محمد الظاهري
15/11/2010, 12:28 AM
السلام عليكم ورحمة الله وبركاته
اخواني في مكشات
كل عام وانتم بخير
قصه اليوم تتعلق بقصه الرثاء
والرثا ء باب جميل من الشعر
حين تطلع الكلمات من الشاعر من حوافر قلبيه
اسم صاحب السالفه
هو
....(عبد الله بن علي بن دويرج )
عبد الله بن علي بن دويرج من احد قرى السرفي نجد توفي عام 1365 ه..
الشاعر بن دويرج رحمة الله عليه من الاغنياء وهو رجالا معروف
لطيف وذرب وله احترام وشان عند الناس وعند جيرانه
اشتغل في اعمال كثيره
مثل النخيل وغيرها من الحرف
وما فيه شغله إلا اشتغل فيها مثل ما تقول
ونخلتين من ناك
الحاصل ان ابن دويرج تزوج له حرمة وانجبت له ولد وماتت
ويوم كبر الولد راح طلع من الديره يدور رزقه
ومن عقبها
اعرس على مره
حرمتن مرتبه ونظيفه وذربه وظفره وشغلها زين
مثل حريم اول الله يرحمم الي مات
ويطول بعمر العايش
وتزين الطبخ لرجلها
وطبخها زين بالحيل
والجريش تزينهن لين تخليه كنه دماغ جربوع
عاد من شايفن دماغ الجربوع والله مادري لكن يضربون به المثل
ومثل ما قلت الحرمه ظفره
وما تخلي شي قاصر على رجلها
لاجاء رجلها من شغله الظهر وجاء للبيتقامت تاخذ عبايته منه
وتعلقه
وتاخذ عصاه
الاوهي مولمتن له مريكي مكيين برا ورا القهوه وتقعد قباله
وتقلط له هكالقدوع اللي يصر مصبوبن عليه دبس
وش قال
وتقهويه من هكالقهوه اللي تقعد الراس
المهم ندخل لي عمق القصه
ابن دويرج الله ارزقه خمس اعيال وكلهم ماتو
من اول الامراض الله اليكافينا
منتشره مثل الجدري وغيرها وما له علاج هاك الوقت
وعقب كل السنين وعقب الكبر
رزقه الله ببنيه من هالحرمه
ولا فيها جمال سبحان الله العظيم سبحان الله الخالق
ما تقدر تناظر بها اكثر من ثلاث دقايق
عليه هكالمبسم اللي ياااااااالله تدخل معه العنبه
ويدياته كنه مقرصهن نمل وعراتسيبه وش حليله
وامه معودتها على الستر من يومها صغيره تحنتسها (تحنكها )
يعني تحجبها .بالشيله
وتحني يدياتها كل خمس طعش يوم تحنيها اذا نامت تربطهن
ومربيتها امها اذا نادها ابوها قوليله
لبيه يبه
بقماش وتصير كنها في ملاكمه :D..
المهم كبرت البنيه وصارت تخفرعن الناس ولا تطلع على كل الناس
وامها مربيتها تربيه حسنه
وصارت هي اللي تقوم بخدمة ابوه تلبسه بشته وتلبسه نعاله
وتطالع خاطره وصارت بالحيييل غااااليه عنده ...
وإلا ابن دويرج متجلز للشتا
وجايب حطب ورمث
وما خذ احتياطه من البرد
الحاصل ..يوم جاء يوم من الايام الله لا يعيد الشر ..والا ايام شتاء
ولا يوم جاء مصلي الاخير ...والام بالقهوه شابتن هكالجمـر اللي
ماله رماد ولا دخان ..جمرا كنه كرز
ويوم قهوته بنته
ويوم جاء تبي تصب له الحليب
قالها خليه عقب الصلاه
صلاه الخير
جاء هو مصلي .قالت له : تعال تعاليابوي عند المركه .
الا بوه هكالمركى محطوله جنب مسوى القهوة
جاء هو وقعد يوم ارتكى على المركى قالت الام
تبي نصب لك قهوه قبل ولا (حليبه )
قال والله اللي زاهب ..
قومي يالام والقطي البياله وصبي له الحليب ..يوم شف الحليب
الا هو بارد ..قال هاااه كنه بارد الحليب شوي..
قالت ..لا لا لا ندفيه هلحين ..
قال قومي يابنبتي الله يصلحس خذي روحي جيبي لنا حطب
وعويدات رمث بس وانا ابوك لا تجيبين من الطوال جيبي من
القصار اللي يدخلن تحت المركى ..
قامت البنت وخذت السراج وراحت للحوش تبي تلقط الحطب
الا لقطت ثلاث قصار وهكالعود طويلا بالحيييل جت تبي تكسره
على ركبتها ..الا وطق السراج وينكب قازه ويطفي
ومن عقبها
اخذت تلمس في الحطب يوم تلمست .الله يدفع البلا وهي تقرص
مع صبعها .وهي تصيح هاك الصيحه
فزو امها وابوها
الا هي منقرصه قرصه كايدا
اضنه من دا ب
اركضوا يااهله واستنفروا الجيران ..ويحطون عليه عجينة تمر
ومادري وشو بعد ..المهم مافيه فايده ..
سار السم في جسمها كله
يوم .يومين ويوم جاء نهار الثالث وهي توفى ..الله الدايم
والا يوم انحشت كبد الابو قعد يجي اربعة اشهر وهو مثل الجرح
اللي قاطبن على بلا صدره .كل ما تذكرها تزفر هكالتزفر
اللي الله لا يجيلكم ...
ان ناظر الباب هذا في البيت ذكرها يوم انها واقفتن عنده
واذا يبي شي تذكرها يوم تقوله لبيه
ان قلطت له الام مواعين يذكره يوم هي تجيب له الماء ..
وبس يتصدد ويهرمع من البتساء ( البكاء ) ويدعيله
جاء اربعة اشهر والله ياغدا قلبه جروح وتجرحت عيونه من البكاء
واذا جافي الليل اظلم يدعي لها دعا ..عسى الله لا يحجبه
المهم .من شدة أيمانه صبر وتحمل ...
وقال هذي القصيدة المؤثرة يرثي بنته ...
عـفى الله عن عين حلا النوم جافيها
...............كـراها قـليل وذارف الدمع محفيها
الـى قـلت الاياعين هيدي وهودي
............ جـرى دمعها الصافي وهلت عباريها
تـبين فـروع الصبح ماذاقت الكرى
....... ... ولا لـوم عـين فارقت شوف غاليها
ولا زل يــوم او لـيلة مـاتعبرت
........ عـن الـنوح اعـزيها ولاني بقاويها
وانـا فـي رجا جزل العطاعالم الخفا
.......... يـلطف بـحال خـافي الـهم باريها
عـلى نـور عيني لب قلبي ومهجتي
.......... تـحن الـضماير كـل ماحل طاريها
حنين الخلوج اللي عن الضير فاختت
........... الا غـاب عـنها سـاعة مـايباريها
وانا كيف ماابكي طفلتن غضت الصبا
.............. حـوريـة سـبـحان رب مـسويها
نـشت بـالهدى والدين والحق والبها
.............. فـلو طـالت الايـام مـانيب سيها
فـيـها طـبـوع كـاملات حـميده
........... حـنون على الجيران ووصال عانيها
عـفيفة نـظيفة جيب ماداست الخطا
........... ولا هـوجست بالمذهب اللي يزريها
حـشا مـابها من خافي العيب ذارب
........... حـذا حـشمة الـوالد فهذا فهو يها
كـمل عمرها ثنتين مع عشر واربع
............ حـذا مـحترمها تـسفهه لو يحاكيها
خـذت هـجرة في البيت عندي قليله
............. أمـانه وخـذها الخير اللي عطانيها
ولانـيب جــزع فـلا شـــك ولـعه
.............. اعـرف الأمـانه مـالها غير راعيها
فـياسامع دعـواي فـي مظلم الدجا
............ تـمحا جـرايمها وتـثبت حـسانيها
وتـجعل لـها فـي جنة الخلد منـزل
............ تـقطف جـنا جـنات طيبا وتجنيها
وتـعيضها فـي ما قصر من شبابها
............ بـرضاك يـاخلاقها وانـت والـيها
إلـهـي ودودي دعـوتي تـستجيبها
............ عـلى الـنفس كله من غلاها نبديها
الا واتـكدر خــاطري مـن فـراقها
............. ولـولا غـلاها مـا تـكلفت راثيها
سـمي دمـوع المزن في غبة البحر.((.هاذا اسمها ))
............ سـوى البنك مايدرك ثمنهاويشربها
وانـا مـابي الايـوم يـطرى سميها
.......... عـفى الله عن عين حلى النوم iiجافيها
وصلوا على من لا افترا سيد الورى
......... عـدد ماجرى من رايح المزن واديها
ويا اخواني
فيه بعض الكلمات غير موضحه اي معروفه
ولكن هذا الروايه على لهجت الراوي محمد الشرهان
قد سمعت له القصه
ولكن كما قرت اتيت بالمختصر
ارجو ان القصه حازت لكم
وارجو المعذره كتبتها على عجل
ارجو ما قدمته ينال لكم
وكل عام وانتم بخير
وتقبلو من
محبكم
محمد الظاهري
اخواني في مكشات
كل عام وانتم بخير
قصه اليوم تتعلق بقصه الرثاء
والرثا ء باب جميل من الشعر
حين تطلع الكلمات من الشاعر من حوافر قلبيه
اسم صاحب السالفه
هو
....(عبد الله بن علي بن دويرج )
عبد الله بن علي بن دويرج من احد قرى السرفي نجد توفي عام 1365 ه..
الشاعر بن دويرج رحمة الله عليه من الاغنياء وهو رجالا معروف
لطيف وذرب وله احترام وشان عند الناس وعند جيرانه
اشتغل في اعمال كثيره
مثل النخيل وغيرها من الحرف
وما فيه شغله إلا اشتغل فيها مثل ما تقول
ونخلتين من ناك
الحاصل ان ابن دويرج تزوج له حرمة وانجبت له ولد وماتت
ويوم كبر الولد راح طلع من الديره يدور رزقه
ومن عقبها
اعرس على مره
حرمتن مرتبه ونظيفه وذربه وظفره وشغلها زين
مثل حريم اول الله يرحمم الي مات
ويطول بعمر العايش
وتزين الطبخ لرجلها
وطبخها زين بالحيل
والجريش تزينهن لين تخليه كنه دماغ جربوع
عاد من شايفن دماغ الجربوع والله مادري لكن يضربون به المثل
ومثل ما قلت الحرمه ظفره
وما تخلي شي قاصر على رجلها
لاجاء رجلها من شغله الظهر وجاء للبيتقامت تاخذ عبايته منه
وتعلقه
وتاخذ عصاه
الاوهي مولمتن له مريكي مكيين برا ورا القهوه وتقعد قباله
وتقلط له هكالقدوع اللي يصر مصبوبن عليه دبس
وش قال
وتقهويه من هكالقهوه اللي تقعد الراس
المهم ندخل لي عمق القصه
ابن دويرج الله ارزقه خمس اعيال وكلهم ماتو
من اول الامراض الله اليكافينا
منتشره مثل الجدري وغيرها وما له علاج هاك الوقت
وعقب كل السنين وعقب الكبر
رزقه الله ببنيه من هالحرمه
ولا فيها جمال سبحان الله العظيم سبحان الله الخالق
ما تقدر تناظر بها اكثر من ثلاث دقايق
عليه هكالمبسم اللي ياااااااالله تدخل معه العنبه
ويدياته كنه مقرصهن نمل وعراتسيبه وش حليله
وامه معودتها على الستر من يومها صغيره تحنتسها (تحنكها )
يعني تحجبها .بالشيله
وتحني يدياتها كل خمس طعش يوم تحنيها اذا نامت تربطهن
ومربيتها امها اذا نادها ابوها قوليله
لبيه يبه
بقماش وتصير كنها في ملاكمه :D..
المهم كبرت البنيه وصارت تخفرعن الناس ولا تطلع على كل الناس
وامها مربيتها تربيه حسنه
وصارت هي اللي تقوم بخدمة ابوه تلبسه بشته وتلبسه نعاله
وتطالع خاطره وصارت بالحيييل غااااليه عنده ...
وإلا ابن دويرج متجلز للشتا
وجايب حطب ورمث
وما خذ احتياطه من البرد
الحاصل ..يوم جاء يوم من الايام الله لا يعيد الشر ..والا ايام شتاء
ولا يوم جاء مصلي الاخير ...والام بالقهوه شابتن هكالجمـر اللي
ماله رماد ولا دخان ..جمرا كنه كرز
ويوم قهوته بنته
ويوم جاء تبي تصب له الحليب
قالها خليه عقب الصلاه
صلاه الخير
جاء هو مصلي .قالت له : تعال تعاليابوي عند المركه .
الا بوه هكالمركى محطوله جنب مسوى القهوة
جاء هو وقعد يوم ارتكى على المركى قالت الام
تبي نصب لك قهوه قبل ولا (حليبه )
قال والله اللي زاهب ..
قومي يالام والقطي البياله وصبي له الحليب ..يوم شف الحليب
الا هو بارد ..قال هاااه كنه بارد الحليب شوي..
قالت ..لا لا لا ندفيه هلحين ..
قال قومي يابنبتي الله يصلحس خذي روحي جيبي لنا حطب
وعويدات رمث بس وانا ابوك لا تجيبين من الطوال جيبي من
القصار اللي يدخلن تحت المركى ..
قامت البنت وخذت السراج وراحت للحوش تبي تلقط الحطب
الا لقطت ثلاث قصار وهكالعود طويلا بالحيييل جت تبي تكسره
على ركبتها ..الا وطق السراج وينكب قازه ويطفي
ومن عقبها
اخذت تلمس في الحطب يوم تلمست .الله يدفع البلا وهي تقرص
مع صبعها .وهي تصيح هاك الصيحه
فزو امها وابوها
الا هي منقرصه قرصه كايدا
اضنه من دا ب
اركضوا يااهله واستنفروا الجيران ..ويحطون عليه عجينة تمر
ومادري وشو بعد ..المهم مافيه فايده ..
سار السم في جسمها كله
يوم .يومين ويوم جاء نهار الثالث وهي توفى ..الله الدايم
والا يوم انحشت كبد الابو قعد يجي اربعة اشهر وهو مثل الجرح
اللي قاطبن على بلا صدره .كل ما تذكرها تزفر هكالتزفر
اللي الله لا يجيلكم ...
ان ناظر الباب هذا في البيت ذكرها يوم انها واقفتن عنده
واذا يبي شي تذكرها يوم تقوله لبيه
ان قلطت له الام مواعين يذكره يوم هي تجيب له الماء ..
وبس يتصدد ويهرمع من البتساء ( البكاء ) ويدعيله
جاء اربعة اشهر والله ياغدا قلبه جروح وتجرحت عيونه من البكاء
واذا جافي الليل اظلم يدعي لها دعا ..عسى الله لا يحجبه
المهم .من شدة أيمانه صبر وتحمل ...
وقال هذي القصيدة المؤثرة يرثي بنته ...
عـفى الله عن عين حلا النوم جافيها
...............كـراها قـليل وذارف الدمع محفيها
الـى قـلت الاياعين هيدي وهودي
............ جـرى دمعها الصافي وهلت عباريها
تـبين فـروع الصبح ماذاقت الكرى
....... ... ولا لـوم عـين فارقت شوف غاليها
ولا زل يــوم او لـيلة مـاتعبرت
........ عـن الـنوح اعـزيها ولاني بقاويها
وانـا فـي رجا جزل العطاعالم الخفا
.......... يـلطف بـحال خـافي الـهم باريها
عـلى نـور عيني لب قلبي ومهجتي
.......... تـحن الـضماير كـل ماحل طاريها
حنين الخلوج اللي عن الضير فاختت
........... الا غـاب عـنها سـاعة مـايباريها
وانا كيف ماابكي طفلتن غضت الصبا
.............. حـوريـة سـبـحان رب مـسويها
نـشت بـالهدى والدين والحق والبها
.............. فـلو طـالت الايـام مـانيب سيها
فـيـها طـبـوع كـاملات حـميده
........... حـنون على الجيران ووصال عانيها
عـفيفة نـظيفة جيب ماداست الخطا
........... ولا هـوجست بالمذهب اللي يزريها
حـشا مـابها من خافي العيب ذارب
........... حـذا حـشمة الـوالد فهذا فهو يها
كـمل عمرها ثنتين مع عشر واربع
............ حـذا مـحترمها تـسفهه لو يحاكيها
خـذت هـجرة في البيت عندي قليله
............. أمـانه وخـذها الخير اللي عطانيها
ولانـيب جــزع فـلا شـــك ولـعه
.............. اعـرف الأمـانه مـالها غير راعيها
فـياسامع دعـواي فـي مظلم الدجا
............ تـمحا جـرايمها وتـثبت حـسانيها
وتـجعل لـها فـي جنة الخلد منـزل
............ تـقطف جـنا جـنات طيبا وتجنيها
وتـعيضها فـي ما قصر من شبابها
............ بـرضاك يـاخلاقها وانـت والـيها
إلـهـي ودودي دعـوتي تـستجيبها
............ عـلى الـنفس كله من غلاها نبديها
الا واتـكدر خــاطري مـن فـراقها
............. ولـولا غـلاها مـا تـكلفت راثيها
سـمي دمـوع المزن في غبة البحر.((.هاذا اسمها ))
............ سـوى البنك مايدرك ثمنهاويشربها
وانـا مـابي الايـوم يـطرى سميها
.......... عـفى الله عن عين حلى النوم iiجافيها
وصلوا على من لا افترا سيد الورى
......... عـدد ماجرى من رايح المزن واديها
ويا اخواني
فيه بعض الكلمات غير موضحه اي معروفه
ولكن هذا الروايه على لهجت الراوي محمد الشرهان
قد سمعت له القصه
ولكن كما قرت اتيت بالمختصر
ارجو ان القصه حازت لكم
وارجو المعذره كتبتها على عجل
ارجو ما قدمته ينال لكم
وكل عام وانتم بخير
وتقبلو من
محبكم
محمد الظاهري