نصيحتكم , تنزيل القير وتغيير الصوفة بـ 600 ريال !!

[البهلول]

عندي سيارة أسترو فان , قطع غيار السيارة زي الكابرس , ومحافظ عليه ونظيفه مرة , وأعتمد عليها كثير , صار فيه تهريب زيت قبل أسبوع , ما يسمى تهريب ولكن ينقط في الأرض ولاحظته في البايكة ورحت اليوم أبي أصلح السيارة , وقال الفني ( فلبيني ) بنزل القير وأغير الصوف الأمامية للقير والخلفية وجلبة القير .. ( هذه أشياء ما أعرفها زين ) . بـ 600 ريال .
وبعدين خفض خمسين , ورحت وأقول بيني وبين نفسي السعر مبالغ فيه . لو أنه بي أم دبليوا .. ما خش مخي أبد هالسعر .
وبعدها رحت لفني ( سوداني ) كشف على السيارة وقال القير تمام عندك , والتندية طبيعية في الأمريكي كل السيارات تهرب عاير الزيت ويمشي معك الموتر فترة , وإذا بغيت أصلحه تعال بعد العيد وقال 400 ريال .


مزاجي تلخبط وطلعت من الصناعية وأفكر أسوي صيانة كاملة للسيارة , يعني أنفض الموتر .بعد العيد , ولكن مثل هذه الأسعار ليست طبيعية . والصراحة لحقتني الشكوك وخفت يضحون فيني مع العيد .

يالربع أبي نصيحة .. وتقدير الوضع ..
الله يكفيكم شر الغبن والغش .

[ن م ر]

فك القير ياخذ 600 ؟؟؟؟


كثير على سيارة مثل سيارتك


والتهريبات امر طبيعي في كل السيارات الا اذا زادت عن حدها


انصحك تشوف واحد شغله ممتاز وأرخص من كذا
.
.
.
.
بس وش معنى توقيعك ؟؟

[فارس الشمال33]

شف اخوي اذا تهريب بسيط يعني مايسبب نقص ترا عادي
كان معي كابرس 96 استخدام
كرفته 6 سنوات والتهريب موجود اهم شي لاحظ عيار الزيت

[البهلول]

فك القير ياخذ 600 ؟؟؟؟


كثير على سيارة مثل سيارتك


والتهريبات امر طبيعي في كل السيارات الا اذا زادت عن حدها


انصحك تشوف واحد شغله ممتاز وأرخص من كذا
.
.
.
.
بس وش معنى توقيعك ؟؟


مرحبا أخوي نمر
كأنك ناقد علي , ترى ما أحب المناقيد وهذه أغنية قديمة في أفلام كرتون .. تذكر لولو الصغيرة كانت تغنيها :D



بالنسبة لي التهريبات تسوي لي قلق ما أحب يكون في الموتر شي أبداً .. وإستخدامي لطيف للسيارة ولا أسرع ولا أحب يكون فيها شي , لأني أحياناً أسافر طوارئ وفجأة .

الله يجزاك خير وفعلاً أخوي مغير كلتش الددسن ونزلو القير 150 ريال ؟!

[البهلول]

شف اخوي اذا تهريب بسيط يعني مايسبب نقص ترا عادي
كان معي كابرس 96 استخدام
كرفته 6 سنوات والتهريب موجود اهم شي لاحظ عيار الزيت


الأمريكي ما يخلي التهريب , ولكن الحرص واجب , وأنا موسوس صراحة .. ما أحب اللخبطة في السيارة .
يعني الأن أفكر أغير كل الصوف من الدفرنس والصليبات وكل ما يمكن يسبب تهريب .. خصوصاً إن السيارة عائلية وأشيل عليها العائلة في مشاوير متعددة . وأحياناً ما أحصل إلا هي في السفر .
يعني أعتمد على السيارة كثير . ولا أعندي قدرة أشتري غيرها في الوقت الحالي .
وسواسي على هم !

ولكن كم التكلفة الطبيعية وهل تحتاج ميكانيكي محترف أو أي أحد يسويه ..

الله يعين الجميع .

[بترووول]

الشغله بسيطه
تبغا نصيحتي اذا كان تهريب بسيط اتركه بس شيك عليه كل فتره وزده
وذا تبي تصلحه السعر مبالغ فيه
فك القير لسيارتك تقريبن من 200 الا 300 والصوف رخيصه ماتتعدا 50 ريال
بالتوفيق