل مطبوخ مثل الرز والعظام ( من بقايا البيت ) .. ، وحطه قدامه وخله ياكله ..

مره مرتين عقبها يتأدب ..

هذي الطريقه الأولى ..

والطريقه الثانيه طال عمرك إنك تجيب له جربوع بحوش كبير .. وتربط الجربوع بحبل طويل مع بطنه .. وتطلقه وتخلي السلوقي يهد عليه .. واذا مسكه .. جر الجربوع وقله هات هات (( كرر عليه هالكلمه )) ..

وإن شاء الله يظبط معك ..

أتمنى إني اكون ماطولت عليك .. وأفدك ولو بالقليل ، تحياتي لك ..

[^الهاوي^]

افادوك الاخوان

اخوك\القمري999

[الذود العفر]

أهم شي لايكون جوعان السلوقي ,,

ولاتلومه أذا أكل الجربوع لا صار جوعان والأخوان ماقصروا ..

[بلاك بيري1]

والله انا عندي ضيخه 2 حاطهم مع بعض من وقت طويل.. وكل يوم يتفارشون.. ولا لقيت لهم حل..
لاجبت الأكل تطاقو.. لا شلته قعدو يلعبون.. وهاذي حالتهم...

اما بالنسبه. للي ياكل الجربوع.. افرررشه... لين كلاه.. اول طريقه لتأديب السلق.. الطق.. ثم المكافأت.. بالنسبه لي..
هع هع
^_^