وين تلاعب طيرك ؟؟ مهم مشاركة الجميع .. موضوع للفائدة

[ابن حـنيف]

مرااحب شباب :D



اليوم طرى ببالي فكرة موضوع ،، اتوقع انه ما طرح بالسابق !


وان مطروح او مشبوك <<< :p ما تفرق خخخ


حطو لنا الرابط هنيا :good2:


الزبده .. ودنا كل واحد يدخل ذا الموضوع يقول لنا وين يلاعب طيره بالملواح



نبي الكل يشارك ويقول احسن مكان يدعي فيه طيوره


وانا ببدأ .. طبعا انا من مدينة الخبر .. شرق المملكة


دائما ما ادعي شمال غرب المطار بالدمام


في الخبر ولا مره دعيت لكن خابر ان فيه مكان للمدعى حلو على خط المهجور






وننتظر مشاركاتكم من كل المناطق عشان الكل يستفيد



كل الود ;)

[خالد الصقري]

مدعى ملهم
على خط القصيم

[صاحب نوماس]

في اي مكان اذا كان ملواح

مثل شبك الحرص مدعى الوليد عند البل اي مكان اما اذا هدد مكان زين اما الحرص او الحفنة

[قرناس شاهين]

مدعاي في حفيره او الصبخه او الشبك

[تميم222]

السلام عليكم اخوني الصقاقير بنسبه لي انا ادعي باقرب محل لي ..نمار وتراه بين بيوت وشعبان ...يعني يخوف للي ما وثق طيره ...بس انا ودي اعطي معلومه لاهل الطيور عامه انك تقدر تدعي انت وخويك جنب بعض وفي اي مكان قريب لك قولولي شلون ؟؟؟
في وقت الغلسه...يعني مطيح الشمس بحيث الطير ما يشوف الا انت والملوح ..وريح مخك من المشاوير وضرب الخطوط لسلامتك وسلامه الاخرين..تحياتي لكم..اما بنسبه لفك الحمام ..هذي الله يعينك..لضرب المشواار..هههه
فيه طريقه بس الان طور التجارب مجرد ما تكتمل راح اطرحها لكم ..تحياتي لكم.اخوكم ابوتمبم

[google-999-]

حاليا في عبلة سدير (( جلاجل ))
جعلها للمطر .. اما اذا كنت فالرياض دوار الحفنه

[وكري نجد]

اذا الله رزقني بطير في جلاجل جمب الشلال بتحديد

[راعي طلاع]

اذا بدعي مدعى الوليد الله يعينا عليه والهدد فالحفنه ولك تحياتي........

[عادل العيباني]

انا ادعي بالمجمعه والاماكن كثار ومتوفره ولله الحمد ولا تاخذ من وقتك الا شي قليل حتى تاصل للموقع سواء كنت بتلوح او بتهد حمام الوضع واحد وتقبلو تحياتي

[صقار مبتدئ]

اناادعي طيوري في الصبخة على الشاطي لعل الله يسوق لنا بحرية

[السومر]

مدعى الوليد او شبك الحرس

[ابو عرب 1]

انا ادعي بمزارع النتسيب او بالربيعيه

[مفتون الضبي]

كوني في عنيزه فيه مكان يعشقونه الصقارين سواء في الهدد او الملواح يقاله ((الاحمديه))جنوب غرب عنيزه

[عاشق جلاد]

السلام
انا ادعي طيور في
مدعي الوليد
شبك الحرس
الحدبا
وسلامتكم

[ابوسمرى]

انا ادعي ببرحه عندا بالرياض بمخرج 18 بالسلي ملواح طبعا اما اذا ابي افك حمام مالي مدعى العاذريه...

[ا ع و 9000]

انا ادعي طيوري بمدعى الجرد في الطايف خط حضن وهو افضل مكان لدينا

[السومر]

يالبيه يالصفيري في (حفرالباطن)

[سلطان نجد]

انا ادعي طيري في الحدبااااا....

موقع ممتاز جدا

[صاهود999]

المدعى عند البيت مريح جدا ولافيه كلفه تنزل على رجلك من البيت وتدعي في الشارع على اذان المغرب ولا في الليل ازين وابرد