افعل الخير ياصاحبي

[اليارم]

ياجماعة هذي قصتي احصلت معاي في الشهر الفضيل للعام الماضي .جاني واحد ماعرفه عقب ماصليت العصر وطلب مني فلوس وانا يشهد علي ربي انه ماعندي الا خمسين ريال قلت بشتري شويه خضره بس قلت في نفسي لادام وصلني للبيت والله مارده وعطيته وراح في حال سبيله وتميت افكر قلت يحلها ربي المهم صليت المغرب وانا اقول في نفسي شسوي الحين وش الحيلة .المهم رن الموبايل والا واحد من الربع ماشفته حول 8سنين واستغربت شلون جاب رقمي المراد قاللي ابي اشوفك ضروري قلتله تعاللي المكان اللي كنا نتجمع فيه المهم شفنا بعض وسولفنا عن الدنيا واحوالها وماخذت الا شوي مد يده ويقوللي المسامحه ياخوي جيت ارجع الدين اللي علي وانا نسيت في البداية وبعدين تذكرت اني سلفت الرجال حق زواجه لكن تدرون كم المبلغ 5000 سبحن الله تتصدق بخمسين وانت في امس الحاجه وفي نفس اليوم تلقى اضعاف اللي عطيت اللهم لك الحمد..

[رفيق الوقت]

سبحان الله ‘يرزق من يشاء ‘وانما الاعمال بالنيات لاهنت

[Al3rands]

مانقص مال من صدقه بل تزده بل تزده

[لحظةوداع]

جزاك الله ألف خير

[جون الشمالي]

سبحان الله
يعطيك العافيه

[محمدالزبيدي]

سبحان الله

والله يخوي تحصل أنا راح اقص عليك قصة مسرحها بيت ابوي الله يحفظه قلط عنده واحد مسيكين يقول من الصبح وانا ادور في الحارة ومالقيت احد يضيفني الرجال كان مسكين وحالته حالة المهم راح ابوي ذبح له خروف
وغداه وتعرفون الشايب عاطل عن العمل الله يمتعه بالصحة والعافية ويشفيه مما ألم به ..هههه
ناداني قال شوف دبر 600 ريال قلت والله ما معي ليش قال ضيفنا طالب فلوس يبي يصلح دنمو السيارة مدر يالسلف انا كان عندي دكان هذا بعد الظهر قلت لأبوي قريب المغرب الله يكتب خير في العصرية فتحت المحل شوي الا وأنا بايع بثمانمئة 800 ريال اي والله ويمكن وصلت الالف وعطيت الوالد 600 والحمد لله المحل في ذلك الوقت والزمن صعبة يدخل الخمسمئة او اربعمئة لكن سبحان الله رزق الشياب وانا اللي رحت فيها هههههه

اللهم لك الحمد الله يكتب لي اجرهم

[ابوصالح3]

|مانقص مال من صدقه ,,,,ومادمت تعامل مع كريم يعطي الحسنه بعشرة اضعافها ابشر بالخير,,,وانت ان شاء الله جواد كريم ومن اهل الخير

[اليارم]

عيدكم مبارك وتقبل الله طاعتكم وتحية لكل المسؤلين في المنتدى والاعضاء

[ملك الفكتوريا]

انا لقيت خمسين ريال وبصراحه كنت محتاج وما معي ولا ريال لكن وديتها للسيكورتي حق الكلية وقلت له وكتب اللي له فلوس ضائعه

المهم طلعت وانا راجع للبيت لقيت شايب كل ما جاه تكسي طرده بالعصى

وقلت بنفسي اخذ منه حق المشوار واستفيد وافيده

ورحت له وقال مصلحة الجوازات بالربوه وطلعت المصلحه خلف المبنى قلت ببلاش


ويركب معي ويدعي على التكاسي يقولون 20 ريال وانا بالربوه


ونزل ويعطيني 50 ريال عدا ونقدا

[وكيل1111]

سبحان الله الرزاق