المساعد الشخصي الرقمي

مشاهدة النسخة كاملة : Gaint Moray


gulfhunter
17/09/2005, 05:13 PM
السلام عليكم ورحمة الله وبركاته

الله يمسيكم بالخير اخوانى مشرفين وأعضاء مكشات............. اليوم أهديكم صور المورينا اللي صادفته اثناء غوصي.............. واتمنى انه تكون واضحه....... وتنال أعجابكم.........

http://www.mekshat.com/pix/upload/images10/mk7686_dscn0622.jpg

http://www.mekshat.com/pix/upload/images10/mk7686_dscn0624.jpg


http://www.mekshat.com/pix/upload/images10/mk7686_dscn0625.jpg


http://www.mekshat.com/pix/upload/images10/mk7686_dscn0626.jpg

http://www.mekshat.com/pix/upload/images10/mk7686_dscn0602.jpg

http://www.mekshat.com/pix/upload/images10/mk7686_dscn0658.jpg
مرجان
17/09/2005, 05:38 PM
ياسلام عليك يامشرف صوره رهيبه بس انتبه على ايدك المره الثانيه تراها تخوف بنسبة لي ...........


تحياتي ...........
gulfhunter
17/09/2005, 06:05 PM
السلام عليكم ورحمة الله وبركاته

حياك الله أخوي مرجان............. لا يهمك....... فعلاً هي خطره ..... لكن خوينا اللي في الصوره يعرف لهم ..................

خلك حذر..............
النوخذة
17/09/2005, 10:26 PM
السلام عليكم ورحمة الله وبركاته
صور قمة في الروعة يابوعبدالله ولو ان خويك ذا اللي ماد يده شكله بايعها و ماهوب صويحي
ودي اتكلم عن هالسمكة لكن للأسف معلوماتي عنها جدا بسيطة ولا راح احرمكم هالنتيفات اللي عندي
السمكة هاذي تسمى في منطقتنا ( الشاقة ) ولها اسماء اخرى مثل الانقليس او الحنكليس
خطرة جدا بسبب حدة أسنانها وقوة فكها لكن لحسن الحظ نظرها ضعيف , وفي الأماكن اللي تتواجد فيها هالسمكة ينصح بعدم تقريب اليدين او ادخالهم في الصخور المرجانية ( :) لأنها ماتشوف مظبوط , راح تشوف اصابعك كباب :) ) ولو الله قدر وكبست على يد انسان , ماراح تفك منه الا بأحدى الخيارات التالية
ياتقطع انت راسها
او هي تقطع صبعك
ولأنها طويلة فهي تتمسك في الصخور بلف جسمها داخل الفتحات الصخرية
يجي منها أنوع وأحجام وألوان كثيرة , وموجودة بكثرة في خليج عمان اما بالنسبة لنا يااهل الشرقية فقد سبق وشفتها في الجبيل في جزيرة جنا بالتحديد وشفت منها عدة حبات والنوع اللي عندنا حجمه صغير ومايتعدى المتر
ننتظر المزيد من هالمخشوش مشرفنا الغالي
gulfhunter
18/09/2005, 06:20 AM
السلام عليكم ورحمة الله وبركاته

حياك الله أخوي ابوعتيق............ اقول ماننحرم من نتيفاتك................ وتسلم على المعلومات الحلو يابوعتيق............ وفعلاً السمكه هذي خطره........ وانا عندي اثبات على قولت ان إذا كبست على يد انسان وش بتسوي........ عندي مقطع فديو لوحده ثانيه اسنانه مكسره وبوزه معواج...... والظاهر ان واحد دينصور متسبب عليها.......

والله يوفقك ويبارك فيك
lone
18/09/2005, 07:40 AM
وعليكم السلام ورحمة الله وبركاته…

ماشاء الله عليك اخوي ابوعبدالله… دايم متحفنا بهالصور الرائعه…

وعلى فكره … اللي يبى يشوف وحده زي هذي على الطبيعه… يجي معرض ارامكو في الظهران ويتفرج على حوض الاسماك اللي موجود في قسم العرض…

الحوض يحتوي على بعض الاسماك المحليه ومنها المورينا ""على قولة اخوي ابوعبدالله"" …

بارك الله فيك يا مشرفنا ولا تحرمنا من هالنوادر…
gulfhunter
18/09/2005, 08:30 AM
السلام عليكم ورحمة الله وبركاته

حياك الله أخوي ابوعبدالله ............مشكرو اخوي على الأطراء الجميل والمشاركه الحلوه منك............. وان شاء الله نجيكم ونشوف اللي عندكم.....

الله يوفقك ويبارك فيك
MARINE
18/09/2005, 10:42 AM
السلام عليكم ورحمة الله وبركاته

ما شاء الله عليك اخوي ابوعبدالله صور في غاية الروعه وممتعه جدا

وفعلا كما ذكر اخوي ابوعتيق شفناها في جزيرة جنا لكن حجمها كان صغير شوي

وفعلا هي خطرة جدا يا راسها يا يدك

وبالنسبه للي ذكر اخوي ابوعبدالله lone في معرض ارامكو صغيرة شوي

لكن البالول اللي في الحوض كاسر خاطري مدري ليش احس يبيله مسدس :D

تحياتي لك والله يعطيك الصحه والعافيه ولا تحرمنا من الصور الزينه

وتراك تهدي البل يا بوعبدالله

MARINE
gulfhunter
18/09/2005, 11:37 AM
السلام عليكم ورحمة الله وبركاته

حياك الله أخوي ابوخالد........مشكور اخوي على الأطراء الجميل........ وان شاء الله إذا رحنا إلى جزيرة جنا نصور لك .........................

الله يهدي بالك
رسلان
18/09/2005, 12:02 PM
عفاك الله أخي المشرف على هذه الصور الجميلة ...
وهذه السمكة خطورتها تكمن في ماذا ؟ هل هو أسنانها فقط ؟ أو هي سامة ؟
فقد كنا نحذر من سمكة (( الشاقة )) في حقل أثناء تواجدنا بها !! بسبب سميتها على قولهم ....
فهل الشاقة هي هذي ؟
أرجو توضيح الأمر ...
ولكم جزيل الشكر والتقدير ...
والسلام عليكم ورحمة الله وبركاته ....
gulfhunter
18/09/2005, 12:51 PM
السلام عليكم ورحمة الله وبركاته

حياك الله اخوي رسلان........الله يعافيك اخوي..... نعم هذي هي الشاقة.......... وتكمن خطورته في اسنانه حاده جداً وقوة فكه .........وهي ليست سامه

الله يوفقك ويبارك فيك
كشات
22/09/2005, 12:42 PM
http://www.geocities.com/hraaar_1/1100218787_starting_word.gif

ماشاء الله عليك يا بوعبدالله
صور غايه في الروعه والجمال

وفعلا الشاقه خطره (الله حفظ اللي لمسها)
اذكر اننا صدنا وحده بالجبيل بجزيرة جنا وكانت شرسه بالحيل لدرجة انها عضت ايد اللي صايدها بين الابهام والسبابه والمسكين ابتلش بجرحه
لاننا كنا مستأجرين بانوش لمدة ليلتين ولايبي يرجعنا عشان جرحه

والشاقه فيها شي غريب
ماتموت بسرعه
ضربناها على راسها لين قلنا ماتت
وقطيناها بثلاجة البانوش وبعد كم ساعه فتحنا الثلاجه لقيناها ما ماتت

على العموم الله يحفظ الجميع من كل شر
والف شكر على الصور

ومازلت انتظر الصور الدسمه
مادري ليه عندي شعور انك مغبي مفاجأه :p
gulfhunter
23/09/2005, 07:18 PM
السلام عليكم ورحمة الله وبركاته

حياك الله أخوي كشات..........تسلم اخوي على الرد الجميل...... فعلاً اخوي خطره جداً ........... أذكر واحد من الشباب صاد وحده في جده لكن كبيره ...... وصوب عليها وضربه بالرايف س3....... وكانت قويه مره..... ومر عليه خويه وشافه بالش فيها وعطاها وحده ثانيه في راس....... وهجدت ......

لكن هل كلته!!!!!!!!!!!!!!!!!!!!!!!!!

يعطيك العافي وتسلم على المرور
gulfhunter
23/09/2005, 07:26 PM
نسيت شي ...... اللي هو ابشر بالخير .... اليوم بكره .......

الشي الثاني ..... رجعكم او لا
ابو مشك
25/09/2005, 10:04 AM
يسلمووو مشرفنا الغالي على الصور الجميله
وفعلا هذي الشاقه خطره وتوجد في البحر الاحمر بكثره لدرجة اني مره حصلتها في الشوار ( الشباك ) بس الحمد لله ما كانت ناشبه في الشوار كانت داخل الغبه وتعبت حتا طلعتها وحجمها كبير بس نصيحه اذا شفتها ابعد عنها ولا تقرب منها
gulfhunter
25/09/2005, 10:40 AM
السلام عليكم ورحمة الله وبركاته

حياك الله اخوي ابومشك........الله يسلمك اخوي....... وش سويت فيها خليتها ............. او خذته معاك........ هل احد جرب طعمها.....

الله يوفقك ويبارك فيك
صقر
25/09/2005, 12:54 PM
مشكور يامشرفنا على هالمشاركة الرائعة والصور الأروع ....

والشكر موصول للنوخذة والاخوان على المعلومات الوافية عن هذه السمكة الغريبة والشرسة.

ماشاء الله عليكم ياهل البحر .... كل واحد جاب معلومة أثرت الموضوع .

الشكر للجميع على هذا الكم من المعلومات .
لكن مشاركة مارين غير :
لكن البالول اللي في الحوض كاسر خاطري مدري ليش احس يبيله مسدس

حرام كسر الخواطر :D
gulfhunter
25/09/2005, 01:12 PM
السلام عليكم ورحمة الله وبركاته

حياك الله أخوي ابواحمد............ تسلم اخوي على الأطراء الجميل.......... والحمدلله ان الفائده تعم وهذا القصد...........ومشكور على مرورك

الله يبارك فيك