تكــفــون يأهل الـخـبرات..في أيـام العشر الفضـيــلات..أذبحتنا الرجات..وخسرنا الريالات

[ابوهمام2004]

السلام عليكم ورحمة الله وبركاته

نسأل الله أن يتقبل من الجميع في هذه الأيام الفضيلة

وبعد.. أحبتي

أشتريت لاندكروز جي أكس آر 2003
وكانت فيه رجه قوية على 140 وفوق

وبعد مرور أكثر من ورشة غيرت الصليبات لكن بدون فائدة

وبعدين غيرت العمودين (( عمود الدبل + عمود الدوران )) جدد وكالة

راحت الرجة 70%

لكن مازال الموتر فيه رجه بعد140 ونت طالع
تحس الموتر كله يرج المقاعد على الدركسون

ممكن أحد يفيدنا
أو ينصحنا بورشة متخصص سواء في حائل أو القصيم

تعبت والله من هالرجة حتى كرهت الموتر ودي أبيعه لو بخساره

نسأل الله أن يفرج كربة من يفرج كربتي

والله يصلح الأحوااال

[العتيبي 88]

وعليكم السلام ورحمة الله وبركاته
أسأل الله أن يفرج كربة ياغالي
هونا وتهون يابعد روحي كلها تساهيل ..
تأكد ياغالي من الترصيص معني أعرف ماله دخل لاكن جرب كل شي لاتخلي شي .. دامك غيرت الاعمده كلها الله يعينك الجنوط اصليات ولا لا .. الله يوفقك وتحصل المشكله يااارب
موفق يابعدي ..

[ابوسعد931]

شف ياخوي ماحصل لك مر علي تاكد من الكفرات وركب كفرات احد تعرفه لا احد يقول لك كفراتك زينه انا خسرت في الموضوع هذا في نفس الموتر 5000 ريال اسمع الكلام وعطنا الاخبار

[alhosam26]

مثل مايقول ابو سعد الكفر اساسي في الموضوع احياننا يكون النقشه جديده بس حاصل له تحبيله كذلك لاتنسئ ترصيص الجنوط من الداخل الماني لصق عند العضيب وبالتوفيق ان شاءالله

[moooj]

مثل-ما-تفضلو-الأخوان
ركب-كفرات-من-سيارة-احد-تعرفه(بكفراتها)
اذا-راحت-الرجة-فما-عندك-الا-الكفرات-او-الجنوط

[برق بريده]

الرجه اغلب الاحيان من

1 الترصيص
2 الجنوط
3 الصليبات
4 مساعد الدركسون
على حسب خبرتي والله اعلم

[_دربيل_999]

اخوي تأكد من نوعية الكفرات بعض الكفرات جلفة..


تروح للورش اللي عند الفحص الدوري ويركبون لسيارتك كفرات وجنوط جديدة وبمبلغ بسيط وبيعطيك ان شاء الله الحل والنتيجة.


هذا مجرد رأي فقط..



أجمل تحية..




الروقي

[معهم]

رصص الكفرات ارضي

[ابوهمام2004]

وعليكم السلام ورحمة الله وبركاته
أسأل الله أن يفرج كربة ياغالي
هونا وتهون يابعد روحي كلها تساهيل ..
تأكد ياغالي من الترصيص معني أعرف ماله دخل لاكن جرب كل شي لاتخلي شي .. دامك غيرت الاعمده كلها الله يعينك الجنوط اصليات ولا لا .. الله يوفقك وتحصل المشكله يااارب
موفق يابعدي ..

الله يجزاك الجنة يالعتيبي

الجنوط والكفرات شكلهن جدد

لكن الله يسرها

وفقك الله لكل خير

أستغفرالله وأتوب إليه

[ابوهمام2004]

شف ياخوي ماحصل لك مر علي تاكد من الكفرات وركب كفرات احد تعرفه لا احد يقول لك كفراتك زينه انا خسرت في الموضوع هذا في نفس الموتر 5000 ريال اسمع الكلام وعطنا الاخبار

الله يعافيك يابوسعد

راح إجرب كفرات وجنوط أخرى

ونوافيكم بالأخبار

ونسأل الله أن يبارك لك في مالك وولدك

أستغفرالله وأتوب إليه

[ابوهمام2004]

مثل مايقول ابو سعد الكفر اساسي في الموضوع احياننا يكون النقشه جديده بس حاصل له تحبيله كذلك لاتنسئ ترصيص الجنوط من الداخل الماني لصق عند العضيب وبالتوفيق ان شاءالله

الله يعافيك يالذيب

راح إنجرب كفرات أخرى

أما الترصيص رصصت عادي

لكن العضيب وين موقعه بأي ديرة

وفقك الله لكل خير

أستغفرالله وأتوب إليه

[ابوهمام2004]

مثل-ما-تفضلو-الأخوان
ركب-كفرات-من-سيارة-احد-تعرفه(بكفراتها)
اذا-راحت-الرجة-فما-عندك-الا-الكفرات-او-الجنوط


الله يعطيك العافية

والله يسر الأمر إن شاء الله

جزاك الله الجنة على مشاركتك

أستغفرالله وأتوب إليه

[ابوهمام2004]

الرجه اغلب الاحيان من

1 الترصيص
2 الجنوط
3 الصليبات
4 مساعد الدركسون
على حسب خبرتي والله اعلم


الله يعافيك يابرق بريده

راح نركب كفرات مع الجنوط ونشوف
أما الصليبات غيرت العمودين جدد

ع العموم الله يجزاك الجنة

أستغفرالله وأتوب إليه

[ابوهمام2004]

اخوي تأكد من نوعية الكفرات بعض الكفرات جلفة..



تروح للورش اللي عند الفحص الدوري ويركبون لسيارتك كفرات وجنوط جديدة وبمبلغ بسيط وبيعطيك ان شاء الله الحل والنتيجة.


هذا مجرد رأي فقط..



أجمل تحية..





الروقي


الله يعطيك العافية يالروقي

وراح نجرب كفرات أخرى

ونسأل الله أن يبارك فيك وأن يجعلك مبارك أين ماحللت

أستغفرالله وأتوب إليه

[ابوهمام2004]

رصص الكفرات ارضي


الله يعافيك
نجرب رأي الشباب

لعل الله يحدث بعد ذلك أمرا

وفقك الله لكل خير

أستغفرالله وأتوب إليه

[fahaad]

السلام عليكم

هلا بك يالغالي وعسى ربي يعينك

المهم يالغالي هل الرجه خفيفه او قويه

وعند ماتوصل لسرعه الي ترج فيه السياره حاول انك تثبت السرعه علي بداية الرجه

وشف هل الرجه تخف وترجع او ثابته ؟

[سلطان444]

مساء الخير اخوي

فعلا زي ما قالو اخواني الجنوط لها دور كبير وهذي صارت معي

مع العلم ان الجنوط اللي كانت بسيارة اصلية ولا باين فيها اي شي يدل على انها تالفة

لكن الواقع صار وطلع عندي واحد من الجنوط هو اللي مسبب هذي الرجة وغيرته

والشي الثاني وانا اخوك تاكد من مساعد الدركسون وهذا بعد من اسباب الرجة اذا كان تالف ..

بالتوفيق ان شاء الله ،،

[النبع الصافي]

وشيك على دودة الدركسون
وعلى الفرامل كامل
بعد ما تخلص موضوع الجنوط والكفرات
موفق

[M.O]

والله انا نفس مشكلتك ومازلت اعاني بس مع موتر باترول ربع مديل 2001

بس انت ارحم شويء انت رجتك بعد 140 يعني تهنيت من 50وفوق ههههههههههه انا تبدا الرجه من 80 رجه بنت كلب احس الموتر يزحف بي قالو لي مساعد دركسون رحت ركبت جديد من الوكاله مافرق ولا تحرك الموتر قالو لا ركب حق الرمايه رحت وركبته ولا فرق قالو اذرعه عندك
ونطق اذرعه ولا فرق قالو كفرات وجنوط واطق كفرات وجنوط ونفس الحاله مستمره الا الحين مدري وش الحل بس باقي حل واحد ولعله يفيد معي قالي واحد خذ ركب جنوط جتي العراض مع كفراتهن وجرب بجرب يمكن البلا بهالجنوط او الكفرات مع انها جديده ماكملت 3 شهور

[moooj]

لاتنسون-فحص-العكوووووووووس
امامي-وخلفي
احيانا-يكون-منطعج-من-الراس
وفحصها-سهل-عند-اي-ورشة
ومن-ادلته-ان-القماشات-تخلص-في-مدة-قصيرة(من-جهة-العكس-الخربان)

[ابوهمام2004]

الله أكبر الله أكبر لا إله إلا الله الله أكبر ولله الحمد

كل عام وأنتم بخير
وتقبل الله منا ومنكم

نرجع لمشكلتنا

اليوم ركبت جنوط وكفرات أخرى

لكن للأسف مافيه فائدة الرجة باقية

مافيه مكانيكي مضبوط نروح له يشخص لنا المشكلة

الله يعين .

أستغفرالله وأتوب إليه

[ابوهمام2004]

السلام عليكم

هلا بك يالغالي وعسى ربي يعينك

المهم يالغالي هل الرجه خفيفه او قويه

وعند ماتوصل لسرعه الي ترج فيه السياره حاول انك تثبت السرعه علي بداية الرجه

وشف هل الرجه تخف وترجع او ثابته ؟

وعليكم السلام

ياهلا بفهد
والله ياخوي الرجة كانت قوية مع صوت ومثل ماقلت غيرت عمود الدبل + وعمود الدوران)
خفت 70%
لكن الموتر فيه رجة تقريبا وسط من 140 أو 135 حول كذا

وونت طالع
ماجربت الي قلت ؟ راح أجربه ورد لك


الله يعين يافهد
ودنا أنشوف خبرات الشباب

وإلا مايرده إلا المعارض لو بخسارة

والله إني طفشت من الموتر
ونسأل الله أن يزينها

أستغفرالله وأتوب إليه

[ابوهمام2004]

مساء الخير اخوي

فعلا زي ما قالو اخواني الجنوط لها دور كبير وهذي صارت معي

مع العلم ان الجنوط اللي كانت بسيارة اصلية ولا باين فيها اي شي يدل على انها تالفة

لكن الواقع صار وطلع عندي واحد من الجنوط هو اللي مسبب هذي الرجة وغيرته

والشي الثاني وانا اخوك تاكد من مساعد الدركسون وهذا بعد من اسباب الرجة اذا كان تالف ..

بالتوفيق ان شاء الله ،،

ياهلا بسلطان
مثل ماقلت ركبت جنوط بكفرات وجربته بدون فائدة
اما مساعد الدركسون مادري لكن سبق وديته ميزان شيك تشيك كامل قال مافي شي

رغم إن الموتر مع الخط لم أفك الدركسون ثابت ماشاء الله

الله يعافيك ياسلطان على إبداء رأيك

أستغفرالله واتوب إليه

[ابوهمام2004]

وشيك على دودة الدركسون
وعلى الفرامل كامل
بعد ما تخلص موضوع الجنوط والكفرات
موفق


الفرامل لم ركبت الجنوط طالعت لهن تقريبا فيهن نص عمر

ولا صوت ولاشئ


الله يوفق يالنبع الصافي

أستغفرالله واتوب إليه

[سديراوي 13]

السلام عليكم اخوي ابو همام

طيب شيكت على كراسي المكينه والقير والدبل ولا لا

[ابوهمام2004]

والله انا نفس مشكلتك ومازلت اعاني بس مع موتر باترول ربع مديل 2001

بس انت ارحم شويء انت رجتك بعد 140 يعني تهنيت من 50وفوق ههههههههههه انا تبدا الرجه من 80 رجه بنت كلب احس الموتر يزحف بي قالو لي مساعد دركسون رحت ركبت جديد من الوكاله مافرق ولا تحرك الموتر قالو لا ركب حق الرمايه رحت وركبته ولا فرق قالو اذرعه عندك
ونطق اذرعه ولا فرق قالو كفرات وجنوط واطق كفرات وجنوط ونفس الحاله مستمره الا الحين مدري وش الحل بس باقي حل واحد ولعله يفيد معي قالي واحد خذ ركب جنوط جتي العراض مع كفراتهن وجرب بجرب يمكن البلا بهالجنوط او الكفرات مع انها جديده ماكملت 3 شهور


الله يعين يالذيب

يعني كلنا نعاني من الرجة هههههه

الله يعين ويسر أمري وأمرك

لكن موتر غالي سعره
وشكله نظيف لاسمكرة ولاشي
ومع هذا ماترتاح تسافر فيه

الشكوى لله

شكر لك على إطلالتك

أستغفرالله وأتوب إليه

[ابوهمام2004]

لاتنسون-فحص-العكوووووووووس
امامي-وخلفي
احيانا-يكون-منطعج-من-الراس
وفحصها-سهل-عند-اي-ورشة
ومن-ادلته-ان-القماشات-تخلص-في-مدة-قصيرة(من-جهة-العكس-الخربان)


ياهلا بعودتك وإطلالتك
والله مادري عن العكوس

لكن الي أمام فحصتهن عشقت الدبل ولفيت ومشيت مافيه صوت ولاشي

ربك يسرها

وشكر لك

أستغفرالله وأتوب إليه

[ابوهمام2004]

السلام عليكم اخوي ابو همام

طيب شيكت على كراسي المكينه والقير والدبل ولا لا

وعليكم السلام

ياهل بأهل سدير

لو الله ماشيكت عليهن

لكن إشتغال السيارة زينة مافيه رجة لم أدوس بنزين

لكن أمرهن سهل نشيك عليهن

لعل الله يحدث بعد ذلك أمرا

الله يغفرلك ولوالديك ويبارك فيك

أستغفرالله وأتوب إليه

[عاشق vip]

السلام عليكم ورحمه الله وبركاته

والله مثلك يا الغالي أعاني من نفس المشكله

( غيرت ما يلي : عامود الكردان .. والصليبات .. كراسي المكينه .. كرسي الجربكس .. مساعد الدركسون .. مقصات .. وزن أذرعه .. ) وكل ما شيكت عليها قالوا مافيه شيء خربان عندك .. وأنا عندي الرجه تكون واضحه في دعسه البنزين والدركسون .. طبعاً كل السيااره ترج بس هذول الشيئن بالأخص .. فياليت لو لقيت حل تنفعنا فيه .. الله يجزاك بالخير .. وإن شاء الله الأخوان ما يقصرون

[moooj]

كل-عام-وانتم-بخير-وصحة-وسلامة
اخوي-ابو-همام
تأكد-من-سلامة-شيال-العمود(اذا-له-شيال)
تعلمت-طريقة-من-احد-الزملاء-في-فحص-اجزاء-الدوران-العكوس-وعمودالدوران
وهي-بدائية-وسهلة-ولها-نتائج-لا-بأس-بها-ومجربة
مر-على-اي-ورشة
وارفع-السيارة-على-الرافعة
وعشق-القير-وامش-والسيارة-وهي-على-الرافعة(((والكفرات-راكبة)))
اذا-حسيت-الرجة-مثل-ماهي(((فك-الكفرات)))
وعشق-الموتر-بنمرة-وخل-الكفر-يدور(على-سرعات-عالية)
وشوف-النتيجة
الأحتمالات:
ان-الرجة-تبقى-والكفر-راكب-فنستبعد-مساعدات-الدركسون-والدودة
بعد-فك-الكفرات-اذا-راحت-الرجة-او-خفت-احتمال-من-العكوس-الأمامية-او-الخلفية
وفي-هذي-الحالة-افحص-العكوس-بورشة-او-مخرطة
الله-يوفقك-وييسر-امرك
وكل-عام-وانتم-بالف-خير

[ابوحميد122]

ما عندي ع ـلم
يفيدونـ ـكـ الشبـابـ
ان شاء الله

[صروووف]

الأخ ابو همام السلام عليكم
وكل عام وانت بخير وجميع اعضاء مكشات الطيبين

اما بالنسبه لرجه فنفس اللي صارلك فإنه صارلي بموتري 2003فكسار غيرت عمود الكردان جديد ونزلة عمود الدبل
ورصصت الكفرات وخفت الرجه70% ولكن تجيه رجه بعد140بالدرقسون والبدي
وانا عندي شك من العكوس
وإذا انت بحائل فيه ورشة كمال ماهو سهل لوايي جيته ولاحل المشكله . بعدين ابي اسألك هل يجي صوت على سرعة 160 والا لا. وان شاء الله ان الله يفك مواترنا من هالرجه ياشينها شيناه

[ربع بحرة]

تأكد من كراسي القير والمكينة جزاك الله خير

[عالي الكيف]

اخواني الكرام
اللي عنده مشكله في رجة السياره
يروح لأبو عبدالله محمد الصمعاني في تشاليح بريده اول ماتدخل التشاليح ثاني نافذ يمين خش معه المحل قبل الاخير يسار لونه اصفر.
والميزه عنده كثير من القطع موفرها للزبون يعني يفكك من الروحه لمحلات قطع الغيار.
الشهاده لله الرجل صدوووووق مع الزبون ونصوح وقنوع بالفلوس ياخذ اقل من باقي الورش بواجد.
انا تعنيت له من 800 كيلو وماقصر الرجال بيض الله وجهه

[شلشكو]

غير الرمانات اللي تجي خلف الهوب
وان شاء الله تنحل المشكله

[must302]

ادا الموتر يرج مع الدركسون رجه قويه
شيك على بوشنقات المقص او الذراع الكبير الي قدام

[عبد الله 99]

واحد من الربع عنده رجه و كانت ما تجي الا عقب الـ 120 و بعد التشييك قالو تأكد من مسامير عمود التوازن و كراسي المكينه و عمود الكردان و الرجال يبي الفكه منها بالي هي به و غيرها كلها و الحمد لله الرجه اختفت نهائياً و الموتر ما في ارسى منه
اتمنى اني افدتك

[ابوهمام2004]

الأخ ابو همام السلام عليكم
وكل عام وانت بخير وجميع اعضاء مكشات الطيبين

اما بالنسبه لرجه فنفس اللي صارلك فإنه صارلي بموتري 2003فكسار غيرت عمود الكردان جديد ونزلة عمود الدبل
ورصصت الكفرات وخفت الرجه70% ولكن تجيه رجه بعد140بالدرقسون والبدي
وانا عندي شك من العكوس
وإذا انت بحائل فيه ورشة كمال ماهو سهل لوايي جيته ولاحل المشكله . بعدين ابي اسألك هل يجي صوت على سرعة 160 والا لا. وان شاء الله ان الله يفك مواترنا من هالرجه ياشينها شيناه
وعليكم السلام

وكل عام وسيارتك بدون رجة

لاوالله ماجيت كامل جيت البكستاني الي جنبه (( افتخار )) لكن هذا يوم الرجة قوية
وبدلت العمدان وبعدين مارجعت له

أما بالنسبة لصوت تقريبا فيه صوت بصراحة أشك من عمود الدبل رغم إني مغيره

لكن الله يزينها


أستغفرالله وأتوب إليه

[ابوهمام2004]

غير الرمانات اللي تجي خلف الهوب
وان شاء الله تنحل المشكله


ياهلا والله

طيب كيف أعرف غنا الرمانات تعبانه ((لأن إذا هديت كأن فيه صوت يبقى ووووو))

لكن مريت كذا واحد ورفع السيارة وراقب الكفر الخلفي وقال لا مافيه شي

هل فيه طريقة أقدر أحكم إنها عطلانة الرمانات

لأن بصراحة دفعت مبالغ طائلة وبدون فائدة

الله يعافيك يالذيب

أستغفرالله وأتوب إليه

[ابوهمام2004]

ادا الموتر يرج مع الدركسون رجه قويه
شيك على بوشنقات المقص او الذراع الكبير الي قدام


ياهلا

طال عمرك الموتر يرج كله مع الدركسون لكن مو قوية

لكن مزعجة ماتقدر ترتاح بالموتر

بوشنقات المقص ؟؟ والله مادري وشي هذه

لكن نسأل ونشوف

الله يعطيك العافية

أستغفرالله وأتوب إليه

[ابوهمام2004]

اخواني الكرام
اللي عنده مشكله في رجة السياره
يروح لأبو عبدالله محمد الصمعاني في تشاليح بريده اول ماتدخل التشاليح ثاني نافذ يمين خش معه المحل قبل الاخير يسار لونه اصفر.
والميزه عنده كثير من القطع موفرها للزبون يعني يفكك من الروحه لمحلات قطع الغيار.
الشهاده لله الرجل صدوووووق مع الزبون ونصوح وقنوع بالفلوس ياخذ اقل من باقي الورش بواجد.
انا تعنيت له من 800 كيلو وماقصر الرجال بيض الله وجهه


الله يعطيك العافية ياعالي الكيف

إن شاء الله بقرب وقت نمر عليه ونرد لك

والله يكتب لك الأجر

أستغفرالله وأتوب إليه

[ابوهمام2004]

تأكد من كراسي القير والمكينة جزاك الله خير

كراس المكينة تمام

والقير مريت الميزان يقول تعبان شي بسيط لكن كذا مايسبب رجة ولا تغيره


والله ماندري

لكن نسأل الله التيسير

وفقك الله لكل خير
أستغفرالله وأتوب إليه

[الباثفندر 3.5]

ابو همام
سجل معك باث 2004 نظيف لكن من خذيته و فيه رجه و ما بقى شي و ما سويته و لا لقيت حل من سنتين و
الرجه عندي تبدي من ال 110 الى 140 و بعدها تختفي و الرجه بالدركسون و بالبدي و الله و الله اني كرهت الموتر لكن شسوي
الحمد لله على كل حال

[ابراهيم الضيو]

اخوي تاكد من الياي الامامي مصخن ولا لا اذا مصخن هو سبب الرجه

[وليد الجريدي]

اخوووووي نفس المشكله اللي عندك كانت عندي

سوي ترصيص لــعمود الدبل + عمود الدوران
ورصص الكفرات وادعيلي

انا كانت عندي وسويت ترصيص لعمود الدبل والدوران والحمدلله امشي 180 ولا فيهن رجه

وانا مصلحهن في مخارط الابتسام بالطايف شارع الصناعيه

[ابوهمام2004]

ابو همام
سجل معك باث 2004 نظيف لكن من خذيته و فيه رجه و ما بقى شي و ما سويته و لا لقيت حل من سنتين و
الرجه عندي تبدي من ال 110 الى 140 و بعدها تختفي و الرجه بالدركسون و بالبدي و الله و الله اني كرهت الموتر لكن شسوي
الحمد لله على كل حال


الحمدلله على كل حال

والله يسر الأمور


أستغفرالله وأتوب إليه

[ابوهمام2004]

اخوي تاكد من الياي الامامي مصخن ولا لا اذا مصخن هو سبب الرجه


ياهلا بإبراهيم
بشوف لكن ماندري من يعرفه هل هو مصخن أم لا

لكن يسرها الله

والله يعطيك العافية

وفق الله الجميع

أستغفرالله وأتوب إليه

[ابوهمام2004]

اخوووووي نفس المشكله اللي عندك كانت عندي

سوي ترصيص لــعمود الدبل + عمود الدوران
ورصص الكفرات وادعيلي

انا كانت عندي وسويت ترصيص لعمود الدبل والدوران والحمدلله امشي 180 ولا فيهن رجه

وانا مصلحهن في مخارط الابتسام بالطايف شارع الصناعيه

ياهلا بوليد

بس الله يعافيك

أنا غيرت عمود الدبل دوران وعمود الدبل جديد

كيف أرصصهن
المهم الله يعطيك العافية

راح أجرب الي قالوا الشباب بالترتيب

ونسأل الله ان يسر الأمر

وفق الله الجميع لكل خير

أستغفرالله وأتوب إليه

[القناص82]

ياطويل العمر فك عمود الدبل وامشى على الموتر حتى لو انك مغيره جديد

[must302]

ياهلا

طال عمرك الموتر يرج كله مع الدركسون لكن مو قوية

لكن مزعجة ماتقدر ترتاح بالموتر

بوشنقات المقص ؟؟ والله مادري وشي هذه

لكن نسأل ونشوف

الله يعطيك العافية

أستغفرالله وأتوب إليه

انا كانت عندي رجه في الدركسون والبدي خفيفه بعدي صارت قويه وغيرت بوشنقات المقص الامامي وراحت الرجه
ادا بغيت صوره بحاول اصورهم لك

[slj1416]

اخوي اعطيك بعض الاحتمالات
1- اذاكانت الجنوط شمبر تسبب رجه
2-اذاكانت اكفرات اعرض من الجنط تسبب رجه
3-الهوبات اذا كانت مخروطه تسبب رجه
4-اذا فيه تهريب زيت بين الجربكس والدبل فك الدبل وتأكد من سلامة العامود الخارج من الجربكس ممكن به طعج
5- تأكد من العكوس الخلفيه اذا فيها طعج او لا (ارفع الدفرنس وشغل السياره وعشق الثاني ولاحظ الكفرات أذاكانت ترتفع وتنزل يدل على طعج العكوس)

[صروووف]

ابو همام كيف حالك
بشرناعسى الموتر ضبط وعسى الأمور تمام

[راشد الحربي]

اخوي انا كانت عندي رجة لدرجة ان البيالة ترج بيدي وانا اسوق .. والحمدلله غيرت الكفرات دنلوب جدد وضبطت الامور .. طبعا خف كثيررررررررررررررررررررررر .. تحس بها احيانا لكن خفيفة بالمرة ..

طبعا موتري فكسار 2001

[الباثفندر 3.5]

بشرنا عنك ابو همام

[صروووف]

ابو همام كيف حالك عساك تمام

وحبيت ابين لك اني تقريبا حصلت مشكلة الرجه اللي في موتري وتقريبا مشكلة موتري نفس موترك
والسالفه كلها( ربلات كرسي الدوده )
واللي حصلها ميزان العوده بحائل مقابل مركز دبي واناكنت مستعجل وقلتله اجيك بعدين ان شاء الله . وحبيت أعلمك ولاني ناسيك يابو همام وبالتوفيق