مقناص ( مجموعة ترفع!! )بتاريخ 3-12-1431هـ 7حباري باربعة ايام

[المترو]

مساء الخير جميعا وكل عام وانتم بخير بهالعشر المباركة

ومن زمان يا مكشات واعضائه الكرام ما نزلت موضوع لكن الخير جاي
لكن يقولون من جاء ما ابطى
الحقيقة هذا مقناص جميل وعجيب ونادر ليش لان الحباري هالايام قليلة و(مجموعة ترفع )خوتهم تنشرى وشرف كبير خوتهم رغم مقناصي معهم سابقا لكن هالمقناص نادر وجميل وافتتاح موسم يبشر بخير ماشالله تبارك الله
وطبعا مجموعة ترفع او ركاب الباص ( ركاب الباص هذا موضوع بحاله لكن سوف اذكر قصة الباص باختصار باخر الموضوع)
كل من : امير المجموعه امير العدل والمساواة ابوصالح الله يحفظه
ابو على وفي روايه اخرى ابوفارس
ابوسلطان 0ابوسعيد- ابومحمد وفي روايه اخرى راعي الطير اللي كاسر خرب عينه بالسابق احب عليه انك تدعسه بالسياره ولا تهده على خرب–ابومحسن –ابو اريام- ابوقاسم –ابوفهد -راكان- وابو ريان قائد الاركان العامه وفي روايه اخرى الدكتاتوري او ((اقضب طيرك يا ابو... لاتروح الحباري على خوياك )))ويقولها بصوت جهوري كزئير الاسد بغى يفقع سمعات الاجهزه لان الطير تعب وبداء يقصر عن الخريب -وطبعا محاكيكم ابوناصر وفي روايه اخرى المتأخر دائما عن الهدد وكل حبارى يلقونها الا انا باخر الدنيا اقل شيء 20 كلم وما لحقت الا هددين فقط من السبع حباري ويا خوفي ترى الذاكره يمكن نسيت احد الربع

واليكم البداية وهي انطلاقي من مدينة الرياض حسب الاحداثية المرسله لي بالجوال وتحمل درجة عاليه من السرية تسلم لجواله وتقرمن بيده ليلة الخميس وطبعا الموقع بمكان ما بفيافي نجد الحبيبة حسب عرف اهل المقناص والا لو على انا اعطيتكم الاحداثيه
شكلي طولت بالسواليف اليكم الصور

1- كفشة لعداد السياره 555555 كلم



http://www.mekshat.com/pix/upload04/images188/mk3016_11.jpg















2 كالعاده المقناص يبداء بجرة حباري واليكم اغرب جره بالله عليكم باي اتجاه تقدر تقص هالجره وباي جهه رايحه


http://www.mekshat.com/pix/upload04/images188/mk3016_2.jpg




3 – والحبارى صارت واحده من حصى هالحزم لكن الوكاد انها جنب السماره اللي بالصوره انا ماشفتها الا يوم فقعت



http://www.mekshat.com/pix/upload04/images188/mk3016_3.jpg



















4-وبعد الهدد الحبارى مطلوبه مخلاص لتعليم الفروخ وازالة عقدة طير ابومحمد من الحبارى وهاذي حباروين مخاليص




http://www.mekshat.com/pix/upload04/images188/mk3016_4.jpg

http://www.mekshat.com/pix/upload04/images188/mk3016_12.jpg







5وهاذي حبارى خرب يوري طير ابومحمد العين الحمرى ويقول والله لا اوريك واغتصبك مره ثانيه واعتقد ان هذا سر كره طير ابومحمد لشيء اسمه حبارى





http://www.mekshat.com/pix/upload04/images188/mk3016_5.jpg



6- وبعد الترويض يبداء تعريف الفرخ على الحبارى بعد تخليصها من القرناس وهاهي الى حتفها محموله




http://www.mekshat.com/pix/upload04/images188/mk3016_6_resize.jpg





7- يالله يا راكان خلها تتواجه مع الفرخ







http://www.mekshat.com/pix/upload04/images188/mk3016_7_resize.jpg






8- وهاذي جرة خرب فكه الله من الطيور ونجا بعمره وذلك بسبب خطاء مطبعي بالهدد للاسف هد احد الربع ولكن انطلق طير اخر بغير قصد لان الربع كانو يحاولون ان الطيور تطلع على الخرب ويفقع قبل المغيب وتشابطت الطيور وفرك الخرب وهو يقول اللهم اجعل حيلهم بينهم ولحق له الامير ابوصالح ولكن بعد ما ارتفع الخرب وكان باقي اقل من ربع ساعه على المغيب وطب جنبنا وامرحنا عنده وفي الصباح لم نجد الا مطيره وكان يبعد مطبه عن معشانا 1900 متر فقط




http://www.mekshat.com/pix/upload04/images188/mk3016_8_resize.jpg












9- اقلطو الله يحييكم كبسة حباري وترى نادر تجد كبسة حباري





http://www.mekshat.com/pix/upload04/images188/mk3016_9_resize.jpg





وقد طب علينا طير مثلوث ضايع وعليه حجل وريشه وسوف يتصل احد الربع على رقم الجوال الموجود بالحجل لكن حتى اليوم الجوال مغلق






((( قصة ركاب الباص احد الربع معنا حلم حلم غريب بالمقناص ان كل افراد المقناص راكبين باص وقانصين سوى وسائق الباص احد الصقارين والشعراء المشهورين وكل شوي يقول لنا قصيده والظاهر تفسيره واضح
والله العالم لو انه حلم انا راكبين طائره ركاب بويبنق كان طحنا باجوال حباري ))))


10
وبالختام غربت شمس يوم السبت 7-12-1431 معلنة انتهاء المقناص على امل اللقاء بمقناص اخر من مجموعة ترفع ومعكم بتقرير قادم افضل


http://www.mekshat.com/pix/upload04/images188/mk3016_4444.jpg



((((ومعذره اغلب الصور مقاطع فديو الصور الثابته قليله جداً وكذلك التصوير لم اكن جاهزاً له ولم اركز على الامر فالمعذره على القصور ))






محبكم ابوناصر المترو

[((( الحر)))]

هلا وغلا يابو ناصر

كل عام وانت بخير وصايد وفايد

من طول الغيبات جاب الغنايم

ماشاء الله الله يزيدكم ويهنيكم

وعسى هذا عوايدكم اليوم ودوم

اخوك الصغير
((( الحر)))

[جنرال المدينه]

تسلم يا أخوي على الموضوع
وما عليك قصور

[عسااااف]

الله يعطيك العافيه ومشكور على الصور

[][ الأصيل ][]

ماشاء الله تبارك الرحمن
علومك تسر يابو ناصر وتستاهلون
بس لو انت سالم من الصورة الاخيرة لانها علمت وين مكانكم هههههه
الله يوفقكم ويرزقكم

[مخاوي النادر]

السلام عليكم ورحمة الله وبركاته

ماشاءالله تبارك الله
موفقين خير وصيد طيب
عسى الله يعيدها عليكم ونتم في تمام الصحة والعافيه
تحياتي لك

[هواي البر فهد]

صاااااااااايد وفاااااااايد
وبيض الله وجهك على هالصور الرائعة

[قناص الحبارى]

الوووووووووووووووووو ،،،

أبوناصر ....!!!!


من ورانا ..؟؟؟


هلا وغلا والله يالغالي

من طول الغيبات ... جاب الغنايم يامال الغنيمه

ما شاء الله تبارك الله

شي على مستوى

والله قدها يابوناصر ..

صايد وفايد

وعساك على القوه

لي كلام معاك بكره !!!!!

أخوك/ قناص الحبارى
أبو عبدالعزيز

[صاحب نوماس]

ماشاء الله

صايد وفايد

[أبو رداد]

سالفه ومقناص طيب يستاهل يكون من رحلات خمس نجوم
أمتعتنا بقراءة ومشاهدة الاحداث
سلمت أيدك يابو ناصر ......ولاتحرمنا من جديدك

[ابوناصر السهلي]

ماشاء الله صايدين وفايدين والله يرزقنا وياكم

[القنـاص2008]

ماشاءالله صايد وفايد وبالعافية
بيض الله وجهك وننتظر جديدك
تحياتي
أخوك
BSSAM888
ALGANAS2008

[قنيص غير]

ماشاءالله صايد وفايدوبالعافية

[vtc3636]

ماشالله ابو ناصر نفذت وعدك ولانزلت صور للعيال
لكن أمير العدل والمساوات لقب يستحقه ابوصالح بحق وحقيقة صراحتن
يستااااااااااااااااااااااااااااااااااااااااااااااه ل أميرنا والله
رغم كل من يحاربه من أحزاب المعارضة والقنوات الاخرى؟؟؟؟؟؟؟؟؟؟؟؟؟

[القناص أسعدي]

المترو
ماشاءالله تبارك الله مقناصكم مقناص طيب
سبع حباري علمك غانم يعني بشارة خير
انت وربعك تستاهلون كل خير
الله يرزقكم ومشكور على التقرير


المترو ربعك سمعت انهم من الرس والا انا غلطان
أعترف وين مقناصكم فيه ههههههههههههههههه خلنقضي العيد بارضكم
ووووووووووووووووووووووووين فيه احسنلك يامترو

[عناز الحره]

http://www.mekshat.com/pix/upload04/images188/mk3016_9_resize.jpg

عليكم بالعافيه يالغالى

[ابراهيم 4444]

ماشاء الله تبارك الله
تستاهلون

[روووح]

ماشاء الله
صايد وفايد واعذرني على مروري السريع

[الحركساب]

ماشاء الله مبروك
وعيدكم مبارك
وجعلها متبوعه

[falcon 1]

ما شاء الله تبارك الرحمن ...صايدين وفايدين ان شاء الله والله يرزقكم من واسع فضله

[المترو]

هلا وغلا يابو ناصر

كل عام وانت بخير وصايد وفايد

من طول الغيبات جاب الغنايم

ماشاء الله الله يزيدكم ويهنيكم

وعسى هذا عوايدكم اليوم ودوم

اخوك الصغير

هلا وغلا بمشرفنا الغالي الحر وكل عام وانت بخير وصحه وعافيه ومن العايدين
وبارك الله فيك

وتسلم ياغالي



تسلم يا أخوي على الموضوع
وما عليك قصور

هلا بك وغلا اخي الكريم جنرال المدينه ومن العايدين
وسلمك الله وشكراً على المرور حفظك الله ياغالي


الله يعطيك العافيه ومشكور على الصور

هلا اخوي عساف وكل عام وانت بخير
وتسلم على المرور ولك الشكر يا غالي



صاااااااااايد وفاااااااايد
وبيض الله وجهك على هالصور الرائعة

هلا وغلا اخوي عاشق البر فهد ووجهك ابيض وتسلم ياغالي وكل عام وانت بخير وصحه سلامه



السلام عليكم ورحمة الله وبركاته

ماشاءالله تبارك الله
موفقين خير وصيد طيب
عسى الله يعيدها عليكم ونتم في تمام الصحة والعافيه
تحياتي لك

هلا اخوي مخاوي النادر
وتسلم ياغالي وفالك الصيد

وتقبل ودي ومحبتي



ماشاء الله تبارك الرحمن
علومك تسر يابو ناصر وتستاهلون
بس لو انت سالم من الصورة الاخيرة لانها علمت وين مكانكم هههههه
الله يوفقكم ويرزقكم


هلا واخوي الاصيل وكل عام وانت بخير
وترى الصوره الاخيره رمزيه للغروب
وتسلم ياغالي



الوووووووووووووووووو ،،،

أبوناصر ....!!!!


من ورانا ..؟؟؟


هلا وغلا والله يالغالي

من طول الغيبات ... جاب الغنايم يامال الغنيمه

ما شاء الله تبارك الله

شي على مستوى

والله قدها يابوناصر ..

صايد وفايد

وعساك على القوه

لي كلام معاك بكره !!!!!

أخوك/ قناص الحبارى
أبو عبدالعزيز
هلا وابو عزيز وكل عام وانت بخير ومن العايدين ومن زمان ماتشاوفنا الله يحفظك
ولك ودي ومحبتي


--------------------------------------------------------------------------------
م
اشاء الله

صايد وفايد

هلا اخوي صاحب النوماس

ومن العايدين



سالفه ومقناص طيب يستاهل يكون من رحلات خمس نجوم
أمتعتنا بقراءة ومشاهدة الاحداث
سلمت أيدك يابو ناصر ......ولاتحرمنا من جديدك


هلا وغلا بمشرفنا القدير عميد صقارين مكشات ومانصل مثل ابداعك الدائم الله يحفظك
وكل عام وانت بخير وصحه وعافيه



ماشاء الله صايدين وفايدين والله يرزقنا وياكم

هلا وغلا بالمهذري وكل عام وانت بخير والله يرزق الجميع




ماشاءالله صايد وفايدوبالعافية
بيض الله وجهكوننتظر جديدك
تحياتي
أخوك
هلا بسام وغلا وتسلم ياغالي وعيدك مبارك




ماشاءالله صايد وفايدوبالعافية

هلا بك ومرحبا الرمال المتحركه وتسلم ياغالي
وعيدك مبارك




ماشالله ابو ناصر نفذت وعدك ولانزلت صور للعيال
لكن أمير العدل والمساوات لقب يستحقه ابوصالح بحق وحقيقة صراحتن
يستااااااااااااااااااااااااااااااااااااااااااااااه ل أميرنا والله
رغم كل من يحاربه من أحزاب المعارضة والقنوات الاخرى؟؟؟؟؟؟؟؟؟؟؟؟؟

هلا هلا وغلا وعيدك مبارك واللي اوله شرط اخره نور وما نقدر نخالف التعليمات

هلا بك



المترو
ماشاءالله تبارك الله مقناصكم مقناص طيب
سبع حباري علمك غانم يعني بشارة خير
انت وربعك تستاهلون كل خير
الله يرزقكم ومشكور على التقرير


المترو ربعك سمعت انهم من الرس والا انا غلطان
أعترف وين مقناصكم فيه ههههههههههههههههه خلنقضي العيد بارضكم
ووووووووووووووووووووووووين فيه احسنلك يامترو

هلا وغلا ومن العايدين يا ايها الاسعدي الله يسعدك دنيا واخره

وشلونك انت طيب الله يرزقك الصيد الطيب بدون اعترافات وبدون تهديد صف النيه :D


عناز هلا بك وكل عام وانت بخير
الله يسلمك


الاخوة الكرام
ابراهيم
رووح
الحر كساب
فالكون

شكرا لمروركم وهلا بكم جميعا وكل عام وانتم بخير والله يرزقكم بالصيد دائما

وتقبلو جميعا وافر الود والمحبه

المترو ابو ناصر