فزعتكم منظم البخاخ في الباترول عطلان

[مسير]

السلام عليكم يالنشاما وعيدكم مبارك قبل الزحمة

العلم سلامتكم عندي منظم البخاخ اللي يركب في قربه الهواء بعد الفلتر اللي يجي فيه فيش كهرب المنظم نفسه خربان

اذا شبكت الفيش يكربن ويقطع ويطفي واذا فصلته يصفى بس مايقبل الدعسه يمشي بالمسايس ولايسرع المهم ان المنظم عطلان وقالو لي يجي كامل بماصورته اللي راكب فيها سألت عنها سعرها 1500 ريال والله مايستاهل هالقيمه بس الشكوى لله دورته بالحاير ماحصلته حتى محلات قطع الغيار بالصناعيه ماعندهم ابي حل تصليح او ترهيم ولو يحصل الغيه بس الظاهر مايلغى المهم اسعفوني يالربع الاجازه جت ونبي نكشت ونستانس دبروني بالحل

باترول 98 4500 بخاخ

اخوكم مسير

[ولد وايل]

باذن الله تجدها.....................

http://www.carpartswholesale.com/

.......................

[العتيبي 88]

حياك ربي ياخوي الله يوفقك وتحصل حل لاكن فك المنظم وانفخه بهواء وجرب لانه دائما مايحووسه غير الغبار .. وان مانفع الله يعينك ــ
موفق يابعدي

[مسير]

ولد وايل الموقع جيد بس يبيله قعده واللغه عندي ترمش شوي

العتيبي نفخناه ماصلح اللحين فاكه وامشي بدونه بس مهنا عزم ولا سرعه

مشكورين

[مسير]

up

شكلكم ماتبوني اكشت بعيد

طيب احد يشري الموتر ؟؟؟ طاااااب الخاطر

[adil33]

جرب ركب اي منظم لاي واحد من اصدقائك

[ابو عاتق]

مشكلتك حلها بسيط


كنت اعاني من نفس المشكله في سيارتي 98 باترول


تقطيع + تفتفة عند التشغيل في الصباح+ عزم ضعيف


وظهر السبب مؤخراً
هناك قطع في الخرطوم البلاستيكي الموصل الى المنظم من الفلتر
وكان ماهو واضح بالنسبة لي ويتم دخول الغبار والماء عند غسيل الماكينة (بستم)


كلفني اصلاحه 250 ريال
و(3) ساعات
تنظيف يدوي للبخاخات والمنظم وحاجه يسمونها البوابة


وبشرط عند ميكانيكي متمكن
والتمزق عالجناه بشطرطون لاصق الى ان يتم استبداله


والحين الموتر رجع زي ما كان


تقبل تحياتي


.

[ابوحميد122]

ما عندي ع ـلم
يفيدونـ ـكـ الشبـابـ
ان شاء الله

[قطر65]

أخوي
عندي نفس المشكلة في سيارتي الباترول 97 نضفت البخاخات والبوابة وغيرت فلتر هواء والمشكلة موجودة
اذا ركبت الفيشة يكربن اخر شي طلع من المنظم البخاخ والمشكلة الكبرى انه غير موجود في الشركة
دورة السكاريب والمحلات حتى الشركة مافيها

[مسير]

ثبت بمالايدع مجال للشك ان المنظم حق البخاخ اللي بالقربه خربااااااااااااااااااان ابي منظم لو مستعمل بصراحه الجديد غااااااااااالي والمستعمل مالقيت لا بالحاير ولا بالصناعيه

[ابوناصر3]

ابحاول اساعدك شف فك المنظم تلقا في وسطة اثنين او ثلاثة اسلاك تحسس تشبة اللمبة تلقا واحد منها مقطوع ويمكن ما تلاحظة حاول تضم كل حساس لوحدة والله ييسرلك.......