المساعد الشخصي الرقمي

مشاهدة النسخة كاملة : مقاطع اللحم من الخشب ....


swead
13/11/2010, 01:44 PM
السلام عليكم ورحمة الله وبركاته ..
كل عام وانتم بخير ..

يا اخواني مين يخبر لي مكان بالرياض يبيع مقاطع اللحم اللي تجي من خشب كنها جذع شجرة .. لأن المقاطع البلاستيك مهما كانت سماكتها بتنكسر مع الضرب بالمقصلة ..


وحياكم الله ..
بـــرق نجـــد
13/11/2010, 01:58 PM
حيااك يالغالي


دور احد من ربعك عنده مزرعه ولا استراحه
واستأذنه باحد اشجار الكينه الي جذعها كبير وأقطعه هذا المستخدم عند الناس وعملي جدا
تحياتي
swead
13/11/2010, 02:02 PM
حيااك يالغالي


دور احد من ربعك عنده مزرعه ولا استراحه
واستأذنه باحد اشجار الكينه الي جذعها كبير وأقطعه هذا المستخدم عند الناس وعملي جدا
تحياتي



تصدق فكرت اروح سوق الحطب وادور لي جذع واخليه يقصه لي .. لكن قلت خلن اشوف امكن القا جاهزة قبل ما اروح ..
الله يعطيك العافية عالمشاركة ..
كثير السؤال
13/11/2010, 02:12 PM
بمحلات الرحلات رح وشرط ان تلقى
msm5022
13/11/2010, 06:22 PM
تبو نصيحتي ياجماعة ابعدوا عن جذوع الشجر لتقطيع اللحم مهما كانت قوية تراها مضرة وهذا بعد تجربة عينية ..... العام بعيد الأضحى بعد ماذبحت الذبيحة ارسلت الولد يجيب جذع الخشب اللي نبي نقطع عليه اللحم ومثل كل عام لكن جاه الولد وقال تعال شوف هالشوفة ويوم اني جيت والله لايوريكم لقيت الدود طالع من الجذع كان رابي على الزفر اللي بالخشب .... فنصيحة اخواني انهم يبعدون عنها أو اذا لزم الأمر غطها بشي مايتقطع من الساطور وتسهل ...... واسف جداً على الإطالة
تحياتي وتقبلوا مروري
ssss2
13/11/2010, 06:27 PM
اخي الفاضل تجدها في المحلات التي تقع غرب سوق المعقلية في شارع العطايف توجد ثلاث محلات تبيع الترثيات
Hagaanaf
13/11/2010, 06:31 PM
يالله حيه
شف وأنت داخل للحله من جهة الغرب متجه للشرق تخلي المقصب على يمناك ، وأمش الى أن يأتيك إشاره ، تعدها بـ (50) متر وقف على اليمين والتفت يسار شف محل اسمه ( هديب ) او ( بانبيله ) ميه بالميه ستجد منشودك ومايخطر على بالك عندهم
ولاتنس السكاكين والمعاليق ياعندهم شيئ يخبل
بس لاتنسان من الدعاء الى صليت الفجر مع الجماعه
swead
13/11/2010, 07:12 PM
مشكورين عالتفاعل .. والله يعطيكم العافية وكثر الله من أمثالكم .. وجزاكم الله خير ..
العاذر
13/11/2010, 11:28 PM
تلقاها عند العوشن اعتقد مستورده ومطليه بطلاء شكله قوي والخشب مدري هو صناعي او طبيعي او معالج لكن مرهم وتشوفه بنفسك

العوشن على طريق المدينه المنوره بضهرة البديعة قريب من سوق الخضار
ساري بريدة
14/11/2010, 11:16 AM
موجوده في حراج ابن قاسم في القسم الشمالي
مع العددالجديده وشكرا ....للجميع
شيخ البادية
14/11/2010, 11:19 AM
البلاستك أفضل بارك الله فيك
م.بندر
14/11/2010, 03:00 PM
الافضل والانظف من كسر العظام الصغير
والتقطيع المرتب
انك تفصل الذبيحه قطع كبيره
ومن ثم اقرب ملحمة يقطعه لك بالمنشار
والسعر لايتعدى الـ10 ريال للذبيحه
خل تقطيعك فقط للي تبي تسوي منه الحميس
العاذر
14/11/2010, 03:39 PM
وين صاحب الموضوع
swead
14/11/2010, 04:10 PM
هلا بكم ..
اشتريت مقطعتين بلاستيك نفس اللي يقطعون عليها في الملاحم بـ 80 ريال .. لقيت الخشب صغار وما جازت لي ..

وهذي صورها ..


http://www.mekshat.com/pix/upload04/images188/mk165088_dscf0161.jpg



http://www.mekshat.com/pix/upload04/images188/mk165088_dscf0162.jpg